reyn


31   6   0   0
reyn 4.nəsil yazar
reytinq xalı: 2089
karma xalı:2534
entry sayı:31
izləyənlər:45
sifariş sayı:1

son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə
Reyn adına məstan parkı da salın




albert aqarunov 1992-ci il mayın 8-də şuşa şəhərinin işğal olunduğu gün snayper tüfəngi ilə vurularaq şəhid olmuş, yəhudi əsilli azərbaycan milli qəhrəmanı, Öldürülməsi üçün ermənilərin başına 5 milyon rubl pul qoyduğu, birinci qarabağ müharibəsində "yəhudi buterbrodu" taktikasının yaradıcısı.
Hamının tank üstündə, ümidli, gülərüz xatırladığı kəsdir albert. Mirşahinlə müsahibəsini xatırlamayan olmaz, yəqin.
(youtube: )

Mirşahinin səsinə dözə bilməyənlər üçün müsahibədən bir hissə paylaşım:
--Adın nədir sənin?
– Albert.
– Hansı millətin nümayəndəsisən?
– Yəhudi.
– Yəhudiləri Azərbaycan torpağını qorumağa nə məcbur edir?
– ona görə mən bu torpaqda yaşayıram, doğulmuşam burada, yaşayıram da burada, ayrı heç nə məcbur eləmir.
– Bir vətəndaş kimi öz borcunu nədə görürsən?
– Gəlib torpağı qorumaqda.
– Nə qədər vuruşmağı düşünürsən?
– Müharibənin axırına kimi.

Albert Bakıda yəhudi ailəsində doğulub, orta məktəbi bitirəndən sonra peşə məktəbində sürücü-mexanik təhsili almış, 1987-ci ildə gürcüstanda hərbi xidmətə getmiş, hərbi xidmətdə olduğu zamanlar tank komandiri olmuşdur. Birinci qarabağ müharibəsi başlayan günlərdə könüllü yazılaraq, cəbhəyə getmiş, tank komandiri təyin olunaraq xüsusi təyinatlı 777 nömrəli batalyonun tərkibində Vuruşmuşdur. Şuşa istiqamətində döyüşmüş, Cəmilli, xankəndi, daşaltı istiqamətində ermənilərin zirehli texnikasını, canlı qüvvəsini məhv etmiş, düşmənin iki tankı bir-birinə yaxınlaşanda bir mərmi ilə iki tank vuraraq, yanındakı əsgər yoldaşları tərəfindən "yəhudi buterbrodu" olaraq çağırılmışdır.
Komandirinin sözlərinə əsasən, mayın 8-i 1992-ci ildə albert mövqeyini dəyişəndə şəhid olmuş yoldaşlarının üstündən keçmək istəməmiş, buna görə tankından çıxıb, yoldaşlarının ölü bədənlərini kənara çəkən zaman öldürülmüşdür.

Azərbaycan respublikasının prezidentinin 1992-ci il 7 iyun tarixli, 833 saylı sərəncamı ilə "Azərbaycan milli qəhrəmanı" adına layiq görülmüşdür. Bakıda şəhidlər xiyabanında dəfn olunub.

Bu gün Bütün küçəmiz albertin şəkilləri ilə doldu bir anda. Bir yəhudi qonşumuz var idi, şəhid gətirildi. anası fəryad edirdi ki, müharibə başlayan kimi "müharibə başladı, mən də bir albert olmağa gedirəm" Deyib, getdi tək oğlum.
Nə deyəsən. Həmişə 23 yaşında qalacaq gözəl insanlar, ruhunuz şad olsun.
müharibəyə gedəndən bəri qardaşımla danışdığımız hər zəngin sonunda atam ona "bax, özünü qoru ha, ora-bura atılma, ehtiyatlı ol, minalı ərazilər çox olur. Həyat qabaqdadır, gözümün nuru, həyat qabaqdadır" deyir. O "həyat qabaqdadır" sözü albert aqarunovu, səid rəşidzanəni, şaiq kəlbiyevi və tanıyıb-tanımadığım yüzlərlə, minlərlə gənci xatırladır mənə. Şəhid olduğu üçün Daima eyni yaşda qalacaq olanları. Çox kədərli deyil, sözlük?

