bugün wiki təsadüfi son
sözaltı sözlük
məsləhət postlar mesaj Profil

Son yazılanlar









lənətə gəlmiş zənci


319   0   0   0

Among thousands of comrades and ten thousand enemies, only you made me forget my dream.


blok başlıqlarını gizlət

Notice: Undefined variable: thisuser in /var/www/soz6/profilson.php on line 166
eurovision 2024

Bu ilin bütün mahnılarının yayımlandığını və mənim də dinlədiyimi nəzərə alsaq, heç bir musiqi təhsilim, zövqüm olmadığı halda, çayım yanımda, oturduğum yerdən bilmiş kimi insanların əziyyətini yerdən yerə vurmamaq üçün heç bir səbəb görmürəm. əvvəlcədən deyim, "avroviziyanı izləyən var hələ də" klişelərinə girişməyək, nə qədər hard rock qaqaşlar da olsaq, bizim də qilti plejırlarımız var.
kəsib doğramağa başlamadan bir iradım var, onu bildirəcəm. Şəxsi olaraq, rep sevmirəm, son illərin modu olan "hər mahnıya rep basağ"ı da heç bir şəkildə anlaya bilmirəm. keçən il də belə idi, bu il də belə oldu - gül kimi mahnıları heç edib qoyurlar. sırf bu trendə görə nə qədər sevmiş olsam da öz, şəxsi metrik sıralamamda arxaya atdığım mahnılar oldu. hələ bəzi vətən xainləri var, rok musiqilərə də rep soxuşdururlar, onlar üçün cəhənnəmdə xüsusi yerlər ayrıldığına əminəm.

əvvəlcə ənənəyə sadiq qalaraq ümumi kütlənin haqqında müsbət düşündüyü, lakin mənim sevmədiyim mahnılardan başlayaq, buranı maksimum qısa tutacağam :
- avstriya - yoxe xanım, o deyil.
- danimarka - gözəl sözləri var, amma o deyil.
- ermənistan - ekşidə bir komment gördüm bununla bağlı, çox güldüm, deyir, bizim tosun paşanın musiqisini biraz dəyişib avroviziya mahnısı ediblər. ucundan oxşuyur, amma o deyil.
- yunanıstan - etnik-metnik bir şey basıblar, amma o deyil. yunanlarda da nərd - üzr istəyirəm, nərdikis varmış, onu öyrəndim. kabab da türklərindir bu arada.
- norveç - bu norveçlilərin vikinq olduqlarını bilməyən qalıb görəsən? qalmışdısa da, indi heç kimin şübhəsi olmaz deyə hesab edirəm. nəsə o deyil.

Fransanı ayrıca olaraq qeyd edim, mahnı barədə nəsə mənfi fikrim yoxdur, üstəlik slimane kimi qlobal səviyyədə tanınan bir nəfərə güvəniblər, canlı performansdan da gördük ustalığını, ancaq eləbil biraz daha yaxşı mahnı seçə bilərdilər. nəsə underrated qalacaq, mahnı yox, məhz slimane.

Keçək əsas məsələyə, 10-dan geriyə, getdik :

10) israil - açığı mahnı elə də vecimə deyil, pis deyil, gedəri var, ancaq bu avropaların ikiüzlülüyü məni məndən alır, united by music deyirlər, israil heç yoxmuş kimi davranırlar, musiqini siyasətə alət edirlər, malı mala qatırlar. turu keçməz, keçsə də 0 xal çəkəcək bu il, halbuki buna layiq deyil.

9) azərbaycan - bu avropalılara da mahnı bəyəndirə bilmirik, nədie, gül kimi mahnıdı da şükürsüz ibnələr. canlı ifadan çox şey asılıdır, ancaq underrated qalacaq bu il, turu keçər, ardı gəlməz.

8) xorvatiya - rim dim daqi diqi rim dim daqi diqi. mahnı gözəl, səhnə xoş, geyimlər mükəmməl (rammsteinin dicke titen mahnısına bənzətdim), sözləri mənalı, klipdə pişik belə var, daha nə olsun.

7) estoniya - mark my words, mükəmməl səhnə performansı bizi gözləyir. hələlik underrated.

6) italiya - belinə qüvvət ay xanım, oxunuşu çox çətin bir mahnıdır (mən elə gördüm). bir tərəfdən də dolu doludur, içində hər şey var - etnik vibe, yeni nəsil pop, catchy sound, hətta rep də var blin, düzdü mahnıya yedirilib, elə də narahat etmir.

