overhead, without any fuss, the stars were going out.

Ani bir şəkildə bitməsi ilə dəhşət hissi verən , Arthur C. Clarke-ın "Tanrının 9 Milyard Adı" adlı qısa hekayəsinin son cümləsi.Hekayə belədir ki , bir qrup tibetli rahib inanır ki , tanrının 9 milyard adı var və bu adların hamısı yazıldıqda kainatın məqsədi tamamlanacaq, yəni hər şey sona çatacaq. Onlar bu adları əl ilə yazmaq çox uzun çəkdiyi üçün, bir kompüter sifariş edirlər və iki texniki işçini Himalaya gətirirlər. Kompüter bu adları sürətlə çap edir və rahiblər də səsli oxuyurlar. Texniki işçilər bu inancı ciddiyə almırlar və klasik amerikalı baxışlarıyla bunu gülünc hesab edirlər.Nəysə , bütün hekayəni anlatmayacam təbii ki , amma son ismin çap olunduğu gecə amerikalılar hava limanına doğru çıxıb gedirlər.Biraz da qorxurlar ki , son isim çap ediləndə bir şeylər olmasa , rahiblər onları günahlandırıb zərər verəcəklər.Gecə vaxtı himalaya dağlarının ətəyində ulduzlarla aydınlanan bu qaranlıq yolun sonunda təyyarənin işıqlarını görüb sevinirlər.Bu sırada aralarında danışırlar ki , görəsən rahiblər son adı oxudular ya yox.Və bir anda səmaya baxırlar.Göydəki ulduzlar , bir anda sönür. Overhead, without any fuss, the stars were going out.

sufizm

Mənə görə islamdakı ən maraqlı cərəyan.Dini inanclarımı itirmədən öncəki axtarış və sorğulama dönəmində son dayandığım dayanacaq da sufizm olmuşdu.Digər cərəyanlar və məzhəblər kimi sıxıcı və qapalı qutu deyildir.Sufizm əsasən islam mistisizmidir , yəni yəhudilikdə kabbala nədirsə ( eyni şəkildə yəhudiliyin də ən maraqlı tərəfləri fikrimcə buradadır ) , islamda sufizm də odur.indi nə yerdədir bilmirəm amma , mənim axtarışda olduğum vaxtlar 19-cular var idi məsələn.Bu adamlar quranın içində riyazi şablonlar axtarırdılar , çünki inanırdılar ki riyaziyyat allahın göndərdiyi bir elmdirsə , quranda da riyaziyyat diliylə gizlənmiş sirlər ola bilər.Bilirsiniz quranda hürufi muqatta deyilən hərflər var , yəni nə mənaya gəldiyini heç kimin bilmədiyi , düzülmüş hərf adları olan random ayətlər.Misal üçün ən çox bilinəni əlif ləm mim.Bəzi sufist təriqətlərə görə ( məsələn (bax: hürufilik ) ) bu hərflər riyaziyyat yoluyla göndərilmiş gizli kodlar idi.Və 19-cular da 19 ədədinin gizli bir kod olduğunu və ayətlərin bu ədədlə özəl olaraq kodlandığını düşünən bir cərəyan idi.Və ya mövlanadan bildiyimiz mevlevilik də var ki , bunlar da şamanist metodlarla ve psixodelik maddələrin şifasıyla allaha yaxınlaşmağın yollarını axtaran mistik axtarışlar içindəydilər.Nəysə mövzunu çox dağıttım , qısaca sufizm islamın ən əli ayağı bir şeyə oxşayan tək cərəyanıdı.Sonra inancımı itirsəm belə , ən azından sufizm sayəsində riyaziyyat , fizika , botanika haqqında çox məlumatlar öyrənmişdim , boşa getməmiş oldu o vaxtlarım -*.

biseksual

Ən zor tərəfi , heç bir şübhə oyatmadan öz evində istədiyin qədər sevişməkdir. “Dostun” qonaq gəlir və otağınızda kompüterə baxırsınız. “Biz dərs oxuyuruq, bizi narahat etməyin” deyib qapılar bağlanır və ailə evində səhərə qədər bir-birinizi kəşf edirsiniz. Kim şübhələnər ki, dostuyla səhərə qədər otağında dərs oxuyan iki həmcinsdən? Həm homo olmadığınızı da hamı bilir , sevdiyiniz qızlar və sevgililəriniz də olub. Hetero yaşıdlarının qız əli tutmaq üçün min bir oyuna baş vurduğu, boş seans olan kinoteatrlara bilet alıb getdiyi vaxtlarda bu, çox böyük bir ayrıcalıq idi. -*