Albertin müsahibəsində "aə mən intervyu verə bilmirəm, a kişi" dediyi kimi, mən də entrynin sonunu hara bağlayıram bilmirəm, a kişi. Heç bir şey vallah. Kədərlidir. Nurlar içində yatsın hamısı.

Edit. "Aə" yox, "Arə" imiş xitab forması. Maraqlıdır.
mənbə link
500 miles Melodiyası, sözləri olduqca Xoş, təsirli 1960-cı illərdə amerikada və avropada yayılan folk mahnısıdır. 500 Miles Away from Home, Railroaders' Lament olaraq da tanınır. Hedy west tərəfindən yazıldığı güman olunur. Sadə, təkrarlanan sözlərinin həzin, nağılvari melodiyası ilə qəşəng vəhdəti var.
sözləri üçün link

Son günlər davamlı dinlədiyim yeganə mahnıdır, deyəsən. Bu soyuqda evindən uzaqda, səngərdə döyüşən əsgərləri xatırladır insana bəzi misraları:
Away from home, away from home
Away from home, away from home
Lord, I'm five hundred miles away from home
Not a shirt on my back
Not a penny to my name
Lord, I can't go back home this ole way


Əslində isə, Mahnıda evindən uzaq düşmüş, cibində bir qəpik pulu-pənəsi olmayan, bunun məyusluğunu yaşayıb, evə getməyə utanan, eyni zamanda evi üçün darıxan bir dəmiryol işçisi təsvir olunur.
ilk dəfə inside llewyn davis filmində rastlaşmışdıq, o gündən bu günə sehirləyib məni özünə, filmin çox-çox üstündə parçadır, qəşəng də coverı var elə filmdə:
(youtube: )


Ümumiyyətlə, Həddən artıq çox coverlanan bir parçadır. Bir neçə favorimi paylaşım.Birincisi, gözümün nuru, ən həzini olan joan baez coverıdır:
(youtube: )


Bobby bare coverı daha şən, daha oynaqdır. Yeni il mahnılarını anımsadır insana bir növ, o ab-havaya salır insanı. Şirindir.-*
(youtube: )


The hooters adlı folk rock qrupu tərəfindən yeni misralar əlavə olunub, bir az fərqli atmosfer qazanmış belə bir versiyası da var:
(youtube: )


(youtube: )

Bu da nick cavein sanki aşa-aşa oxuduğu versiyasıdır, dinləyəndə içmə istəyi gəlir insana, içmə də yox e, içkinin küpünə girmə. Kədərlidir, amma olduqca qəşəngdir.

Bir də kalimba versiyasını buraxım bura, ən sevimli versiyasıdır, sözsüz ki. Sırf bunu çalmaq üçün kalimba çalmağı öyrənməyə dəyər elə.
(youtube: )


Unutmadan, mahnının çex, fransız, alman, hind, çin, vietnam, yapon versiyaları da vardır. Sırayla burdan dinləmək olar: https://www.youtube.com/playlist?list=PL_MokmEYT76NZZ-RhV85Hnk20IisP73TO
louis garrel "O nə xarizmadır, meow?" Sualını ünvanlamaq istədiyim, The dreamers, la belle personne, regular lovers kimi filmlərin baş rolu fransız aktyor.
1983 doğumludur, anası aktrisa, atası philippe garrel isə rejissordur. *
6 yaşından ekranlarda görünən louis the dreamerslə məşhurlaşıb, ardınca ma mere, dans paris, actrices və s. kimi filmlərdə rol alıb.
La belle personne filmini şəxsinə görə dəfələrlə izləmişəm. Eh-meh sayılacaq filmdir, əslində. baş rolunu paylaşdığı qızın* duru gözəlliyi var sadəcə. Filmdə junienin* yerli-yersiz ölü balıq kimi baxışları insanda hər an ekrana batinka/xizək atmaq istəyi oyatmasına baxmayaraq, film özünü dəfələrlə izlətdirir, çünki filmdə louis aşiq rolunu çox qəşəng oynayır axı, Dəhşət qəşəng oynayır. O həyəcanı, marağı olduğu kimi çatdırır izləyiciyə. Əlini saçlarına keçirib "i'm in a total love-sick mess, i feel so ridiculous". Deyəndə vse, elə bilirsən, onun yerinə sən aşiq olmusan.
Ən son da little womendə rol alıb. Qocalmışdı bir az, rolundan qaynaqlanaraq dəli-dolu da deyildi, qəribə idi.

