hərbi xidmətə çağırılanların tibbi müayinəsi əəsmn tərəfindən həyata keçirilməsi
![]()
ikinci qarabağ müharibəsindən sonra hökumətin hərbi xidmətə çağırış məsələsinə baxması ilə ortaya çıxan məsələdir. Müharibədən sonrakı aylarda səfərbərlik-də rüşvətlə yararsız hərbi bilet verilməsi ilə bağlı həbslərdən sonra onsuz da artıq rüşvət məsələsi çətinləşmişdi. Görünür hökümət bu boşluğu doldurmaq niyyətində idi və addım da gec olmadan atıldı. Məhz bu qərar birbaşa buna hesablanıb. Artan ərazi ilə birlikdə orduda əsgərə ehtiyac artmışdır. Azad olunmuş ərazilərdə görüləcək işlər çoxdur və bunların hamısını zabit, maxe, gizir heyəti görə bilməz. ordunun əsgərə ehtiyacı 2 dəfə daha çoxdur. Yaşı 35-dən aşağı və yararsız (saxta) bilet daşıyanlar üçün kazarma yolu görünüb artıq. Bəlkə də növbəti illərdə boşluq olacaq amma hələ Qarabağda iş çoxdur deyə hökumət bu sahəyə nəzarəti gücləndirib. Ən böyük zərəri isə artıq həyatını qurmuş, əsgərliyi ümumiyyətlə planlarında görməyən şəxslər çəkəcək. Onları da başa düşmək lazımdır, vaxtında pulunu verib yayınıb, işləyib karyera qurub indi hər şeyi bir illik, bir il yarımlıq dondurmaq məcburiyyətindədir. Və karyerada bir il, bir il 6 ay boşluğa düşdünsə yenidən toparlanmaq çətin olur. Bu məsələyə görə xaricə üz tutmağa çalışanlar da az deyil bu arada.
Vaxtilə mən də getmək istəmirdim, açığı pulum da yox idi, bilet almaq üçün. içimdə bir hiss var idi ki, nə qədər tez gedib gəlsəm o qədər yaxşıdır. Çünki hökuməti bilmək olmaz bugün yatıb, sabah qərar verir. Yaş keçəndən sonra isə əsgərlik daha çətin olur. Ona görə əgər vaxt çatırsa, tez gedib, qayıdın. işi bilmək olmaz bugün yatdın, səhər durdun ki, olub iki il əsgərlik.
)