kəkələmə

7 yaşından bəri sahib olduğum , olabildiyincə emosional yanaşmadan uzaqlaşmış olduğum və üzərinə çox düşündüyüm , bir çox terapiya və loqoped təcrübələrindən keçdiyim , üstünə məqalələr və araşdırmalar oxuduğum , amma hələ də bilinməzləriylə məni heyrətə gətirən xəstəliyim.Birincisi bunu qəbul etmək lazımdır ki , kəkəməlik hələ də tibb dünyasına yad bir problemdir və bu problemin niyə ortaya çıxdığı ilə belə bağlı çox az məlumatımız var..Açıqcası bu problemlə bağlı tövsiyə verməkdən və öz yöntəmlərim haqqında yazmaqdan da çəkinirəm çünki , o qədər subyektiv qalır ki bu yöntəmlər , bəzən özüm belə tez-tez bu problemə bir daha yenidən və fərqli yanaşmalı oluram.Amma düşünürəm ki olduqca obyektiv və hərkəs üçün keçərli olabiləcək bəzi nöqtələr var və bunları sadalayacaq olsaydım :
1.Qəbullanma prosesi - Nə olursa olsun insan həyatı boyu bu problemə qarşı inkar pozisiyasında olur.Qəbullanma olmadıqca , aynaya baxıb "mən kəkəməyəm" cümləsini rahatlıqla qurmadıqca , kəkələdiyiniz zaman özünüzdən utanıb çəkinmədən ayna qarşısında özünüzü müşahidə etmədikcə , müsbət tərəfə doğru bir dəyişiklikdən söz gedə bilməz.
2."Yenmək" psixologiyası - Bu problemi bir düşmən kimi görüb onu "məhv etmək" , "yenmək" kimi düşüncələr içindəsizsə əgər , yenə qalıcı olaraq müsbətə doğru gediş çox mümkün olmayacaq.Düzgün baxış bucağı bu problemi qəbullanmaq , onu qucaqlamaq və ola bildiyincə tərbiyə etməyə çalışmaq , onun qayğısına qalmaq və həyatınıza olan mənfi təsirlərini ortadan qaldırmağa çalışmaq olmalıdır.Düşməncə yaxınlaşıb şüuraltınıza savaş açmaq istəsəniz , qalib olan siz deyil o olacaq.
işin fiziki praktikası və istifadə edilən metodikalar isə çox uzun mövzudur ki , bəlkə axotum olan bir vaxt öz təcrübələrimi bu başlığa ayrı bir entry ilə əlavə edərəm

yazarların hazırda düşündükləri

Maliyyə kapitalizmi üzərinə qurulmuş bütün sistem yavaş-yavaş çökməyə başlıyır , çünki var olmayan pullar üzərində ayaqda duran sistem istehsaldan çox faiz və bankların hesabına ayaqdadı.Orta təbəqə ən inkişaf etmiş ölkələrdə belə əriməyə başlıyıb.Qərbə olan immiqrasiya son illərdə artır amma əsas problem bu deyil.Artıq elm adamları tərəfindən qlobal istiləşmə deyil qlobal qaynama olaraq adlandırılan və 5-10 il içində asiyanın bir çox bölgəsini yaşanmaz hala gətirəcək bir təbii fəlakət yaxınlaşır.Məcburi olaraq milyonlarla insan şimala doğru və qərbə doğru köç etməli olacaq.Şirin və təmiz su rezervləri 10 ildən sonra ciddi krizisə səbəb olacağı da aydın görünür.Bütün ölkələr hərbi xərcləmələrini artırmaq dərdinə düşüb , allahın polşası və almaniyası belə utanmadan hərbi propaqanda edir.Orta şərqi demirəm belə onlar onsuz bədbəxt gündədi.Görəsən 10-20 ildə həqiqətən dünya sikdir ola bilər yoxsa burdan belə çıxıb davam edəsiyik ? Maraqlı gəlir mənə.

ağlamaq

insanı rahatlaşdıran və əsəblərini sakitləşdirən, bəlkə ağlamağa səbəb olan problemi həll etməsə belə o içindəki tikanı çıxarıb bir müddətlik qırağa qoymağa imkan verən bir hərəkət. Dünən çox random bir anda özümdən də gözləmədiyim bir şəkildə ağlamaq hissi ilə doldum. Ortalıqdan uzaqlaşıb bir ümumi tualetə girdim və hönkür-hönkür ağladım. Amma sizə ağlamaq deyirəm, elə bil son 4 ilimin ağrısı çıxdı içimdən. içimə atdığım və dolub daşan hər şey o uzun ağlama seansı ilə sanki boşaldı. Heç özümü saxlamağa da çalışmadım. Başa düşdüm ki bu çox ani gəlmiş olan bir hissdi və bunu içimdən atmalıyam. Sanki ağlamaq deyil, daha çox qusmaq kimi idi, içimdə yığılmış fiziki olmayan hər şeyi qusmaq. indi özümü daha gələcəyə fokuslanmış və optimist hiss edirəm. Sanki içimdə yer tutmuş və məni zəhərləyən bir çox şey göz yaşlarımla bir yerdə məndən uzaqlaşdı. Uzun sözün qısası, bəzən də insana güc verir ağlamaq. Hər zaman zəiflik demək deyil, amma o zəifliyi gözyaşları ilə axıdıb davam etmə gücünü özündə tapmaqdır.