Yeri gəlmişkən, lazımsız bir haşiyəyə çıxım. aktyoru hər görəndə hailluciferin 1-2 il əvvəlki avatarını xatırlayıram.* siqaret çəkdiyi ankı şəkli idi. Bunu da qeyd edim ki, siqaretin ən çox yaraşdığı aktyorlardan biridir, şəksiz, şübhəsiz. *
17 oktyabr 2020 ermənistanın gəncəni bombalaması "Ürəyimizin yarısını cəbhədə buraxmışdıq, yarısını da gəncədə buraxdıq" dedirtən hadisə. Hal-hazırda 15 ölən, 52 yaralanan var. Aralarında çoxlu sayda qan içində uşaq da var. Vəhşətdir. Uçquna, körpə uşaqların yaralı bədəninə baxanda içində olduğun pox çuxuruna lənət yağdırmadan edə bilmirsən. ilahi. Biz dözə bilmirik bu görüntülərə, ordakı analar-atalar, valideynini itirmiş uşaqlar necə dözəcək?
Nur içində yatın.
güneş yerinde Büyük ev ablukadanın günlərdir loopa aldığım, olduqca qəşəng sözlərə sahib mahnısı. fırtınayt albomunun 1-ci parçasıdır, sözləri o qədər axıcı, dərin, beyin uyuşdurandır ki, 9 dəqiqəlik mahnı gözünü açıb-bağlayan kimi bitir deyə mahnıya doya bilmirsən, sonra gəlsin loop.
Nəsə çox ləzzət eləyir səhərin gözü açılmamış, günəş təzə-təzə çıxmağa başlayanda bağda oturub bu mahnını dinləmək. Yol gedərkən dinləmək də pis deyil. Marketə gedəndə belə dinləyirəm bu aralar, günəşin harada olduğunu sorğulayıram filan. *
(youtube: )

Sözləri:
Güneş yerinde, her şey yolunda
Yanıyor eteklerim
Dönüyor yanı başımda

Güneş yerinde, her şey yolunda
Dönüyor, dönüyor, dönüyor

Denizin dövdüğü taşlara benzer
Yüzümün aldığı haller
Evire çevire kapatıyor tokatı suratıma
Aklımın içi, aklımın içindekiler

Çünkü dünya benden ibaret
Öyle olmayaydı şayet
Kafatasımın içinde ne diye dolanıyor
Bütün bu güzellik, bütün bu rezalet
Hepsi benim, hepsi bana ait

Güneş yerinde, her şey yolunda
Yanıyor eteklerim
Dönüyor yanı başımda

Güneş yerinde, her şey yolunda
Dönüyor, dönüyor, dönüyor

Nerde bir sandalın ipi
Çözülecek kim bilir
Korkmaktan kaçmıyorsan artık
Su bile yola dönüşebilir

Gerçekler, tepedeyse gök
Yalanlar, kafadaysa çöl
Gerçekler, dipteyse kum
Yalanlar, laftaysa sel

Bu havaların ardı bozuk
Ne gelecek bilebilseniz
Korkmaktan kormayalım artık
Ordular ilk hedefiniz kendiniz

Gerçekler tepedeyse gök
Yalanlar kafadaysa çöl
Gerçekler dipteyse kum
Yalanlar laftaysa sel

Güneş yerinde, her şey yolunda
Yanıyor eteklerim
Dönüyor yanı başımda

Güneş yerinde, her şey yolunda
Yumucam gözlerimi yumucam
Herkes korkar

Bu dünya soğuyacak
Yıldızların arasında bir yıldız
Hem de en ufacıklarından
Mavi kadifede bir yaldız heves yani
Yani bu koskocaman dünyamız

Bu dünya soğuyacak günün birinde
Hatta bir buz yığını veyahut öyle bir bulut gibi de değil
Boş bir ceviz gibi yuvarlanacak
Zifiri karanlıkta uçsuz bucaksız

Son 2 bənd nazım hikmetin yaşamaya dair şeirindəndir. Sanki bizə "güneş yerinde, her şey yolunda" deməklə hər şeyin bir başlanğıcı, "bu dünya soğuyacak günün birinde" deməklə də hər şeyin bir sonu olduğunu deməyə çalışır son misralar. Belə, çox əjdaha.

