amma və lakin


115   0   0   0
amma və lakin 5.nəsil yazar
reytinq xalı: 514
karma xalı:-189
entry sayı:115
izləyənlər:2
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
(youtube: )


nokia 8110 1996-cı ildə təqdim olunmuş nokia telefonu. the matrix filmində istifadə olunduğu üçün xüsusi populyarlıq qazanmışdır. lakin orada telefonun slayderi əl ilə yox, xüsusi düymə ilə açılır. məhz bu filmdən sonra məhdud sayda bu xüsusiyyətə malik 8110 satılmışdır. amma daha əlçatan bu cür funksiyalı telefon nokia 7110-dur. hansı ki, 1999-cu ildə təqdim olunmuşdur. nokia 8110 isə formasına görə nokia banan adını almışdır.
telefonun yeni versiyasının hazırlanması üçün hətta 2006-cı ildə petisiya da hazırlanmış idi. link link
telefonun yeni versiyası 2018-ci ildə təqdim olunmuşdur. qara və sarı rənglərdə mövcuddur. nokia 8110 4g kimi adlandırılmış telefonun bir neçə cəhətlərini qeyd etmək olar.

müsbət:
1) düyməli telefonun 4g kimi xüsusiyyətə malik olması. doğrudan da, hazırda belə düyməli telefonlar çox az saydadır və uzağı jiophone-ni misal göstərmək olar. düyməli telefona görə çox nadir xüsusiyyətdir.
2) wi-fi var. həmçinin, hotspot xüsusiyyəti də mövcuddur.
3) slayder form-faktoruna malik olması.
4) 4 gb quraşdırılmış yaddaşın olması və 64 gb-yə kimi artırmaq imkanı. həmçinin, düyməli telefon üçün pis hesab olunmayacaq 512 mb ram.
5) fənər, kamera ilə təchiz olunması.
6) dual-sim-dir. kontakt əlavə edəndə imkanlar çoxaldılmışdır.
mənfi:
1) telefonun qiyməti. 199 azn düyməli telefon üçün çox böyük qiymətdir. nəzərə almaq lazımdır ki, telefonun əməliyyat sistemi kaios-a əsaslanan smart feature os-dur və proqramları da çox məhduddur. qiyməti çox şeyi korlayır.
2) slayderin çox zəif şəkildə hazırlanması. əgər bir az dəyib eləsə, qapaq çox güman ki, sınacaqdır, bundan sonra artıq telefon adi candybar form-faktorlu telefondan fərqlənməyəcəkdir. amma telefonun ip52 drip protection xüsusiyyəti vardır.
tvseans.com ans şirkətlər qrupunun rəhbəri vahid mustafayev tərəfindən yaradılmış saytdır. ans-in adına görə tvse(ans) adlandırılmışdır. dublyajların da çoxu bakı filmin (ans şirkətlər qrupuna daxil olan qurum) dublyajlarıdır. həmçinin, sualtı qədeşlərə də baxmaq olar.
bash.im 2004-cü ildə yaradılmış rus saytı. əvvəlki domeni bash.org.ru idi. bash.org saytının rus dilində olan versiyasıdır. əsasən yumoristik xarakterli saytdır və müxtəlif şəxslər burada dialoq tipli sitatlar yazırlar. fransızlarda da oxşar sayt var: danstonchat.com. əslində bu saytların formatı çox maraqlıdır və bir növ irc chatları xatırladır. müxtəlif maraqlı entrylərə bu saytlarda rast gəlmək olar.
google images düymə olmasa da, şəklin üstünə sağ düymə ilə basaraq open in new tab vasitəsilə yükləmək olur. ikinci üsul isə, yenə də sağ düymə ilə basırsan şəklin üstünə, bu dəfə şəklin ünvanını copy edirsən sonra yeni tabda paste eləmək də olar.
nokia 1011 nokia tərəfindən hazırlanmış ilk gsm telefon. telefon sms-i göndərməyi və qəbul etməyi bacarırdı. buna baxmayaraq, nokia bu funksiyaya malik olan telefonun nokia 2110 olduğunu söyləyir.