5) litva - sadə, catchy, canlı ifası xoş.

4) Hollandiya - sevirəm də belə içi boş görünən, amma altı dolu olan mahnıları. qaqaşın mimikaları da ayrı ləzət edir.

3) isveçrə - mənalı, catchy, lirika gözəl, səs gözəl, klipdə çıxartdığı səsləri canlıda da çıxartsa uçar gedər.

2) Ukrayna - xanımlar hər şeydən biraz biraz yükləyiblər mahnıya. kalush orkestrada nə vardı? rep - bas getsin, shum-da nə vardı? etnik ukrayna səsləri - bas getsin. düzü mən bu qarışıq salatı çox sevdim, gözübağlı 1-ci sıraya da yazardım əslinə qalsa, amma o rep nədi bax? gül kimi mahnıdı, gül kimi ifadı, di gəl ki, nəqəratdan sonra basıblar da repi blin. canlı ifada da bir sıra texniki problemlər vardı elə bil. şansı yüksəkdir yenə də.

1) Belçika - hər nə qədər, canlı performansını görməsək də, parti qurtarmadan, hələki nömrə 1-im belçikadır. boğazdan gələn səs, lirika, o verdiyi təəssüratı - hər şey bomba, möhtəşəm də bir live gözləyirəm açığı. üstəlik canlı performansda da, özünü klipdəki kimi dağa-daşa çırpsa, dadından yenilməz.

Belə. yadıma salmağa çalışıram, politik nə hadisə yaşanmışdı 2023-də, israil müharibəyə görə qol yeyəcək, ukraynanın müharibə qazı artıq soyuyub, loreen kimi sırf adına görə qalib olma potensialı daşıyan kimsə də yoxdur. bu il nisbətən daha ədalətli nəticə alınacaq belə getsə, üstəlik isveçin ev sahibi olduğu avroviziyalar şou cəhətdən həmişə maraqlı alınıb.

napoleon

Ridley scott abimizin ən son filmidir. Tarixə ekstra bir marağı olan mən, filmi ilk traileri yayımlanan gündən bəridir ki gözləyirdim həyəcanla və Gec də olsa sonunda kinoteatrda izləyə bildim. Təbii ki çox şey gözləyirdim, nəticədə söyə söyə çıxdım salondan. Bunu məcazi olaraq demirəm, həqiqətən də filmin ikinci yarısında kriz keçirib yağlı bir söyüş söydüm ekrana doğru, ümid edirəm salondakılar eşitməyiblər.

Əvvəlcə "sevdiyim" tərəfləri barədə danışıb keçəcəm spoilerə. Filmin ilk yarısı, müharibə səhnələri, aktyorların performansı möhtəşəm idi. Ki bu az da olsa təsəlli verir, izlədiyimə peşman olmaqla olmamaq arasında gedib gəlirəm.

---spoiler--
-
Nə deyim, necə deyim, harasından tutum. Bütün avropaya təsir edən, tarixini kökündən dəyişdirən napolyonun həyatını, bioqrafiyasını ancaq bu qədər bərbad işləyə bilərdilər. Mühüm tarixi hadisələrin üstündən ehtiyatla hoppanıb, qısa fraqmentlər göstərib, napolyon və cozefinanın heç kimin qozuna olmayan, xəyanət, göz yaşları və çılğın sekslərlə dolu eşq hekayəsini az qala bütün filmin əsl mövzusuna çeviriblər. Qardaş onda filmin adını "napolyon və cozefina : imkansız bir eşq hekayəsi" qoyardınız, yükləyərdiniz pornhuba, biz də əziyyət çəkib gəlməzdik heç. O boyda misir səfəri qalıb qıraqda, o barədə cəmi bir səhnə keçir, napolyona deyirlər, arvadın səni aldadır, durub qayıdır fransaya şığıyır arvadın üstünə və filmdə bu mənasız detalı az qala yarım saat uzadırlar. Elə bil avropa fatehinin filmini yox, "elgizli axşamlar"dan bir epizod izləyirsən, Nazim kişi ilə sümbül xalanın ailə-məişət zəminində yaranan problemləri.

Həmçinin Film bomboş seks səhnələri ilə doludur, buna görə gedən yoldaşlar olduqca məmnun bir şəkildə ayrılacaqlar. Ciddən məncə əgər hekayənin gedişatına heç bir təsir göstərmirsə, hər hansı bir filmdə ucuz "sex sells" məntiqinə dayanan cütləşmə səhnələri qoymaq, sadəcə əbəsdir. Biz napolyonun bioqrafiyasını izləməyə gəlmişik ya coni sinsin? Filmi ridley scott çəkib ya rocco siffredi?