Deyir ki, Korkmaktan kaçmıyorsan artık, Su bile yola dönüşebilir.
gustav klimt Qızılı kimi itici rəngi gözümdə gözəlləşdirən, zərif erotizmi ilə gözoxşayan avstriyalı rəssam.
Tarixə vyana ayrılması olaraq düşmüş bir qrup sənətçinin 1897-ci ildə yeniliyə qapalı digər sənətçilərdən ayrılaraq yeni sənətçilər birliyi yaratmasının öncüllərindən biri olmuşdur.
ilk növbədə bunu qeyd edim ki, Ernest hemingway kimi gustav klimt də pişikləri çox sevirmiş.-*
pişiyi katze link dən başqa studiyasında 8-10 pişik saxladığını qeyd edib Arthur Roessler adlı bir tənqidçi.

Kiçicik bir haşiyəyə çıxsam, Hamı kimi mən də the kiss əsəri ilə tanımışdım şəxsini. 2013-cü il ya 2014-cü il olmalı idi, Məktəbin kitabxanasına təptəzə kitablar gətirmişdilər nə əcəbsə, ədəbiyyat müəllimimiz də tapşırmışdı ki, sinifdən xaric oxu olaraq johann wolfgang von goethenin faust əsərindən faustla mefistofelin tanışlığına qədər oxuyun, hazır kitabxanaya da yenicə gətiriblər. Mən də kitabxanadan goethenin seçilmiş əsərlərini götürərkən kitabın üz qabığında görmüşdüm bütün zərafəti ilə the kissi. Bütün günü məktəbdə də, evdə də Gözümü zilləmişdim üstünə, həm toxunması zövqlü idi, həm rəng keçidi, həm də, sözün əsl mənasında, o əllər, o zəriflik ruhuna işləyirdi insanın, bəlkə də, ilk dəfə gördüyüm üçün. Bilmərəm. Sözümün canı, o qədər xoşuma gəlmişdi ki, kitabın içindən çox, üzünə baxmışdım, nəticədə ev tapşırığım olan faustu nə yalan deyim, göt günündə oxuyub, lövhədə faustdan danışarkən "bivec" sözünü işlədib, müəllimimin uğunmasına, müəllimimdən sonra bütün sinfin uğunmasına səbəb olmuşdum. *

Ayrıca, the kiss tablosu haqqında özü və emilie flöge adlı çox yaxın bir dostunu sevgili olaraq təsvir edərək çəkdiyi kimi bir tezis də vardır. Klimtin saysız-hesabsız sevgilisi olduğu bilinən bir faktdır, amma emilie onun üçün həmişə xüsusi olubmuş. Emilie flöge ilə tanışlığı da, gustavın qardaşı ernst sayəsində olub. Emilienin bacısı gustavın qardaşı ilə evlənəndən sonra emilie gustavın sevimli modelinə, ilham pərisinə, ən əziz dostuna çevrilib. Hətta son sözlərindən biri "get emilie" olmuş, əmlakının yarısını emilieyə miras etmişdir.
Amma və lakin, The kissin kölgəsində qalmış bir çox rəsm əsərinin olduğunu düşünürəm indi. Beech grove i*, attersee, lady with fandeath and life favorilərimdir
death and life link
attersee link
lady with fan link

Digər sənət əsərlərinə burdan baxmaq olar:
https://www.klimtgallery.org/

Əsərlərindən də gördüyümüz kimi yaradıcılığının mərkəzində qadın, qadın bədəni olmuşdur. Kədərli qadın, xoşbəxt qadın, hamilə qadın və s.
1892-ci ildə atasını və qardaşını itirəndən sonra yaradıcılığında bir dönüş etmiş, hamıya aşina olan naturalizmdən, klassisizmdən qurtulmuş, əsərlərində arzunu, ehtirası, hissləri çılpaqlığı ilə hər zərrəsinə qədər canlandırmağa başlamışdır.
Yapon sənətindən, mifologiyadan təsirləndiyi rəsm əsərlərində qızıl yarpağından istifadə edərək həm dekorativliyi, həm erotikliyi ilə əl işlərini fərqləndirməyi bacarmışdır.
Əsərlərindəki çılpaqlıq, pornoqrafik ünsürlər səbəbilə daima qınanılmış, 1902-ci ildə çəkmiş olduğu goldfish əsəri ilə onu qınayanlara qəşəng cavab vermişdir-*
hahaha link


