asperatus buludları

Latınca "nahamar dalğa" deyə izah olunan bulud formalaşması.
ilk dəfə 2009-cu ildə (bəzi mənbələrdə 2006) Bulud Qiymətləndirmə Cəmiyyətindən Gavin Pretor-Pinney tərəfindən populyarlaşan və bir bulud növü kimi təklif edilən bulud formalaşmasıdır. 2017-ci ilin mart ayında Beynəlxalq Bulud Atlasına əlavə xüsusiyyət kimi əlavə edilmişdir, bu, 1951-ci ildə cirrus intortusdan sonra əlavə edilən ilk bulud formalaşmasıdır. Daha çox amerika düzənliklərində səhər və axşam üstü görülməkdədir.
Həqiqətən də Şəkillərə baxdıqca adam bu təbiət hadisəsi qarşısında heyrətə gəlir.




Bu videodan

(youtube: )

qəbul imtahanı verəcəklərə məsləhətlər

ilk öncə bunu deyim ki, bu entrydə əsasən bu il martda olacaq buraxılış imtahanına əvvəlcədən son ediləcəklər və imtahan zamanı yardımçı tüyolar haqqında olacaq. Blok imtahanı üçün ayrıca entry yazaram.

istər buraxılış, istərsə də blok olsun son sınaq imtahanına gedin mütləq. Son sınaq imtahanında artıq vaxtı düzgün bölməyi planlayın və ümumi sınaq olacağı üçün üzərindən keçdiyiniz, zəif olduğunuz mövzuları görə biləcəksiniz.
Artıq fevral ayı son ay olduğu üçün, müəllimləriniz yəqin ki, təkrar etdirəcək, test toplusunu yenidən işlətdirəcək. Müəllimin verdiyi sınaqları, mütləq işləyin, müəllimin verdiyi ilə yetinməyin vaxtınız varsa uşaqlarda gördüyünüz hər sınağı işləməyə çalışın (yüklənmədən. )Mən dərs vaxtı toplunu ilk dəfə işləyəndə bilirdim ki, qəbula yaxın yenə işlətdirəcək bu mövzuları, vaxta qənaət etmək üçün çox yaxşı bildiyim mövzularda fərqli sual tiplərini test nömrələrini toplunun üzərində qeyd edirdim, həmçinin bu qrupa mən çətin/düşmə ehtimalı olan suallarıda aid etmişdim. Arxayın olub ortalama bildiyiniz mövzunu belə etməyin. Hələki gec deyil, toplunu yenidən işləyəndə bu taktikanı uyğulayın, imtahana 2 həftə qalmış onlara birdə baxın və etməyə çalışın. Edə bilməyəndə təlaşa düşməyin və həllini yenidən araşdırın, mövzunu yenidən təhlil edin.
Başqa bir taktika isə yoldakı vaxtı dəyərləndirmək. Əslində yolda mahnı filan da dinləyə bilərsiz, yorğunuluğu atmaq üçün, amma son ayları biraz sıxmaq lazımdır. Mən, deməli, mövzularda hansısa qayda/tərif/misal tipi təhlili yadımdan çıxırdısa dərs edərkən tez kiçik vərəqlərə yazıb bir qutuya atırdım, evdən çıxanda da o qutudan 10-15 random əlimi atıb seçirdim və yol boyu təkrar edirdim. Sizə necə rahatdısa elə edin, telefonunuz varsa qeyd yerinə yaza da bilərsiz, amma oxumaq şərti ilə-*. Belə deyim ki, hardasa belə 200ə yaxın kiçik vərəqlərim var idi. Diqqət! Hər yadınızda qalmayan şeyi belə etməyin, o zaman beyniniz alışacaq. Sadəcə 4-5 dəfə anlamadığınız həll yolu yadınızda qalmayan/çox çətin tapşırıqları belə edə bilərsiz. Bol-bol sistemli şəkildə zəif olduğunuz/qəbula düşəmək ehtimalı olan mövzuları təkrar edin, inanın mənə hər dəfə təkrar edəndə gözünüzdən qaçdığı nüansları tapacaqsınız.
Hazırlıqda səhv çıxan/yeni tip öyrəndiyiniz test üsulunu və ya misala həmin gün evə gəldikdə yenidən həmin testi təhlil edin, baxın mütləq uzaq başı 15-20 dəqiqə vaxtınız gedəcək.
Qidalanmağınıza fikir verin,düzgün qidalanın və planlı olun.