Yox anası çıxır sənin arvadının uşağı olmadı, sənə cavan qız allam, yox napolyon avropaya elçilər göndərir, özünə ayrı arvad axtarır. Nədie bu? Filmin az qala 70-80 faizi bu cür gic-gic, lazımsız epizodlarla doludur, hansı ki, bunların yerinə napolyonun müharibələri, hərbi uğurları, üsyanlar, xalqla olan münasibəti, dövrün o gərgin atmosferi, inqilab, danton, robespyer, marat, yakobinlər, 18 brümer, konsulluq dövrü və s. Haqqında daha ətraflı danışıla bilərdi.

Ortada götlü-başlı ssenari də yoxdur. Hadisələr bir birini tamamlamır, ortada sanki bir boşluq qalır həmişə. Bir baxırsan napolyon ingilislərlə vuruşur, hop bir baxırsan misirdə piramida gülləliyir, hop keçirik cozefinaya, ordan hop austerlitzə, təzədən yenə cozefina, sonra hop moskvaya. Bir baxırsan napolyon general oldu, sabahısı gün konsul olur, bir səhnə sonra imperator. Bir baxırsan napolyonla aleksandr can brat olub, bir sonrakı səhnədə əzəli düşməndilər. Bu cür ssenari quruluşundan, hadisələrin gedişatına aparan tarixi ardıcıllıq barədə məlumatı olmayan birisi heçnə anlaya bilməz. Başa düşürəm, napolyonun dolu dolu həyatını 2 saata sığdırmaq asan deyil, ancaq o yuxarıda bəhs etdiyim lazımsız səhnələri çıxarsaq əgər, əldə kifayət qədər vaxt qalacağına da inanıram.

Bir də adi bir şey kimi görünə bilər, xırda detaldır, ancaq bunu da qeyd etməliyəm. Film ingilis dilindədir, fransızı da, rusu da, almanı da hamısı ingilis dilində danışır. napolyon və aleksandr oturub söhbət edir məsələn, napolyon rusca bilir? Ya aleksandr fransızca? Ya da, ikisi də "sikdir elə gə ingilis dilində danışaq" deyə qərara gəliblər? Məsələn sadə bir misal, all quiet on the western front filmi alman dilindədir, alman səfirlərlə danışa bilmək üçün fransız general özü ilə tərcüməçi gətirir filmdə, hər millətin nümayəndəsi öz dilində danışır. Eynisini bu filmdə də görmək istəyərdim.
-
--spoiler---

Off...off... nə izlədim ağa mən? O boyda napoleonu kamal sunal filmi obrazına çeviriblər, sakar şakir kimi gəzir ortalıqda, nə xarizma qalıb nə bir şey.

Tanım : çox gözəl film idi, bir də olmasın

yaran türkcə karikaturalar

Məni ən çox güldürən, həm tərzi, həm də mizahı ilə 90-cı illərin komediya jurnalı olan lombak üçün çəkilən karikaturalardır.

Bəzi örnəklər :



14 may 2023 türkiyə seçkiləri

Şəxsən ilk tur məni çox təəccübləndirdi. Ərdoğan böyük fərqlə qalib gələr deyə düşünürdüm. kılıçdaroğluna rəğmən qalib gələ bilmədisə, deməli propaqandaları o qədər də geniş kütləyə təsir edə bilməyib. Ya da həqiqətən də beziblər bu hökümətdən. Üstün zəkalı bəzi türklər isə hələ də "sinan oğanı, muharrem incəni dəstəkləyənlərdən səs yığa bilsək, bitirərik bu işi" deyə düşünürlər.
Siyasətdə hər şey mümkündür, ola bilər ki, hər şeyə rəğmən sinan oğan qılıncı dəstəkləsin, ancaq unutduqları çox vacib bir şey var. Milliyyətçi insanlar, atatürkçü insanlar, dindar olsa belə ak partini sevməyənlər hdp ilə ortaqlıq edən, "aponun heykəlini ucaldacıq" deyən adamı və onun partiyasını dəstəkləyən adama səs-məs verməz, uzağı sandığa getməz, ki bu da yenə chp-yə ziyan vurur. Hələ milliyyətçiləri lap boğazına dirəsən də, yenə sənə ordan çörək çıxmaz, bu insanlar "selahattin demirtaş üçün sandığa getməliyik" deyən qadının olduğu partiyaya günahını belə verməz. yəni sinan oğanın chp-yə maksimum 1 faiz səslə xeyri dəyər. Öz siyasi gələcəkləri üçün tərəfsiz qalacaqlardır.