Sadəcə portretlər deyil, Natürmortlar, eskizlər, murallar* da çəkmişdir.
55 yaşında anidən vəfat etdiyi üçün the brideportrait of johanna staude rəsmlərini tamamlaya bilməmişdir. Tamamlanmamış halları belə möhtəşəmdir, əslində.
the bride link
portrait of johanna staude link

Haqqında 2006-cı ildə çəkilmiş, baş rolunda john Malkovichi gördüyümüz klimt adında bioqrafik film də vardır. Klimtin iç dünyasına enmək üçün izləmək olar.
Baxmayaraq ki, bir çox qadınla yatmış və onlardan uşaqları olduğu söz-söhbətləri yaşadığı müddətcə yaxasını buraxmamış, Gustav yenə də şəxsi həyatı haqqında danışmamağı üstün tutmuşdur. Ondan şəxsi həyatı soruşulduğu zaman:
"Whoever wants to know something about me – as an artist which alone is significant – they should look attentively at my pictures and there seek to recognize what I am and what I want. ” deyərək də bakın dalganıza demişdir, qısaca.

mənbə link
haziran gecesi 3 gündür günboyu mırıldandığım Yağmur mahnısı ilə beynimə həkk olunan serial.
(youtube: )

Uşaq vaxtı space tvdən verirdilər, 2008-ci ildə, səhv eləmirəmsə.
indi xatırlayanda "nə günlər idi e" deyib uğunulası xatirələrim var serialla bağlı.
Bayaq ərinməyib youtubedan açıb baxdım bir parçasına. yaman intriqalı, pozitivlikdən kənar gəldi serialın ambiyansı, uşaq vaxtı ağzıayrıq izləyərdim halbuki. indi görürəm ki, Serialdakı Gökhan kırdar mahnıları nə qədər gözəldirsə, Aktyorluq da bir o qədər yerlərdə sürünənfasondur. Amma nə olsun, əvvəlki kimi boş vaxtım olsa, sırf o nostalgiyanı ilikləriməcən hiss eləyim deyə açıb baxardım. *
Yeri gəlmişkən, yerine sevemem kimi damar parçanı da bu serial sayəsində tanımışıq çoxumuz. Açığı, üstüme basıp geçmenin sözlərini daha çox bəyənirəm, çünki yerinə sevildiyini dəfələrlə görmüşük də, görəcəyik də. qızıl xırdalayıb, haşiyəyə çıxmasam, çox dramatik, bir az da uyduruq sözləri olsa belə, təzə ayrılıq yaşamısınızsa, istəməyərək ayrılmısınızsa, göz dolduran, qəşəng mahnıdır. Sağ olsun, haziran gecesini!

Arada yaman xoşuma gəlir bu, iyudanın arvadı, dəlisov anastasia, klon kimi seriallara baxmış olmaq, indiki uşaqlar kimi əlçatan internet olmadığı üçün marvellə, netflixlə böyüməmək filan.
Əhhh. Nostalgiya süzülür damarlardan. *
a very easy death simone de beauvoirnın 1964-cü ildə yazdığı, ölümü addım-addım təsvir etdiyi, zənnimcə, hər kəsin, xüsusilə bütün qocaların, ölümcül xəstələrin oxumalı olduğu, demək olar ki, hər anadan bir parça daşıyan əsər. Olduqca yalın üslubu var yazıçının, nə yersiz bənzətmələrə, nə də bayağı drama yer verib burda. Ölümü, yaxınını itirdikdən sonra insanların hansı ruh halına düşdüyünü, ana-qız münasibətlərini mənfisiylə-müsbətiylə lakonik şəkildə təsvir edib. Çox-çox qısa idi kitab, ilk dəfə bir günə oxuyub, daha sonra bitməsin deyə təxminən 150 səhifəlik kitabı bir həftəyə oxumuşdum. Yaxşı ki də, ikinci dəfə oxumuşdum, səthi yanaşdığım səhifələri daha dərinliyə enərək oxumağıma, analiz etməyimə kömək etmişdi.