imtahan günü, vaxtı gəlib çatdıqda, sevdiyiniz insanla gedə bilərsiz, biraz tez getməyiniz adaptasiya olmağınıza kömək ola bilir. Hə birdə listening olduğu üçün imtahandan əvvəlki günlər evdə listening etmək sizin çox köməyinizə çatacaq, qulaq öyrəşmək baxımından.
imtahan sual kitabçasında ən rahat işləmə qaydası isə, sınaq imtahanlarında 10 a yaxın işləmə qaydası təcrübə edərək bu deyəcəyim işləmə qaydası bəlkə də ən rahatıdır. Amma mən imtahan vaxtı bu işləmə qaydasını həyacandan unutub qarışdırmışdım, bu da məni 20 bal geri salmışdı-*, yenə də sizə hansı rahatdırsa elə edin. Deməli, sual kitabçasında ingilis dili, azərbaycan dili və riyaziyyat sırası ilə olur. ilk listeningi edəndən sonra, ingilis dili qayda sualarını edin ,çünki əsasən rahat olurlar, mətni edə bilərsiz. ingilis dilində listeningi başlıqda da qeyd edildiyi kimi, əvvəlcədən oxuyun.
Azərbaycan dilində qaydalar 10 dəqiqə vaxtınızı aparacaq, onu da etdikdən sonra, mətnə keçin və ilk öncə mətnə aid sualları oxuyun! Ki, vaxt qazana biləsiz, mətndə oxuyarkən yadınıza düşəcək hansı sualda bunu soruşur və qeydlər aparın. Riyaziyyatda isə 1 misalın üstündə çox qalmayın, açıqların üstündə daha çox fikirləşin çünki daha çox bal verilir, buraxılış imtahanında daha çox vaxt aparan olur. Ümumən açıq suallarda soruşulan şeyə aid nə bilirsizsə yazın. Kitabçada qeydlər aparın, sonradan baxacağınız sualları qeyd edin.
Kodlaşdırmanı düzgün edin, cavab kartında yazını göy qələmlə edin, qətiyyən karandaşla edib üstündən getməyin bu vaxt aparacaq.

Və son olaraq bunu deyim ki, bol şans, zehniniz açıq olsun, imtahanla/dərslərlə bağlı nə sualınız olsa mesaj qutum sizlərə açıqdır-*.

sözlük yazarlarının qəribə zövqləri

Xəyali xarakterlər yaratmaq(?)
Bayaq Bir anlıq keçən il dərs vaxtı boşluqdan, imtahana yaxın riyaziyyat dəftərimə belə bir şey etdiyim ağlıma gəldi-*.
indi təzədən baxdım ahah əla imiş. Məqsəd isə 4 nəfərdən ibarət özəl təşkilat yaradıb elon muskın sərvətini almaq idi-*.




Ən sevdiyim xarakter bu idi.

Bu xarakter yazdığım kimi təsvir etməyə çalışmışdım.

Ahah bunu isə özəlliklə daha maskülen çəkməyə çalışmışdım, amma lgbtli, hər quyunun altından nə çıxacağı bəlli olmaz-*.

Həmin vaxt sözlük haqqında xəbərim yox idi, bu xarakter isə Sözlükdən bertrand zobrist-*.

Düşünsənizə Bunların sözlük yazarları versiyaları birdə-*

sözaltı günlük

Bir neçə saat əvvəl, yaşanılmış xaos.

imtahandan çıxıb, univerisitetin çölündə həmişə oturduğum yerə getmişdim. Həmin yerə bu dəfə çox yaxşı günəş düşürdü, amma içimi adsız bir qəhər bürümüşdü, nəysə bildiyiniz üzrə qısaca selahattinə dönmüşdüm, dərtli-dərtli oturub içimdə öz özümə danışırdım.