Ola bilər ki, qılıncdar həqiqətən də hdp-ni dəstəkləmir, o 10 faiz səs üçün göstərməlik bir addımdır. Ancaq burdan 10 faiz qazanacaq deyə, ərdoğanın əlinə kozır vermək haradan baxsan ağılsızlıq örnəyidir. Bunu mən bu yaşımda, bu təcrübəmlə belə etmərəm. Ərdoğanın çıxışlarınının əksəriyyətini izləmişəm, dilində tək bir ifadə var, tək bir silahı var, "biz bu ölkəni terroristlərin əlinə buraxmarıq" . Aç gözünü a kişi, qarşı tərəf səni terrorla ittiham edir, sən yatmısan fil qulağında, bu bəs deyilmiş kimi ak partinin qalib gəlməsi üçün də əlindən gələni edirsən. 100 faiz əminəm ancaq sübut edə bilməyəcəm çox təəssüf, qılıncdar namizəd olanda ərdoğan toy bayram edib, şampan partdadıb, "yaşasın bu dəfə də qalib gəldik" deyə. Yəni ərdoğana səs verənləri ittiham etmək, zəlzələ bölgəsində olanlara sayıb söymək düzgün taktika deyil, chp onları qazanmaq üçün heç nə etmədi, bu insanlar ac qalar, susuz qalar, dağıntıların altında qalar, yenə də terrorla hər hansı bir əlaqəsi olan və ya olduğu zənn edilən partiyaya səs verməzlər. ikinci turda da ərdoğan traktorla keçəcək üstlərindən.

Yəni qılıncdarın namizəd olmasından tut, hateful eightin üzvlərinə qədər başından bıri götürülən strategiya yanlış idi. Bu bəs deyilmiş kimi, məmləkət və zəfər kimi gənclərin arasında təzə təzə populyarlaşmağa başlayan partiyaları da qazanmaq üçün heç nə etmədilər, əksinə rəqib olaraq gördülər. Qılıncdar rəisin kariyerası bu seçkilərdən sonra bitəcək, öz şəxsi ehtirası ucbatından bütün bir ölkəni poxda qoyan bu adamı, şəxsən mən, deyil ölkə prezidenti, qoyun sürüm olsa, başına çoban deyə gətirmərəm. Gülməlisi isə odur ki, prezident olacam deyə məclisdəki onsuz da az qalan yerlərinə köhnə akpliləri gətirib oturtdular. Əvvəlki entrydə də demişdim, sonra hədəf 2028 deyə oturub ağlayacaqlar deyə, gec olacaq, indi sizə oturduğunuz yerdən oxumağa yalnız bir şeir qalıb :

"Çünki oldun dəyirmançı
Çağır gəlsin dən koroğlu
Verdin qırı, aldın dürü
Döy başına yan koroğlu"

milli məclis

Universitetdə bir müəllimimiz demişdi ki, rusiyada adına duma deyilir, o, "dumat" yəni düşünmək sözündən gəlir, yəni ruslar orada nəyisə düşünüb müzakirə edirlər.
Avropada ona parlament deyilir, fransızcada "parle" və ya italyancada "parlare" sözü var, bu da danışmaq mənasını verir. Yəni avropalılar orada diskussiya edib nəyisə müzakirə edirlər.
Bizdə onun adı milli məclisdir, düşünmək, danışmaq, müzakirə etmək yoxdur, bizimkilər toy məclisinə gəlmiş kimi oturub, arada deyib-gülüb dağılışırlar.

sözlük yazarlarının şəxsiyyət tipləri

(baxma: intp)
1 il bundan qabaq etmişdim, nəsə təsbitləri nöqtə atışı gəlmişdi mənə.
Sonda memar və ya mühəndis olmağı tövsiyyə edirdi, qaqa kaş bunu 4 il ayrı ixtisas oxumadan qabaq deyərdin.

ən yaxşı gibi replikaları

Nə əcəb heç kəs yazmayıb :

-ersin usta tıknaz, ondan koşarak kaça bilirdik, ama erdem atletik çocuk yakalardı bizi.
+ulan erdem atletik diye ben neden köfteci açmak zorundayım? Böyle bir mecburiyyet ola bilir mi?