--spoiler--

Əsər 1963-cü ildə yazıçıya zəng gəlməsinin təsviriylə başlayır. Zəng vuran şəxs 77 yaşlı anası françoise-in hamamda yıxılıb xəstəxanaya aparıldığını deyir. Bu xəbəri alandan sonrakı simoneun soyuqqanlılığı albert camusun yad kitabının girişini xatırladır. Yeah, o məşhur giriş: "Bu gün anam ölüb, bəlkə də, dünən".
Kiçik bir hadisədən qaynaqlı olaraq xəstəxanya aparılan anasına bir müddət sonra xərçəng diaqnozu qoyulmasının təsviri verilir daha sonra. "Təbii ölüm deyə bir şey yoxdur. Bütün insanlar ölümlüdür, amma hər insan üçün öz ölümü bir qəzadır və bunun fərqində olsa da, buna razı olsa da, bu yersiz şiddətdir" Deyən yazıçı anasının kifayət qədər yaşı olsa da, inanclı biri olsa da, yaşama arzusunu, eləcə də hər kəsin ölümdən qorxduğu reallığını bütün çılpaqlığı ilə çırpır üzümüzə.
"50 yaşındaki bir kadının annesi öldüğünde üzülmesini anlamıyordum çünkü zaten yaşlıydı ve doğaldı ancak şimdi anlıyorum ki insan doğduğu için, yaşamış olduğu için, yaşlandığı, kocadığı için ölmüyor. bir şeylerden ölüyor..."


--spoiler--


Ölüm kimi drama yaratmağa açıq mövzudan bəhs elədiyi təqdirdə belə, duyğu vampirliyi etməyib yazıçı kitabda. Ən diqqətimi çəkən sətirlər isə həkimlərlə, xəstəxanalarla bağlı cümlələr idi. Xəstəxanaların çarəsiz, boğuq, səmimiyyətsiz atmosferini, bəzi həkimlərin qəssab havalarını* o qədər möhtəşəm şəkildə yazıb ki, nə qədər tərif yağdırsam belə, eyni effekti verməz.
Dəfələrlə oxunmalı, dəhşət əsərdir.
michelle gurevich (bax: chinawoman)
ilk dəfə dinləyəndə qadın olduğunu anlamadığım, gözlərini yumanda həddən artıq sexy olduğunu düşündüyüm rus əsilli ifaçı.
ilk albomu 2007-ci ildə çıxmış party girl albomudur, həmçinin ən tanınmış mahnısı da eyni adlı mahnıdır.
Bu ilin may ayında 6-cı albomu da çıxdı.
Ecstasy in the Shadow of Ecstasy adlanan bu albomda Here's the part kimi dəhşət parça da var:
(youtube: )


Adətən Mahnıları nə qədər dinləniləsidirsə, klipləri də bir o qədər baxılası olur. Nostalgik, sevimli, yad ünsürlər. Xüsusilə, lovers are strangershere's the part klipləri. Həm darıxırsan, həm üzülürsən, həm şənlənirsən. Nə bilim ki.
Favorilərimi paylaşım:
Love from a distance
(youtube: )

sərt karantin günlərində görüşə bilmədiyim, eyni zamanda əsgərliyə gedən yaxınlarıma suyunu çıxara-çıxara göndərirdim.


Fatalist love
(youtube: )

"I know you kind" misrasını israrla "i know you cunt" olaraq oxusam da, qəşəng mahnıdır. -*

Lovers are strangers
(youtube: )

Elə mahnının adı bəs edir.
vodevil Dramatik növün, daha açıqlayıcı desək, komediyanın beş kiçik janrından biridir. Digərləri fars, melodram, ssenarilibrettodur.
Vodevil pantomima, parodiya, rəqsi özündə birləşdirib, izləməsi olduqca zövqlü səhnəciklərdir:
(youtube: )

*

Terminin etimologiyası barədə 2 fikir vardır; birincisi, normandiyadakı bir çayı vadisinin adı ilə bağlıdır, fransızcadan "van de vire", yəni "vandan axan bir çayı" mənasını verir, ikincisi isə, "voix de ville", yəni "şəhərin səsi" mənasını verir.
Yaranması 15-ci əsrə təsadüf etsə də*, bir janr kimi 18-ci əsrin 1-ci yarısında formalaşıb. 15-ci əsrdə vodevil bədahətən söylənilən və musiqi motivlərinə uyğun olaraq oxunan gülməli nəğmələrə deyilib.
Vodevillərin əsas məqsədi cəmiyyətdəki sosial problemlərə toxunması, gülüşlə bu problemləri həll etməsidir. Adətən xoşbəxt sonluqla nəticələnir.