nokia 2 nokianın yeni smartfonu. android 7.1 ilə işləyir. qiyməti 99 avrodur. telefonun ramı 1 gb-dir. daxili yaddaşı 8 gb. arxa kamerası 8 mp, ön kamerası isə 5 mp-dir. əsas fərqləndirici xüsusiyyəti batareyasının 4100 mah olmasıdır. telefonun 2 gün zaryadka saxlaması gözlənilir. həmçinin, telefonun android 8.0-a kimi yenilənməsi də gözlənilir.
nokia 3 hmd global oy-un 3310, 5, 6 telefonları ilə birgə təqdim etdiyi smartfon. qiyməti təqribən 300 azn-dir. demək olar ki, büdcə smartfonudur. hər iki kamerası 8 mp-dir. çox heyif ki, carl zeiss deyil, amma nokia yeni telefonlarında carl zeiss texnologiyasını qaytaracaq, deyəsən nokia 8 telefonunda olmalıdır. telefonun operativ yaddaşı (ram) 2 gb-dir. demək olar ki, telefonda hər şey normaldır. amma prosessor mtk-dır və o qədər də seçilən prosessor deyil. belə ekranı 5 düymdür və gorilla glassdır. həmçinin 4g şəbəkəyə də malik olmalıdır. daxili yaddaşı 16 gb-dır və 128 gb-a kimi artırıla bilər. əməliyyat sistemi android 7 nougat-dır. həmçinin nokianın smartfonları demək olar ki, android yenilən zamanda avtomatik yenilənir. buna görə də telefonun android 8-ə kimi yenilənməsi də gözlənilir.
inter bakı affa öz işini davam etdirir, klubu yıxır, stadionu yavaş-yavaş əllərindən almaq istəyir, adını da keşlə eləmək istəyir. özü də bunlar 10 ilə yaxındır ki, klubun adının keşlə olması üçün özlərindən çıxırdılar. halbuki inter adında 5-6 ölkənin klubu var, ona görə də bankla təkcə əlaqələndirmək düz deyil.
2008 link
2013 link
2015 link
2017 link
öldü xəbərinə inanılmayan insanlar rus repçisi mc guf. hər gün şərəfinə quf öldü xəbərləri çıxır. ən birinci də domodedovo terraktında onun öldüyü deyildi. o qədər dedilər axırda twitterində onun öldüyünü deyənlərə ölüm arzuladı. twitter link axırda özü quf öldü adlı videoklip buraxdı -*
artıq qufun ölməsi internet-memə çevrilib. məsələn:
1) guf r.i.p. rip rep kimi bir şeydir, sadəcə quf ilə bağlı bu daha çox sevindirir. -*
2) guf .gif animasiya kimi bir şeydir, sadəcə o artıq tərpənmir.
3) dünən repçi quf evinin girişində ölü tapılmışdır. qonşular bildirirlər ki, bu ilk deyil. -*
clickbait youtube-də get-gedə artan bir şey. müxtəlif üsulla etmək olar:
1) əsasən başlıqlarda caps-lock-dan istifadə olunması ilə seçilir.
2) bunlarla yanaşı durğu işarələrindən çoxlu sayda istifadə olunur. o cümlədən bu videoya baxmayın! tipli sözlərdən istifadə olunması.
3) videonun thumbnailində şəkilin müəyyən hissəsinin qırmızı rəngə boyanması (qırmızı oxlar, qırmızı dairə), smayliklərin yerləşdirilməsi və digər gic şeylər.
məsələn hamamtimes-in orduxan x-i* yıxıb sürüdü!!! (xalq paylaşsın və bəyənsin!!1) kimi başlıqları clickbaitə ən əsas misallardandır.
aqil abbas son müsahibəsindən:
Benzinin qiymətinin qalxmasını böyük sevinclə qarşıladım. Millətimizi təbrik edirəm. Bu xoşbəxtliyi bizə yaşatdığına görə müvafiq qurumlara da təşəkkürümü çatdırıram. Azərbaycanda benzinin qiyməti 2 manat olmalıdır. Dünyanın digər ölkələri ilə müqayisədə Azərbaycanda benzinin qiyməti çox ucuzdur. Azərbaycan xalqı bütün günü bayram edir. Benzinin qiyməti 3-4 manat olsa belə, bu, xalqın yaşayışına mənfi təsir göstərməz. Vətəndaşlara da məsləhətim odur ki, 15 iyul tarixini xüsusi gün kimi qeyd eləsinlər. Bir də ona sevinirəm ki, benzinin qiymətinin qalxması ilə `Neftçi` də çempionluğunu qeyd edər.
sabunluğun dərəcəsinə bax. bir dəfə də deyirdi deputatların maaşı azdır. deputatlar da məzuniyyətə çıxır. indi onların maaşına baxın:
Deputatlara məzuniyyətdə olduqları zaman iki aylıq vəzifə maaşı məbləğində müavinət ödəniləcək.