Əsas yer indi gəlir, bu zaman, arxa tərəfimə (oturduğum yer ağacın ətrafında oturmaq üçün yerlər olan bir yerdir) 4 qız gəldi əllərində də atışdırmalık şeylər, deyəsən onlar da imtahandan çıxıb gəlmişdilər, amma mənim kimi dərtlənməyə yox, vaxt keçirmək üçün. Bunlar deyib-gülürlər filan, bir neçə dəqiqə sonra 2 dilənçi qız gəldi hardasa 15-16 yaşlarında, başladılar arxamdakılara deməyə ki, mənə pul ver filan, mənə hələ dəyib-dolaşmamışdılar, birdən həmin qızlardan biri, bunların yeməyini götürməyə çalışdı, sonra isə havada söyüşlər, saçlar uçuşmağa başladı, əmməli-başlı dalaşırdılar, qızın dostları yan binadakı mühavizəyə səsləndi o gəlib ayırdı, yazıq zərər görən qız baya pis olmuşdu, çünki ani olaraq ona saldırmışdılar, üstümdə sakitləşdirici olduğu üçün çıxarıb qıza verdim, sonradan toparlanıb getdilər. Mən isə son 5 dəqiqədə olan xaosu həzm etməyə çalışarkən, birdən-birə yanımda peyda olan uşaqlar pişik qovalamağa başladırlar-*. Mən isə həmin yerdə 30 dəqiqə filan daha da oturdum, biraz da otursa idim daha nələr olacaqdı lol.
(baxma: 2 dakika evkarlanalım dedik başımıza gelmeyen kalmadı)

macromusic

Əsasən türklərin işlətdiyi, spotify ilə əlaqəli işləyən app. 3 aprel 2020 ci ildə qurulmuşdur. Qurucusu istinye universitetində oxuyan 3-cü kurs tələbəsi atakan özaydındır. Proqramın əsas məğzi isə, eyni anda sənlə eyni musiqini dinləyən insanları tapmaq və söhbətləşməkdir. istifadəçiləri əsasən 17-25 (appdan qeydiyyat üçün yaş 18 tələb edir ən az) yaş aralığındadır. Mahnı dinləməyə başladığınız anda sizlə eyni mahnını həmin an dinləyən ilə əlqələndirilirsiz istəsəniz qəbul edirsiz, istəməsəniz də rədd edirsiniz, qəbul etdikdən sonra chat hissəsi artıq həmin istifadəçiyə görə açılır.
Chat hissəsində adi söhbətləşə və mahnı göndərmək mümkündür. Spotify ilə giriş etdiyiniz üçün macromusicdə də profildə playlistlər, ən çox dinlədiyin mahnılar, ən sevdiyin (dinlədiyin) musiqiçi görsənir. Daha bir funksiya isə proqramın sənin musiqi zövqünə uyğun istifadəçiləri önərməsidir, önərdiyi istifadəçilər isə mahnı zövqünün 80-91 faiz uyuşduğu (profildə göstərilir) insanlar olur. Premium versiyasında isə məkan icazəsi verdikdən sonra həmin ərazidə olan istifadəçiləri görə bilirsən.

Şəxsi fikrimə gəldikdə isə təxminən 2 aydır işlədirəm, indiyə kimi azərbaycanlıya rast gəlməmişəm, proqram özlüyündə fikir olaraq gözəldir, amma oranı da tinderə çeviriblər, bu şeyinə görə gözümdən düşüb. Artıq çox adam bunun üçün istifadə edir deyə, biosuna "sevgili ve ya flört aramıyorum, bunun için eşleşmeyin" yazırlar.

qədəh toqquşdurmaq

içki mədəniyyətinin ayrılmaz hissələrindən biri. Uzun illər öncə qədəh toqquşdurmaq güvən mənasında izah olunurdu. Əvvəllər insanların bir birini öldürməsi zəhərləyərək daha asan və əlverişli idi. Bu vəziyyətə daha çox aralarında düşmanlıq, rəqabət hissi olanlar və ya krallar arasında rast gəlinirdi. içkiyə dəvət edən, qədəhini digərinin qədəhinin altına gələcək şəkildə tuturdu. Bu şəkildə içkiyə dəvət edilən içkiyə dəvət edənə güvənmirdisə onun qədəhinə öz içkisindən az miqdarda tökərdi. Bunun əksi olaraq qədəhlər toqquşdurulduqda içkiyə dəvət edənin güvənilir olduğunu bəlli etmiş olurdu.