Daha ətraflı:
http://azteatr.musigi-dunya.az/file?id=143&dt=1178
aristofan (bax: aristophanes)
''Komediyanın atası" adlandırılan, yunan komediyasının klassik komediya dövründə yeganə nümayəndəsi olmuş şəxsiyyətlərdən biri.
komediya janrının yaradıcısıdır.
Yaşadığı illər ərzində bəzən 40-a qədər, bəzən 40-dan artıq komediya yazdığı deyilsə də, bunlardan cəmisi-cümüsü 11-i günümüzəcən gəlib çatıb. Bunlar:
Arxaryanlar
Atlılar
Buludlar
Arılar
Sülh
Quşlar
Lisistrata
Tesmofori
Qurbağalar
Xalq məclisində qadınlar
Sərvət əsərləridir.
Mövzu etibarilə bu komediyalar bir neçə qrupa bölünür: arxaryanlar, lisistratasülh müharibəyə qarşı yazılıb, atlılar, arılar siyasi məsələlərə həsr olunub, qurbağalar ədəbi-tənqidi əsərdir, quşlar, sərvət, xalq məclisində qadınlar əsəri ütopik cəmiyyətə həsr olunub.

Ədəbiyyatda " aristofan gülüşü" deyilən bir istilah da vardır ki, "gülüş arxasında acı göz yaşı" mənasını verir və Burada adətən avam xalq demoqoqlar tərəfindən aldadılır, aristofan satirası yumşalır, yupyumşaq olur, incə gülüş, zarafat şəklinə düşür.

Mənbə:
https://www.ancient-literature.com/greece_aristophanes.html
vokativ söz Vokativ termini latınca "vocativus" sözündən olub, müraciət, əzizləmə, çağırış mənasını bildirir.
Vokativ sözlər heyvanları, quşları çağırarkən, yemləyərkən istifadə edilən sözlərdir. Məsələn:
-Pisi pisi pisi məstanım, bura gəl
-piş piş piş, gəl yemək yeyək
-kış kış kış kış o tərəfə gedin
-ks ks ks ks mənə bax, mənə bax
*
Azərbaycan dilində morfologiya bəhsində öyrənilir vokativ sözlər.
insanlara müraciət forması olaraq işlədilən ayə, az, ədə, həmçinin əşi sözü də vokativ sözlərə daxildir. Bunlar Bəzən imperativ sözlər, yəni əmr şəklində çağırış bildirən sözlər də adlandılır.
Bəzi dünya dillərində ismin hallarından biri olaraq öyrənilir, həmçinin söz deyil də, kütləyə xitab forması kimi cümlə şəklində öyrənilir, hələ ki, Azərbaycan dilçiliyində bu əsaslı olaraq sübut olunmadığı üçün, söz deməklə kifayətlənirik.
kəcrəftar Bu sifarişi verən: çernyayevski

Fars sözü olub, pis rəftar edən, yola getməyən mənasında işlənən söz.
Xüsusilə, 18-19-cu əsrlərdə şairlərin nitqində çox işlənən sözlərdən biri olub. molla pənah vaqifin bax rədifli qəzəlində rast gələ bilərik:
Ey vidadi, gərdişü-dövrani-kəcrəftarə bax!
Ruzigarə qıl tamaşa, karə bax, kirdarə bax!

Və ya qasım bəy zakirin sana şeirində:
Əcəb bihəyadır çərxi-kəcrəftar,
Hər ayda bir hilal eylər aşikar;
Şəksiz sənin ilə ədavəti var,
Göstərir düşəndə qaşqabaq sana.
ölü dil Dilçilikdə istifadə olunan anlayış olub, bir vaxtlar müəyyən bir xalq tərəfindən istifadə olunmuş, daha sonra yavaş-yavaş sıradan çıxan dilə deyilir. Antonimi canlı dil anlayışıdır ki, hal-hazırda insanların gündəlik ünsiyyətində istifadə etdiyi dildir.
Ölü dil deyəndə ağlımıza ilk gələn latın dili olur. Bundan başqa, şumer, akkad, qot, urartu, hun, sak, midiya, Prussiya dillərini göstərmək olar.