Milli Məclisin sədri 4 500, komitə sədrləri 3 600 manat, MM sədrinin müavini 3 825 manat, sədrin birinci müavini 4 050 manat, sıravi deputatlar isə 3 150 manat müavinət alırlar.
hələ keçən dəfə başqa müsahibə vermişdi, deyirdi qorxuram ki, bu dünyadan, azərbaycanın futbol üzrə dünya çempionatında iştirakını görmədən köçərəm.
15 iyul 2017 azərbaycanda benzinin qiymətinin qaldırılması hakimiyyət öz ampulasındadır. bu arada benzinlə yanaşı 10385 dərmanın qiymətində də dəyişikliklər edilib. onsuz bunlar hər halda yaddan çıxacaq. indi bu qərarları da tərifləyəcəklər. müxtəlif üsullarla deyə bilərlər.
məsələn benzin üçün deyəcəklər ölkənin iqtisadiyyatının daha da gücləndirilməsində rol oynayan tanap və tap üçün qərarın əhəmiyyəti var. tanap və tapın boruları girsin bunlara. dərmanda da 1-2 işlənilməyən dərmanın qiymətini 30-40 manatdan 5-10 manata salacaqlar, qalan 10000-ni artıracaqlar. sonra da efirdə ancaq yaxşıları göstərəcəklər.
özü də bu qərarlar üçün məncə "yaxşı" vaxt seçildi, bir tərəfdən alxanlı ilə camaatın diqqətini cəlb etdilər, digər tərəfdən də türkiyədə olan çevrilişdən 1 il keçib və yaltaqlıq ilə efir blokunu dolduracaqlar. 1-2 dənə də saytlarda, qəzetlərdə olan qüşə (köşə) yazarları başlayacaqlar əliyevləri tərifləməyə. ölkədə də bütün problemlərin səbəbkarı kimi mütəllibovu, surəti, cavadovu göstərəcəklər. camaat da bunlara inanacaq və hakimiyyətə xilaskar gözü ilə baxacaq.
azərbaycan həkimləri azərbaycanda bəlkə də ən aşağı maaş alan peşə sahibidir (rəsmi şəkildə yəni). bəlkə də yalan deyərəm. indi ən aşağı həkim maaşı 116 manatdır, onu da əslinə qalsa bütün həkimlərə vermirlər. hər nə isə, buna kimi ən aşağı həkim maaşı rəsmi şəkildə 93,5 manat idi. (!!!) həkimə də qəpiklə maaş verərlər? -* özü də iş burasındadır ki, belə az maaş alanların çoxu özəldə 1000 manatdan çox maaş alan həkimlərdən daha savadlıdır. təbii ki, demirəm bütün özəldə işləyən ya da dövlət müəssisələrində işləyən həkimlərin hamısı savadsızdır. təbii ki, yaxşıları da var. amma onların sayı çox azdır.
özəldə də işləmək üçün gərək adam uzmanlıq zad qurtara, ona da kimin pulu var. televizorda bir də görürsən çıxış edir həkimlər. necə deyərlər pokazuxadır. çox vaxt bu verilişlər canlı olur, yəni camaat da sual verə bilir. cavab verə bilməyəcəklərini bilən həkimlər başlayırlar əzbərlədikləri xəstəliyin teoriyasını danışırlar. sonra da uzaq başı 1-2 zəngə vaxt çatır onlara da deyirlər diaqnoz üçün analiz mütləqdir gəlin klinikamıza biz yoxlayaq. camaatın pulu var klinikanıza pul versin? özü də türkiyədə ya da rusiyada alan həkimlərin çoxu orada həkimliyə aid 1-2 şey öyrənirlərsə böyük şeydir. gəlib dil öyrənib başlayırlar efirdə türk ya da rus dilində danışmağa.
