futbolçu topçu gopçu


363   11   0   0
futbolçu topçu gopçu 6.nəsil yazar
reytinq xalı: 468
karma xalı:1433
entry sayı:363
izləyənlər:1
sifariş sayı:15

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

insan meymundan gəlib deyən insan insan adlı meymun olduğunu dərk edən varlıqdır. bir də ki, bu meymundan gəlmək məsələsini səhv başa düşən varlıqların düşməni. elə bilirlər bəlkə meymun (hansı növü olmasını da araşdırmazlar) əsrlərlə meymun olub və bir gün insan doğub, insanlar da belə yaranıb - "təsadüfən".
miqren bilinənin əksinə olaraq, müalicə ilə çıxıb getməyən xəstəlik. müalicə ağrıların şiddətini və atakların intensivliyini azaltmaq üçündür, xeyri də olur, amma bütün xəstələrdə işə yaramır, heç yarısında da yaramır. çox olsa ayda 1-2 dəfəyə düşür. hansı ki, müəyyən qaydalara əməl etməklə özünüz də bacara bilərsiniz bunu.
1. yuxu, yuxu, yuxu (caps lock ilə). yuxu rejiminiz olmalıdır, çalışın max səviyyədə əməl eəsiniz bu rejimə və sizin üçün bəs edəcək qədər yatasınız. 5 saat yuxu ilə gümrah olan da var, 8 saat ilə də. lazımdısa axşam 10-un yarısı yatın, amma yuxu rejiminə əməl edin. yuxusuz qalan kimi migren tutmaları başlayır. bura çox yatmaq da daxildir. 9-10 saat əvvəlki həyatım üçün çox olmasa da, rejimə düşdükdən sonra mənimçün migren səbəbkarına çevrilib. yəni yuxunuz gəldiyini düşünsəniz belə rejimdən artıq yatmayın.
2. yemək rejimi. əgər siz 13:00-13:30 intervalında yeyirsinizsə normalda, mədə özünü ona uyğunlaşdırır. yola verməyin yeməyi. ac qalmaqdan mütləq uzaq gəzin, sonra yeyərəm dedikdə miqren qapını döyür. turşulardan, pendirdən, kofedən (şokolad, tərkibində kofein olan hər hansı bir şey, başlıca da enerji içkisi) aralı olun, çox tətikləyir. xüsusilə kofein
3. stressdən uzaq olun (əhəhəhəhhəhəh). ən güclü üç faktordan bəlkə də birincisidi. stressli, gərgin halda olanda tutmalar ayda 6-8 dəfə olur, stabil həyatda isə 2-ni keçmir.
bir də xırda məsələlər var. telefonun (kompüterin) işığını azaltmaq, mütləq səssizlikdə yatmaq və s. düzdür. normalda miqren tutanda bunlara həssaslıq artır, amma davamlı olaraq səs-küylü yerdə yatmağa çalışsanız, bunun özü ataka səbəb olur bir müddət sonra. həmçinin (bilmirəm hamıda belədir ya yox) auralı xəstələrdə işığa dözüm adi vaxtlarda daha aşağı olur məncə.
qeyd: anti depressantlar və ya sakitləşdirici başqa dərmanlar kömək etmir, qaydalara əməl etməsəniz.
zemaneden_shikayet “Allah qatında ən sevilməyən halal” ifadəsi ilə könlümə taxt qurmuş yazar.
söz azadlığı ilə onun bunun işinə qarışmağı səhv salmaq bu sifarişi verən: adsız dəyirmandaki xoruz
"hamının fikrinə hörmət etmək lazımdır" ilə eyni qəbildəndir. sənin nəinki söz, ümumiyyətlə azadlığın mənim hüquqlarım çərçivəsindədir. mənim etdiyim nə isə qadağan deyilsə, sırf sənin düşüncənə uymur deyə istədiyini deyə və ya eləyə bilməzsən. ən zəhləmi tökən şey də bunun trendə çevrilməsidir. əvvəllər başqa adlarla qarışırdılar, indi "monom soz ozodloğom vor". dediklərinin mənasını da qanmırlar.
ingilis dilində when / while Budaq cümlə yaratmırsınızsa, mübtədasız işlədəcəksinizsə, hər ikisində fel ing olacaq, çaşdırmasın, bunu da qeyd edim.
Edit: yəni ing qoşulmuş fel. Plus işarəsi görünmür. moderatorlardan xahiş edirəm izah eləsinlər (gözləri yumulu, 32 diş emoji)
ingilis dilində when / while bu sifarişi verən: hechliyin_menasi heç mürəkkəb izahlara girişməyə ehtiyac yoxdu:
when- anda (əndə)
while - arkən(ərkən)
she was doing her homework when I entered the room-mən otağa girəndə o, dərslərini hazırlayırdı
she was doing her homework while i was watching TV-mən tv izləyərkən o, dərslərini hazırlayırdı
ingilis dilindəki yeri: when qısa hərəkətlər üçün (otağa daxil olmaq qısa hərəkətdir), while uzun (və ya uzanan, necə istəyirsiz) hərəkətlər üçündür (tv izləmək uzun/uzanan hərəkətdir).
when sadə keçmiş zamanla (past simple), while keçmiş davamedici zamanla (past continuous: to be + ing) işlənir.