Edit : yaxşı gündə yar yaxşıdır, yaman gündə yetiş qardaş.

14 may 2023 türkiyə seçkiləri

Muharrem incənin üstünə gedə-gedə, min cür hoqqadan çıxıb axır ki, namizədlikdən çəkilməyə məcbur etdilər. Demoktariyanı baltalayıb, demokratiya istəyən tək millət yəqin ki, türk millətindən başqası ola bilməz. Bu da bəs deyilmiş kimi, hələ də cahilindən, "savadlısına" üstünə getməyə davam edirlər. Bu nə kindir belə, anlaya bilmirəm. Düşüncə dəyişmədikdə istəyirsən atatürkü dirilt başa gətir yenə xeyri yoxdu.

Mənə ən maraqlısı odur ki, bu qədər həngamədən sonra dədələri yenə də məğlub olsa, görəsən günahı kimin üstünə atacaqlar? Günah yenə də günahsızların üstünə qalacaq. Yəqin ki 5 il sonra, yenə də eyni aktyorların olduğu eyni ssenari ilə qarşılaşacayıq :"Bu son seçimdir, göndərməsək vəssəlam".

Yox əgər kamal qalib gələrsə, o zaman da layiq olduqları "demokratiya"ya çatmalarını diləyirəm.

Edit : Nə dediysə doğru çıxdı, böyük adamdı incə başkan. Gələcək siyasi həyatında yolu açın olsun.

eurovision 2023

Keçən ilin qalibinin ingiltərə, bu ilin qalibinin finlandiya olduğu "mahnı" müsabiqəsidir.

yazarların çəkdikləri pişik şəkilləri

Bir dəfə səhər, saat 6 radələrində olardı, oturub fikirli fikirli siqaret çəkirdim, gəldi üstümə dırmanmağa çalışdı, götürüb qoydum qucağıma, fürsətdən istifadə xəbərsiz çəkdim şəklini, o gün evə qədər dalımca gəlmişdi.




Bu balaca ilə də veterinarda tanış olmuşduq, qızımı aparmışdım, gəldi, oturdu çantamın üstündə güc-bəla ilə razı salıb yerindən qaldıra bildim.


Universitet vaxtı, gecə smenində işlədiyim yerə tez tez it- pişik gəlib baş çəkirdi, bəzən qış vaxtı içəri girib isinib gedirdilər, bir qədər şəkillərim vardı, tapa bilmədim heç, bircə bu qalıb o günlərdən.

eurovision 2023

Qardaşları təbrik edirəm, səhnədə əllərindən gələni etdilər, amma bu mahnı ilə ancaq bu qədər olur. Kareoqrafiya tərəfdən isə finala çıxmamaq üçün hər şeyi etdik məncə. Mən də pal-paltarı tənqid edəcəm, amma başqa perspektivdən. O səhnə-geyim və mahnı arasındakı əlaqəni heç cürə qura bilmədim. Adətən bu formada rəngbərəng geyim daha hərəkətli mahnılar üçün seçilir (məs : finlandiya). Bu səhnə şousu və mahnı ilə seçilsələr daha çox təəccüblənərdim. Nəsə, ümid edirəm gələcəkdə özlərini daha da inkişaf etdirəcəklər.
gələn dəfə lap öz dilimizdə bir mahnı seçib göndərsinlər, azərbaycan dilinə nə gəlib ki.

Məni ən çox təəccübləndirən isə israil oldu. ilk dəfə qulaq asanda heç xoşuma gəlməmişdi. Ancaq səhnə şousu, rəqslər, mahnı bir sözlə möhtəşəm. 180 dərəcə dəyişdi fikrimi. Unicorn unicorn deyə-deyə gəzirəm.

Finlandiya hər nə qədər favoritim olsa da, canlı performans (əsas da səs) məni çox açmadı, finalda ümid edirəm daha yaxşı olacaq.

isveçi isə tək sevməyən mənəm deyəsən, yəni europhia hara bu mahnı hara. sırf ada görə qalib seçiriksə təklif edirəm, biz də niyaməddin musayevi göndərək.
Feminist bacılar da eyni qaydada.

Latviya, qaqa dili ilə desək çujoy getdi, ikinci yarımfinalda çox rahat keçərdi.

Xorvatiyanı çox bəyəndim, sevirəm belə troll şeyləri.