Qədəh toqquşdurmağı daha dramatikləşdirsək, gözəl bir içki 5 duyğuya xitab etməlidi. içkini görə, dada, qoxlaya, toxuna bilərsiz, amma eşidə bilməzsiniz. Qədəh qaldırmaq da bu 5liyi tamamlamaq üçün ənənə halına gəlmişdir. sifarişi verən: onafilankəsdeyirlər

güldürən dialoqlar

ilin bu vaxtı günorta 5-6 arası çöldə həmişə başqa bir abu-hava olur, çox vaxt həmin atmosferə qapılıram. Bayaq 30 dəqiqə əvvəl imatahanlara hazırlaşmaqdan yorulmuşdum deyə təzə çay dəmləmişdim, dedim oturum pəncərənin qabağında içim, dincəlim, həm də biraz musiqi fasiləsi verim. Həmin vaxt qardaşım da yanıma gəlib, mənlə oturmaq istədi qardaşımla (6) pencərənin qabağında oturub, aramızda olan dialoq:

M: xoşbəxtsən?
Q: filankəss, məndən elə şeylər soruşma-*
M: yox da soruşuram, cavab ver
Q: həə, bircə böyüsə idim, daha da xoşbəxt olardım, hə birdə hotwheelsim olsaydı^^
indi düşünürəm mən də o yaşda elə fikirləşirdim, amma gerçəklər ayrı imiş.

hansımız elə düşünmədik ki?

Dialoq əsnasında fondakı mahnı grouper- poison tree

sözaltı günlük

Artıq mahnılar, söhbətlər, rəsm, kitab oxumalar, açıq havada gəzmək heç biri zövq verməməyə başlayıb. Onsuz da təkcə bunlar sayəsində başımı qatmağı bacarırdım. Boğuluram sanki eyni şeyləri yaşamaqdan, metroda fərqli simaları görməkdən( bu entryni də metroda yazıram), olduğum ortamda eyni şeylərin dönüb dolanmasından, saatlarca sözlükdə təsadüfi hissəni qarışdırmaqdan.

Boğazım düyünlənir. Özüm özümdən qaçmaq istəyirəm, öz düşüncələrimdən, hansı ki, içimi yeyib bitirən. Olduğum yerdə, olduğum zamanda donmaq istəyirəm. No landın üzümə bax mahnısında belə bir cümlə keçir-" yollar artıqca yolsuzlaşıram mən" bu cümləni iliklərimə qədər hiss edirəm. Yolumu itirmişəm sanki, ipin ucunu hardasa buraxmışam. Vaxt keçdikcə axan boş vaxtım, gələn ümidsiz gələcək məni narahat edir.

(youtube: )

2022

Unuda bilməyəcəyim bir il.
Duyğu döngüsü, ilin əvvəlindən bəri təməli əvvəlki illərə dayanan depressiya içərisində olduğum, ağır mental çöküşləri yaşadığım, həyatın reallıqlarını gördüyüm, necə deyərlər püxtələşdiyim bir il.

Yeni insanlar tanıdım, yeni biliklər, yeni uğurlar əldə etdim, nə qədər yaxşı olsaq da insanların kinini, pisliyini də gördüm, boş şeyləri vecə almamağı öyrəndim, ilin ortası sözlük kimi bir yerlə tanış oldum, çox şeylər öyrəndim bu bir ildə. mental cəhətdən çox dibdə olduğum üçün bir neçə həftədir müalicəyə, həkim təyini ilə antidepressant qəbuluna başladım. Düzünü desəm 2023 dən çox böyük bir şey gözləmirəm, ümumən bir şeylərə başlamaq üçün filan ilin yenilənməsini- 365 günün tamam olmasını gözləmək absurd gəlir mənə, yəni irəlidəki aylar üçün daha yaxşı olacağımı ümid edirəm.

Bu mahnını keçən il bu vaxtları kəşf etmişdim, demək olar ki, bütün il boyu mənim düşüncələrimə, gecələrimə, yollarıma şərik oldu, sevirəm bu mahnını.