sözaltı etiraf Bütün ailənin birlikdə olmasından yana çox darıxmışam. Adicə valideynlərimlə eyni evdə olanda tək qalmaq istəyirəm, amma uzun müddət sonra hamısının yanımda olmasını arzulayıram. Hamısı ilə birlikdə ən azı 30 saat keçirməyə ehtiyac hiss edirəm (iki səhər yeməyi sığışsın). Biri olanda o biri olmur həmişə. Birini onsuz ildə bir dəfə görürük, birini bir də nə vaxt görəcəyimizi bilmirik, biri ilə iş-gücə görə görüşə bilmirik və s. Onlarla birlikdə yaşamaq istədiyimi düşünmürəm (istəmədiyimə əminəm hətta), amma bu darıxmaq hissi görüşməyincə keçmir. iki nəfəri bundan belə nadirən görəcəyimi düşünəndə bi çıqqılı, lap azcana ağlım uçur.
sözlük yazarlarının super gücləri Çox, çox, çox danışa bilərəm (amma insanlara yazığım gəldiyindən danışmıram). O qədər ki, bir insanın gündəlik söz limiti barədə çox ciddi şübhələrə düşə bilərsiniz (xeyrini görmədim, o da ayrı tema)
depressiyadan çıxmaq üçün alış veriş etmək alış-veriş etmək depressiyadan çıxarmaz, çıxara bilməz. əhvalınızı düzəldər, amma depressiyadan çıxarmaz. depressiyada olanda alış-veriş etmə istəyi də ölür insanda.
amma qalan hər şeydə ən yaxşı terapiyadır (ürək emojisi). pul xərcləmək insana özünü yaxşı hiss etdirir. marketdən yarım litrlik su almaq da bura daxildir.
qorxudan təsadüflər illərdi görmədiyim, hətta üzünü belə xatırlamadığım (heç vaxt da yadıma salmadığım) bir tanışımın qəfildən yadıma düşməsi, 3 gün beynimdən çıxmaması və sonra qarşılaşmağımız. Kaş maaşı da fikirləşəndə belə 3 günə gələ.
sözaltı etiraf Hələ də “gəlirəm” feli ilə “gəlirdim” felinin eyni zamanda olmasını qəbul edə bilmirəm. “Gəlirdim” hardan baxsan keçmiş zamanda olmalıdı, necə yəni indiki zaman?!
yazarların paylaşmaq istədikləri şeirlər Yerini yig, gozel qizim, biri geler ayibdir,
Pijamayla gezme bele, biri biler ayibdir,
Dur gel, evi temizleyek, biri girer otaga,
Seliqeyle sen el gezdir, o bucaga bu bucaga.
Hec qisqirma, asta danis, birden biri esider,
Zembilleri al elimden, biri gorse ne deyer?
Onu yeme, kenara qoy, o birinin payidir,
Cox danisma yol basinda, belke biri qayidir..
Evde otur, cole cixma belke biri goz qoyur?!
Sozlerine diqqet ele, yaxsi otur yaxsi dur.
- Eeh ay ana, men belece cixammadim hec hara
Ne de biri gelmedi ki, canimiz da qurtara...
endometriozis uşaqlığın daxili hissəsindəki toxuma qatı olan endometriumun uşaqlığın xaricində (yəni ondan kənarda) olması. çox şiddətli ağrılara səbəb olur. menstruasiyadan çox əvvəl başlayır, menstruasiya dövründə dözüıməz dərəcədə şiddətlənir, bitəndən sonra yavaş-yavaş azalır. Cinsi əlaqə zamanı da ağrılar yaşanır. Endometriozisdən əziyyət çəkən qadınalrın təxminən yarısında sonsuzluq müşahidə olunur. səbəbləri dəqiq bilinmir, genetik də ola bilər, bilmədiyimiz (ya da mən eşitməmişəm) başqa səbəblər də. xəstədə görünən simptomlara əsasən onu müşahidə etməklə hansısa nəticəyə gəlmək olar, amma diaqnoz qoyulması üçün ən etibarlı üsul biopsy-dir. sadəcə simptomlar bəs etməz, çünki başqa xəstəliklərlə qarışdırıla bilər.
uzun sözün qısası, üzə çıxdığı xəstələrin həyatını çox-çox çətinləşdirən xəstəlik.
türkiyə deyəndə ağıla gələnlər yarısı qoyun sürüsü olan xalqa sahib, çökməyə üz tutan ölkə. bizdən nə fərqləri var deyə soruşuram özümdən, amma niyəsə bizim cəmiyyət daha "sadəlöhv" gəlir mənə. prezidentləri də ayrı trolldu. keks və çay vəd edir, sonra da pulsuz təhsil vəd edirmiş kimi deyir "pulsuz olacaq ee bunlar". və buna sevinən insanlar var. və bu insanların sayı çoxdur. və onlar realdır.
məsələ təkcə siyasi deyil amma. iqtisadi vəziyyət də ürəkaçan deyil, başa düşdüyüm qədərilə. əgər əvvəllər 9 tl-yə aldığım məhsul indi 20 tl-dirsə, ən vacib qida məhsullarında belə sürətli və çox yüksək bahalaşma gedirsə, bu gedişlə aclıq da başlayar ölkədə (qiymətləri real nümunə olsun deyə yazmışam). narazılıqlarını birbaşa özlərindən eşitdim. ətdən danışmaq da olmaz, amma digər məhsulların da bahalaşması vəziyyətlərini çox ağırlaşdırıb. bir sözlə, dinli-dinsiz, kürt-türk və bu qəbildən digər zidd qrupların ucbatından vətəndaş müharibəsinə zəmin yaradan və baş verəcəyi təqdirdə qan su yerinə axacağı müharibənin gözlədiyi ölkə kimi görürəm oranı.
1 2 3 4 5 6 7 8 9 10 11 12 13 14 15 16 17 18 19 20