Host isə sadəcə şedevr. Açılışda julia sanina tərəfindən səslənən mayak mahnısı bu ilki ölkələrin hamısından çox daha yaxşı idi.

uşaq ağlı ilə inanılanlar

Uzun bir müddət düyməsinə basılanda "Fire-fire" səslənib gəzən robotların "ismayıl, ismayıl" dediyini zənn etmişdim.
Ancaq Optimus prime və ismayıl arasındakı əlaqəni heç cürə qura bilmirdim.

ekşi sözlük

An etibarı ilə geri dönməmək üzrə sağollaşdığım türkiyənin "sözlük" saytıdır. Hətta o dərəcə ki, google axtarış shortcut'ımdan belə çıxarmışam.
Good old days həqiqətən də... əvvəllər hər hansı bir mövzu və ya şəxs barəsində uzun uzadı oxumamaq üçün, ən önəmlisi isə tərəfsiz insanların yazılarından öyrənmək üçün tez-tez istifadə edirdim. Bizdə nəyə görə belə bir platform yoxdur deyə düşünürdüm (halbuki varmış). Yaxın zamanlarda onsuzda əvvəlki səviyyəni itirdiyini hiss edirdim, hər kəs kimi. Ancaq nə dərəcə bir troll yuvasına çevrilməsini indi indi görməyə başlayıram. Kimə, nəyə hansı orqanizasiyaya xidmət etdiyini anlaya bilmədiyin trollardan tut da, özünü sokratın xalası oğlu zənn edib havaya girən toksik yazarlara qədər, entrilərin keyfiyyətinin düşdüyünü və şiddət dozasının 1-ə 5 artdığını düşünürəm. Sözlük məlumat ala biləcəyin yerdən çox yazarların kin qusduğu, məşhur insanların türklər demiş toplu şəkildə "linç edildiyi", məlumat vermək adı altında "ən düzünü mən bilirəm" mottosu ilə sidik yarışına girən yazarların eqo masturbasiyası etdiyi bir tartarosa çevrilib. Hansıki, görən elə biləcək qaqaş nobel mükafatı laureatıdır.
Haradasa oxuduğun bir məlumatı çatdırırsan da sən də, nədir axı bu havalar?
Sözlüyün mənfi gedişatını haradasa türkiyənin mövcud siyasi abu-havasına da yozmaq olar, insanların üzərində ümumi bir gərginlik var. Ancaq yenə də, mənim Zərif bədənim bu qədər mənfi enerjini qəbul edə bilmir. Yeri gələndə sözaltı sözlüyün də məşhur olmasını, kütlələr tərəfindən tanınmasını istəyirik, ancaq çox tanınmağın da belə problemləri var. Hər cürə adam istədiyi formada yazır, ona təhqir, buna böhtan, nəyə xidmət etdiyini, kim olduğunu, nə niyyətlə yazdığını bilə bilmirsən. Moderasiya barədə bir məlumatım yoxdur, amma nəzarət və ümumi idarəçilik də dəniz səviyyəsinin altındadır. Ortada nə hörmət qalıb nə izzət. Belə getsə twitteri taxtından edəcəklər. məlum səbəblərdən 3 ildir ki, həmin saytdan da istifadə etmirəm.
Ümid edirəm, bizim sözlüyün başına eynisi gəlməsin, lap lazım gəlsə çox da tanınıb eləməsin, şəxsən mənə yasamal çay evində, paralel çizgili, qolu qısa köynəyi ilə oturan nazim kişinin haarp barədə dəli dəhşət teoriyalarını əks etdirən entrilərini oxumaq ləzzətli deyil.

homoseksuallıq

modern homoseksualları da, homofobları da başa düşə bilmirəm.
ilk olaraq, məndən kilometrlərlə uzaq, mənlə uzaqdan-yaxından əlaqəsi olmayan 2 və ya daha çox insanın öz aralarında yaşadığı və ya yaşamaq istədiyi cinsi əlaqə forması məni niyə narahat etməlidir ki? Çünki ata-babalarımız demiş mənə girəni çıxanı nədir bunun? Bu adamlar yolda tutub mənə təcavüz eləmirlər, öz toylarına dəvət eləmirlər və ya evimə girib gözümün qabağında yeyişmirlərsə bundan mənə nə? Mən nəyə görə bu insanların ən məhrəmlərinə burnumu soxmalıyam? Şəxsən özümü bu qədər önəmli bir insan saymıram.