(youtube: )

universitet oxuyarkən ailəylə yaşamaq

Əgər ailəniz qatıdırsa, çətinliyiniz 10 qat artır. Universitetə girim düzələrlər yəqin sözü isə sizə gün keçdikcə daha da qatı olurlar sözü ilə əvəz olunur. Gəncliyini tam olaraq yaşamamaqdır, tutaq evə gəlirsən hansısa işi düzgün eləmirsən və ya gec edirsən o dəqiqə evdəkilərdən sənin fikrin kimdədi? sualını eşidirsən (aq universitet evlənmə proqramı filan mı?), hələ bəzənib düzənən birisi deyiləm əgər elə olsam daha day bilmirəm başqa nə bəhanə uydurar, dərsdən çıxıb dost/tanış ilə vaxt keçirdə bilmirsən, arda 2 dərsin olan vaxtları yalan danışmalı olub 3 dərsim var deyirsən, cədvəli istəyəndə editləmə bacarıqları ortaya qoyub dərslər əlavə edirsən, daim stresdə olursan, Qrup yoldaşların bir yerə gedəndə gedə bilmədiyin üçün sosiallaşa bilmirsən, Maraqlarını edə bilmirsən. Əgər dərsdən götürəcəyiniz bacı/qardaşınız varsa yəni evə gec gəlmək kimi ehtimalınız olmur. Hər gün dərsdən çıxdıqdan 1 saat sonra telefonda anamla olan dialoqum:
-filankəs, hardasan?
+avtobusda
-hardasan?
+( yerin adı)
-niyə belə gec gəlirsən həmişə?(qışqıraraq və əsəbi şəkildə)
+mama, universitet açılandan eyni sözü deyirsən, özün bilirsən yolum 1 saat yarımdı həmişə 3-4 ə işləmiş evdə oluram, özün gedib gələn adamsan
-bir dəfə gələcəm mən universitetə onda görəcəksən
+e gəl də
Hər gün bu baş verdiyi üçün adamın bütün moodu düşür, vaxta görə isə əlavə dərslərə qoşula və ya oturub bir yerdə bir şey də etmək olmur, maraqlı olan isə əgər təhsil almağı azadlıq olaraq görürsünüzsə, bəs bu qədər qısıtlamaq nədir?
(baxma: Ümidi masterdə görmək)

yazarların velosipedlə bağlı xatirələri

Ayağımdaki 2 çapığı görüb, 2 ayrı hədisəni danışacağam.
Deməli 1-ci sinfi bitirmişdim, yay aylarının biri idi, axşamüstü artıq bəzi valideynlərin uşaqlarını evə çörək almağa gönədərdiyi, son qolların vurulduğu vaxtlardan biri idi. Zaman olaraq təxmini desəm #356806 entryimdə yazdığım kimi çöldə olduğumu nəzərə alaraq hələ də azan olmamışdı.
Ümumən məhləmizdə az uşaq (həmin dönəmlər mənlə birlikdə 4), olanlar da məndən 3-4 yaş böyük idi. Hələ mənim velosipedimin olmadığı zamanlardı, məndən 3 yaş böyük kök bir qız var idi, velosipedi də qırmızı oyana-buyana sürürdü, ətrafımda dairələr formasında trayektoriyalar edib, yolun o biri başına sürüb qayıdırdı, mən də həmin vaxt qapının qırağında durdum ki, üstümə çıxar ( elə də oldu -*), mən isə digər qızın yuxarıda pencərə altlığında qoyulmuş hello kitty li çantasını götürüb verməyə çalışırdım ki, özümü velosipedin altında tapdım, bu hadisənin necə baş verdiyi hələ də mənə maraqlıdır, ayağımın baldır (sol) hissəsi velosiped təkərinin altında qalaraq 3-4 sanitimetrlik dərin bir yara yaranmışdı, sonrası hamıya məlum evdə anam bağladı filan, aaa yadıma hadisədən sonra bəzi kəsidlər düşdü-*, ayağımı bağlayandan sonra space tv də həzrəti yusif filminə baxmışdım (deməli belə çıxır ki, həm də ramanazan ayı imiş-*).