Haqqında belə qəşəng bir məqalə var:
https://bilingua.io/the-6-coolest-dead-languages
ailurophile Pişiksevərlərə deyilir.
Yunanca "ailuro" pişik, "phile" sevgi, sevən sözlərinin birləşməsindən yaranıb. Catophile kimi sinonimi də var. *
sayə Fars mənşəli söz olub, kölgə mənasında işlədilir. Farsca "saya" sözündən götürülmüşdür.
Məcazi mənada himayə etmək, müdafiə etmək, qorumaq kimi işlənir.
Həmçinin "sayəndə" sözünün köküdür. Sayəndə sözünün etimologiyasını da desək, sənin kölgəndə, sənin himayəndə mənasına gəlir.

firidun bəy köçərliyə görə sayaçı sözlərinin kökü də sayə sözüdür. 20-ci əsr ədəbiyyatşünaslarının tədqiqinə əsasən, sayə sözü o dövrdə həm tatarlar, həm azərbaycanlılar tərəfindən yaxşılıq, xeyirxahlıq, bolluq mənasında işlənirmiş.

Mənbə: azad nəbiyev- xalq ədəbiyyatı cild 1.
neko no ongaeshi (bax: cat utopia)
2002-ci ildə yayımlanan studio ghibli imzalı, Hiroyuki Morita-nın rejissoru olduğu animasiya filmi. 75 dəqiqədir.
Baş rolda Whisper of the heartdakı heykəl pişiyi* görürük. Sırf bu səbəbdən anime hayao miyazakinin animeləri ilə qarışdırılır, amma izləyəndən sonra görürsünüz ki, miyazaki animelərindəki o dərinlik bu animedə yoxdur.


--spoiler--

Bir gün dostuyla məktəbdən qayıdan haru adlı qız yolda maşının vurmaq üzrə olduğu bir pişiyin həyatını qurtarır. Sən demə, bu pişik də pişik kralın oğlu imiş.  Həmin gecə qızın yaşadığı küçəyə kral pişik böyük təm-təraqla gəlib, minnətdarlığını bildirir. Səhəri gün də kraliyyətdən bir ləktə pişik haruya kralın oğlu ilə evlənməsini, onu pişiklər krallığına aparacaqlarını deyir. Hatifdən gələn səs də ona pişiklər ofisinə getməli olduğunu, orada ona kömək edəcəklərini deyir. Haru gombul bir pişiyi-matunu izləyib pişiklər ofisinə gedir. Bu ofisin yerləşdiyi yer də olduqca sevimli, xoş bir yer olur. Burda əsas baş rolumuz baronla qarşılaşır və ondan kömək istəyir. Həmçinin, baronun 2 dostu-bir qarğa və matu adlı bir pişik də ona kömək etməyə çalışır. Bunlar pişiklər ölkəsinə düşür, orda haru pişiyə çevrilir Və olaylar, olaylar.. Sonda, baron harunu ordan qurtarır, haru barona aşiq şəkildə, normal həyatına geri dönür və saçlarını niyəsə kəsir. Saçları onsuz da bir pox deyildi, belə daha əndərəbadi bir şeyə çevrilir, narahat edirdi o detay.
Ah ayrıca, pişik kral da yaman göt idi.

--spoiler--


Ümumilikdə studio ghiblinin digər animelərinə nəzərən daha azyaşlı kütləyə xitab etdiyi düşünülür. Amma və lakin, animasiya və pişiksevərsinizsə, bəyənəcəksiniz. Elə səhnələr var idi ki, təbəssümlə deyil də, ağzım qulaqlarımda izləyirdim. Miyaaaau.

(youtube: )

Belə şirin mahnısı da var.

Mən də pişiklər ölkəsinə getmək istəyirəm, sözlük. *
1 2 3 4 5 6 7 8 9 10 11 12 13 14 15 16 17 18 19 20