sonra başqa bir şey də var, deməli bir də görürsən efirə 5-6 həkim ya da psixoloq çağırırlar. ayə bir də görürsən bəxtə-bəxt efirdə elə sual verirlər, belə baxanda day mən də cavabını deyə bilərəm, bunlar da bilmirlər özlərini necə göstərsinlər ki, hə biz bilirik. başlayırlar çto qde koqda verilişindəki kimi öz aralarında danışırlar, nə bilim, başlayırlar hehehe)00)0 deyə gülməyə sonra da deyirlər təbii ki, bu sinir sistemi ilə bağlıdır. -*
bir də başqa forma var, klinikaya həkimin yanına gedəndə başlayır əlaqəsiz analizlər elətdirməyə, gic-gic həkimlərə aparır axırda da adi şeyə böyük məbləğdə pul çıxır. -*
sözaltı qrammatika düzdür qrammatikanı zəif bilirəm, amma bir iki şeyi yazım. -dır, -dir, -dur, -dür şəkilçiləri ilə istifadə olunan sözlər çox vaxt -dı, -di, -du, -dü kimi yazılır. məsələn: bu kitabdır əvəzinə bu kitabdı yazılır. yəni bu səhvdir. birinci hal düzdür. çünki bu şəxsə görə dəyişmə qaydasına əsaslanır.
amma bu o demək deyil ki, hər zaman -dır variantı düzdür. -dı^4 kimi yazdıqda idi-nin qısaldımış forması olur. məsələn: mən getmişdim. burada -di idi-nin qısaldımış formasıdır. yəni mən getmiş idim də demək olar.
bir də başqa -dı^4-ün forması var. məsələn: mən aldım. burada artıq -dı şühudi keçmiş zamanın şəkilçisidir.
əgər mən oxumuşdum deyirsinizsə, -mış^4 burada nəqli keçmiş zamanın şəkilçisidir. yox əgər, o baxırmış deyirsinisə, burada artıq -mış^4 şəkilçisi ilk haldan fərqli olaraq, imiş-in qısaldılmış formasıdır. yəni o baxır imiş də demək olar. * * *
guam dörd post-sovet ölkələsindən ibarət regional təşkilat. tərkibinə gürcüstan, ukrayna, azərbaycan və moldova daxildir. təşkilatın adı bu ölkələrin baş hərflərindən yaranmışdır. 1999-cu ildən 2005-ci ilə kimi özbəkistan da bu təşkilata daxil idi və təşkilat məhz buna görə də guuam adlanırdı.
everything2 vikipediya ilə sözlük formatının qarışığını xatırladan vebsayt. ingilis dilindədir. vikipediyadan da, ekşidən də, urban dictionarydən də fərqlənən saytdır. amma oxşarlıqlar da çoxdur. əvvəllər everything idi adı (e1), sonra e2-yə keçildi və adı evertyhing2 oldu. yarıdıcısı nathan oostendorpdur. link link
türkiyə bəzi hadisələrə görə çox məyus edən ölkədir. əvvəl istədim məlum yeni başlığa yazım, sonra ümumiləşdirmək qərarına gəldim.
bayaqki hadisə ilə bağlı. son vaxtlar türkiyədə belə hadisələr çoxdur, ən azından xəbər saytına girən kimi belə hadisələr qarşına çıxır və ölkə də türkiyə olur. məsələn bu hadisələr 1-2 həftə ərzində baş verib və yalnız 1 saytdan götürülmüş xəbərlərdir:
link1 link , link2 link ,
link3 link , link4 link ,
link5 link
yəni doludur belə xəbərlər hamısı da türkiyə ilə bağlı. hər halda səbəb buna görədir ki, ölkədə neytral düşüncəli adamlar çox azdır, yəni yarı tam başqa düşüncəli, digəri ümumiyyətlə başqa tip adamdır. bunun nəticəsində də belə münaqişələr baş verir. sadəcə məyus edən hissə ondan ibarətdir ki, belə tipli şəxslər əhalinin əsas hissəsini təşkil edir və buna görə də normallar da sanki kölgədə qalırlar.