2-ci danışacağım hadisə isə, 3-cü sinfin yay tətilində baş vermişdir, bu dəfə isə artıq uşaqların evinə yığışdığı axşam vaxtlarıdır, o zamanlar evin tək uşağı olduğum üçün çörək almaq və s. kimi öhdəliklərim vardı. Öhdəliyim üzrə anamdan pul alıb yaxınlıqdakı marketə velosipedimlə yola düşmüşdüm, bir çox velosipedlərdəki kimi mənimki də bir müddətdən sonra pedal hissənin plastik hissəsi qırılmışdı, adi pedal kimi dəmir hissəsinə ayağımı qoyaraq sürürdüm, çörəyi alıb qayıdanda isə ayağımı pedala qoymaqla baldır (bu dəfə sağ) hissəmdə uzununa 10 santimetrlik yara açılmışdı, səbəbi isə pedalın dəmirinin ucu idi. Və mən uşaqlıqdan yıxılanda filan ağlamırdım, zırlamırdım deyə, heç vecimə də olmamışdı, evə isə əlimdə çörək, sağ ayağım qanlar içərisində, qazi kimi daxil olmuşdum-*

osman.cooks

yerli və xarici yeməklərinin hazırlanmasını çəkib, retro azərbaycan musiqiləri ilə izləyicilərin gönlünü oxşayıb, özünəməxsus tərzi ilə bizlərə təqdim edən azərbaycanlı.

3 ay sonra gələn əlavə: 17 may 1995 ci ildə anadan olmuşdur. Bakalavrı Bakı Dövlət universitetində fizika üzrə təhsil almış, magistrı isə italiya və niderlantda nanotexnologiyalar üzrə almışdır.

Hazırladığı videoların keyfiyyəti, bir yandan inqerientləri hazırlaması, digər yandan arxa fondakı musiqi həqiqətən izləyicilərdə xoş təssürat yaradır, arada anam videoların mənə göstərib, məni də təşviq edir fərqli yeməklər hazırlamağa (bu arada yaxşı yemək bişirirəm-*).

Bir çoxumuz onu bu səhifəsi ilə tanısaq da, adam həm də gözəl videoqraf imiş (bayaq kəşf elədim), 2 gün əvvəl youtube kanalında 8 ölkəni 25 günə gəzərək çəkdiyi videonu paylaşıb.

(youtube: )

(youtube: )

(youtube: )

sözaltı günlük

Bu entry böyük sevinc hissi ilə yazılmışdır -*
Vəə uzun müddətdən sonra yenə günlükdə, amma bu dəfə fərqli hislərlə.
son bir neçə gündür özümü çox yaxşı hiss edirəm, hamıya bu enerjini ötürürəm, əvvəl məşğul olduğum, sevdiyim fəaliyyətləri davam etdirirəm, necə deyərlər produkiv olmağa çalışıram (dərdimin dərmanı bu imiş) gələn-keçən:-filankəs, yaxşısan? Deyir-* bilirəm bu halım da bir müddətlikdir-*
Son bir ay ərzində bioloji olaraq böyüdüm sanki, həmin həftələr çox çətin keçdi mənim üçün, intahar etmək istəyi belə ağlımdan keçdi, amma edəcək nə cəsarətim, nə də düşdüyüm vəziyətimin son olmadığını anladım.
#361899 bu entrydə yazıldığı kimi," sözlükdəki bəzi yazarlar, sənin çətin günündə, yazdığın hər hansı yazıdan sənin necə olduğunu soruşub, ən azından sənə tək olmadığını xatırladar. " həmin yazarlara isə nə desəm az-*. Bu ağır dönəmdə isə deyəsən öz yolumu tutuğumu, lazım olan nəticələri çıxartdığımı düşünürəm.

Bu gün isə filankəs, bir içkiyi hak etdin deyib, nə qədər şey atlatdığımı düşünərək içdim. Evə qayıdanda isə yaşadığım yerin dayanacağından 2-3 dayanacaq qabaq düşüb piyada gələrək heç nə düşünmədim, sadəcə bu dəfə beynimdəki dumanıqlıq yerinə havadakı çiskin, içimdəki səslər yerinə qulaqcıqdakı mahnılar idi, sevgi ilə qalın..

(youtube: )