indi gəlim ikinci məsələyə. Nəyə görə "modern homoseksuallar" deyirəm. Çünki gəlib çatdığımız dövrdə insanlar o qədər tənbəlləşib ki, sırf cinsi orientasiyasına görə özlərini özəl hesab edirlər. Özlərini homoseksuallıqla tanımlayırlar. Bu mənim küçəyə çıxıb da "bax mən necə kişiyəm, mən belə kişiyəm, cinsi orqanımın da uzunluğu budur" deyə özümü tanımlamağıma bənzəyir. Bu nə qədər məntiqlidir? Məsələ odur ki, homoseksuallıq insanı təkbaşına tanımlayan və ya özəl edən bir şey deyil, cinsi orientasiyanın yanında səni özəlləşdirən hər hansı bacarığın, fərqli xüsusiyyətin olmalıdır. Yoxsa ikimiz də eyni zibilliyin içində yaşayırıq, sən bu cür hiss edirsən mən də o cür, başqa heç bir fərqimiz yoxdur.
Elə məhz lgbt tərəfindən aparılan propaqanda da bu qəbildəndir. Başa düşə bilmədiyim məsələ budur. Misal üçün, hər hansı bir film və ya kitabda keçən obrazı cinsi orientasiyasına görə sevməzsən, "mən raskolnikovu sevirəm, çünki o kişidir" demək nə qədər absurddursa, bunun tərsi də o qədər absurddur. Çünki onun kişi və ya qadın olması heç kimə (ən azından əksəriyyətə) maraqlı deyil, maraqlı olan onun fikirləri, hərəkətləri, dünyaya baxış bucağıdır. Modern işlər isə sanki biz sevdiyimiz obrazı homoseksual edəndə və ya lgbt üzvü birisi sırf bu xüsusiyyətinə görə baş obraz olduğu təqdirdə, biz onlara pərəstiş edəcəyik. Yox, əksinə, bu tərs təpir. Homoseksuallara qarşı neytral olan mən belə bir yerdən sonra hər fürsətdə gözümə-gözümə soxulan, türklər demiş "pompalanan" ideologiyaya qarşı ikrah hissi duyuram. Məhz elə bunun eynisini feminasistlər də edir də, nəysə, o məsələyə girmirəm. Tarixlə bağlı və ya müharibə mövzulu bir film izləməyə gəlmişəm, porno film izləmək istəsəm gedib baxaram da. Yəni ümid edirəm çatdıra bildim fikrimi.

Bəs bunu necə normallaşdırmaq olar. Lgbt propaqandasının bəzz qalası olan netflixdən bir misal çəkim. Məsələn castlevania və ya the haunting of bly manor kimi çox sevdiyim işləri götürək. Hər ikisində də homoseksual obrazlar var, amma mən bu personajları onların cinsi orientasiyası ilə xatırlamıram, çünki bununla maraqlanmıram belə. Bu personajları fərqli edən hansı cinsin nümayəndəsi olması deyil, hansı cinsə istək duyması da deyil, fərqli xüsusiyyətləridir.
Bu işin ən çirkin tərəfi isə uşaqlar və yeniyetmələr üzərindən aparılan propaqandadır. Hər nə qədər homoseksuallıq insanın daxili ilə bağlı olsa da, çevrə faktorları, yanlış yönləndirmələr, əslində homoseksuallığa meyilli olan və ya olmayan uşaqların və yeniyetmələrin gələcək həyatına və seçimlərinə olduqca pis təsir edəcək.
Son olaraq Əziz lgbt üzvləri, hələ cinsiyyət haqqında heç bir təsəvvürü olmayan uşaqlara hər fikrə, fərqli yönəlimlərə hörmət etməyi öyrədin, amma onları öz təbliğatınıza alət etməyin, yoxsa gözümdə tənqid etdiyimiz homofob kütlədən heç bir fərqiniz olmayacaq.