azərbaycana qarşı münasibətlərini də qeyd etmək istərdim. qeyd edəcəklərim yenə də hamısına aid deyil, amma çoxu belədir. fikir verirəm ki, azərbaycanlıların etibarından sui-istifadə etməyə də çalışırlar. təbii ki, bizimkilərin də belə işləri az olmayıb, amma, indi söhbət türkiyəyə aiddir. baxırsan heç bir təhsili olmayan, aşpazlıq etməyi uzaq-başı bacaran şəxslər türkiyədən buraya gəlirlər və obyekt açırlar. çox vaxt da bu obyektlər kafe olur. indi deyə bilərik nəyi pisdir, amma orada yeməklərin hazırlanması və s. ilə tanış olduqda hər şeyin bərbad olduğu məlum olur. 1-2 il işləyirlər və yaxşı camaata atırlar, sonra da babat pulları olur. bizimkilərə isə ya xadimə işi verirlər, ya da normal işi ən aşağı maaşla. yenə də deyirəm, bizimkilər də belə edir onsuz da, sadəcə türkiyə vətəndaşlarından hal-hazırda danışıram.
illərlə burada yaşayan şəxslər də olur, azərbaycan dilində uzaq başı yaxşı (yahşi), belə vəziyyətin içinə soxum kimi sözləri öyrənirlər və onları da adam kimi demirlər. hətta ölkənin adını da normal tələffüz etmirlər, rəsmi şəkildə olan azerbaycan sözünə ya, aaazarbaycan, azerbeycan, azarbeycan və s. deyirlər. bilmirəm bu təhqirdir ya nədir. bunlara turkuye desən tumanlarını başlarına çəkərlər siz də məni bağışlayın. bizimkilər isə ora gedən kimi başlayırlare türk dilində danışmağa.
çox vaxt azərbaycanlılara aşağı səviyyəli kimi də baxırlar. əslində onların çox hissəsi dediyim kimi heç nəyi bacarmır. qalan hissə də çox ağıllı olur. yəni onlarda sanki orta adam bu mövzuda da yoxdur. ağıllılar bizə belə aşağı səviyyəli kimi baxsalar, hələ eybi yox, bir də görürsən elə tupoylar bizimkilərə söz atırlar ki, adam lap iki ölkə arasında qardaşlığa inanmır. əslinə qalsa türkiyədən o qədər də məşhur kəşflər və s. etmiş adamlar çıxmayıb. və ya elm ilə yanaşı, kinoda da eynilə. bizim filmlərə, sovet vaxtı çəkilmiş filmlərə baxanda, ssenarinin, aktyorların necə keyfiyyətli olduğunun şahidi olmaq olar. türkiyənin biz normal filmini demək olar ki, görməmişik. onlarınki ancaq küçə söhbətləridir, bir dənə qız oldu o biri gədə kasıb zad oldu sonra da evləndilər. normal filmləri də barmaqla sayılacaq qədərdir.
siyasətdə ən müasir dövrdə köməkləri danılmazdır, çox sağ olsunlar. amma bu o demək deyil ki, bizə hər zaman kömək ediblər. elçibəy o vaxtı prezident olanda 4 vertolyot istəyib, verməyiblər. bir dəfə də deyirdi böyük məbləğdə türkiyədən kredit istəyirmiş, onu elə gecikdiriblər ki, artıq lazım olan vaxt üçün, heç bir əhəmiyyəti yox idi. halbuki hər nə murdar olsa da iran sən demə bu pulu verməyə hazır imiş.
sonda onu demək istəyirəm ki, normal şəxslər də, təbii ki, var. sadəcə, türkiyədən və elə digər ölkələrdən də nəsə götürəndə, çalışmaq lazımdır ki, bu inkişafa xidmət etsin. bu hər sahəyə aiddir. dilimizə də hörmət edək, şəxsiyyətlərimizə də. bilirəm çox yerlərdə umbaylamışam, amma yenə də entryni yazmaq qərarına gəldim.
16 mart 2007 milli məclisdə dava hüseyn abdullayev ilə fəzail ağamalı arasında baş verən əlbəyaxa davadır. həmin dava budur:
(youtube: )

ans-in saytında tam versiya mövcuddur: link link (02:37-dən süjet başlayır)
1 2 3 4 5 6 7 8 9 10 11 12 13 14 15 16 17 18 19 20