14 may 2023 türkiyə seçkiləri

Bu gün etibarı ilə anlamış oldum ki, bu chp seçki meçki qazanmaq istəmir.
blət nətəri e? Yəni o qədər adamın içindən çıxara-çıxara kamal bacarıqsızını necə namizəd çıxara bildiz? Adam illərdir sırf ərdoğan qalib gəlsin deyə çalışır. Bunun yerinə başqası olsaydı bu iqtidar çoxdan vızqırdıb getmişdi işinə. Atatürkün mirası olan partiyaya ağzına gələn adamı doldurub, hdp-yə yaxın adamlar, akp artıqları ilə bir masaya oturub, hələ bu bəs deyilmiş kimi hər fürsətdə pkk dəstəkçilərini yalayır.
Dörd il əvvəl muharrem ince namizəd seçiləndə həqiqətən də ümidlənmişdim, ən azından akp iqtidarını bitirər, lap bəlkə türkiyəni əvvəlki günlərinə qaytarar filan deyə, sən demə elə bu xiyar seçki günü öz namizədlərinin ayağını sürüşdürübmüş. Bəlkə biri çıxar, bundan yüksək mövqeyə qalxar deyə paxıllanıb, indi də kreslo sevgisindən ötrü özündən başqa heç kəsi namizədliyə layiq görməyib paşamız. Sırf mediada, xalqın gözündə populyar olduqları üçün əkrəmi və mansuru yanına köməkçi deyə alıb çıxardıb, halbuki bunun qanunlara uyğun olub olmadığı belə tam bəlli deyil, göz boyayırlar sadəcə. Xeyri yoxdu müəllim, lap atatürk də sənə dəstək versə, sən bu bacarıqsızlığınla ancaq başını ala bilərsən. Lap bu qalib belə gəlsə, ölkəyə poxu qoyacaq, hələ bəlkə apk-dən də betər günə düşəcəklər. Verdiyi sözləri tutmayacağından da adım kimi əminəm.

Yox qaqaş yox, bu türklərdə həqiqətən bir qram da olsun ağıl yoxdu. iqtidarı taxtından endirməyə ən yaxın olduqları anda belə ölkənin ana müxalifəti, xalq nəzdində (həmçinin anketlərdə) ən aşağı adamı tutub namizəd edir, hələ bir də durub toy-bayram eliyiylər. siz elə bunlara layiqsiniz.
Bundan sonra mənim də yolum rəisin yoludur. Ərdoğanla irəli !

(youtube: )


Bu seçkidən sonra da hədəf 2028 deyə oturub ağlayarsınız artıq.

kəklik

Kəklik və ya kəklikquşu sözünün latıncasının yaranması ilə bağlı maraqlı bir hekayə var. Demək ikarusun atası daedalus qərib-qürüb alətlər düzəldə bilən bacarıqlı bir ixtiraçıdır. öz tələbəsi və bacısı oğlu olan perdiksi, özündən daha yaxşı alətlər düzəltdiyi üçün qısqanır və yüksək dağların birindən, uçurumdan aşağı atır. Bəzi mənbələrə görə perdiks ölür, bəzi mənbələrdə isə afina (minerva) perdiksi quşa çevirir, ona görə də perdiks (kəklik) uca ağacların başında yuva qura bilmir, yüksəklikdən qorxduğu üçün öz yuvasını nisbətən aşağıda qurur. Bu söz yunan dilində "perdesthai" yəni "külək qıran" mənasına gəlir, oradan latın dilinə perdix şəklində, oradan fransız dilinə pertis şəklində, daha sonra isə ingilis dilinə keçir, zaman keçdikcə şəkil dəyişərək partridge formasını alır.

Bu barədə bir məlumat tapa bilmədim, amma səslənişi çox bənzədiyi üçün türk dillərində işlənən kəklik sözünün də buradan yarandığını güman edirəm.

qızların alicənab yerinə avara adam seçməsi

Mənə çox "ərgən dərdi" kimi gələn fikirdir.
Qızlar bizə baxmazlar ki qaqaş
iş güc sahibi, müəyyən həyat standartına və təcrübəsinə sahib qadının "avara adamı" özünə partnyor seçməsi mənə heç inandırıcı gəlmir, ha beyin olaraq ərgənlikdən çıxa bilməyibsə o başqa məsələ. Əks halda, Bu saydığım kriteriyalarda bir qızın avara adamla yola gedə bilməsi belə mümkün olan şey deyil. Bu cür seçimlər yalnız Tiktok-türk serialları-wattpad bermuda üçbucağında gəmisi batmış qızlar üçün keçərli ola bilər.

Mütləq bir qız tərəfindən seçiləcəmsə, onun müəyyən zövqə(hər mövzuda), dünyagörüşə və sağlam düşüncəyə malik olmasını istəyərəm. Yuxarıda bəhsi keçənlər isə istədiyi qədər avara adam seçsin, hətta mümkünsə məndən bir işıq ili qədər uzaqda olsunlar.

/ 20 »
Notice: Undefined variable: user_id in /var/www/soz6/sds-themes/vengeful-light/profile.php on line 1337


blok -   başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344