futbolçu topçu gopçu


409   4   0   0
futbolçu topçu gopçu 6.nəsil yazar
reytinq xalı: 544
karma xalı:363
entry sayı:409
izləyənlər:2
sifariş sayı:23

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

təkcə mənmi edirəm deyə düşünülən şeylər Bilmədim hansı başlığa uyğun gəlir, bura yazsam yaxşıdır.
Çox xəstə bir xüsusiyyətim var, amma heyif adı yoxdur. Ümumi olaraq deyə bilərəm ki, bir çox şeyi əvvəlcədən etməyi xoşlamıram. Məsələn, axşam evə gələndə qapını açarla açmalıyam. Çox vaxt açarı tapmaq əməlli-başlı çətin olur. Mən isə onu lap əvvəldən çıxarıb əlimdə tutmaq istəmirəm. Elə etməliyəm ki, qapıya çatan anda tapım çəxarım onu (marketi keçəndən 8-10 addım sonra). Elə bil əvvəldən əlimdə saxlasam açar bunu biləcək və bu, mənimçün nəsə pis bir şeydir. O ki xoşun gələn adama çox diqqət göstərmək istəmirsən, bu da onun kimidir. Açar biləcək ki, mən onu çox tez axtarıb tapmışam. Və ya gedəcəyim yerə tez getmək istəmirəm. Məhz ora çatacağım vaxtı hesablayıb evdən çıxıram (hərdən hesablaya bilməyib yubanıram). Elə bil, Metroya tez minsəm metro bunu hiss edəcək, park biləcək ki, mən tez gəlmişəm və s. işə belə tez getməyə utanan insanam. Bu düşüncə nə vaxt, necə yaranıb, xatırlamıram.
90-cı illərin hit mahnıları biz xarici mahnılarla böyüməmişik beləyə baxanda
(youtube: )

ən yadımda qalan budur
(youtube: )

p.s: yenə link verə bilmədim?
p.s2: verə bilmədin.
dırnaq lakı Əllərin daha gözəl görünməsinə kömək olan vasitə. Xüsusilə dırnaq yatağı balacadırsa, dırnaqlar bir az uzadılaraq boyansa əla görünər. Uzun dırnaq yatağına sahib xanımlar heç nə etməsə də olar. Şərəfsiz şanslılar.
Amma lakı “çıxaranın” atabaatasına lənət. Dəyişməyə hövsələ çatmır, səliqəli saxlamaq əsəb edir adamı, həm də ki zərərlidir.
nude Avstraliyanın makeup brendi. Çox yaxşı məhsulları var, xüsusilə eye shadow üçün əla rənglər var. istifadəsi elə də sadə və rahat deyil. Belə ki, rənglər göründüyündən daha tünd və ya açıq olur üzdə; çox yayılandır, bu da səliqəsizliyə səbəb olur. Ondan qalan əladır.
bez bebek vs selena bu sifarişi verən: you touch my tralala
"hansı daha absurd ola bilər?" sualını verdirən müqayisə. 1-2 epizoddan savayı izləməməyimə baxmayaraq, səsimi bez bebek üçün verirəm-heç bir amil məni selenaya səs verməyə məcbur edə bilməz
stephen fry bu sifarişi verən: hechliyin_menasi Harry Potter kitablarını səsləndirməsi ilə tanıdığım britaniyalı aktyor, yazıçı və lgbt aktivisti (özü də homosexualdır). komediya ustası kimi tanınır.
Bir ay sonra gələn edit: adamı üzdən də tanıyıram, çox-çox əmin idim ki, filmdə izləmişəm, amma hansında? indicə yadıma düşdü ki, v for vendetta
Məsələ ondadır ki, kariyerasını ələk-vələk edib tapmamışdım harda gördüyümü. Birdən lampa yandı beynimdə. Çox şükür, bu gün də aydınlandım
yazarların paylaşmaq istədikləri şeirlər Adam necə ad gününü
Başqasına qoyub, gedər?
Adam necə üsyan edib
Ağlamaqdan doyub, gedər?
Heç bilmirəm kimsən, nəsən
Nədən, kimdən birdəfəlik
Uçub getmək istəmisən?
Qatilin kim? Bəlkə bizik?
Bəlkə anan, bəlkə atan?
Bəlkə, sizə illər əvvəl
On dördüncü
mərtəbədən mənzil satan?
Bəlkə qatil ölümündən
Bir əvvəlki gecə idi?
Ya sevgilin?
Denə görüm, telefonda
Son sözləri necə idi?..
Qatillərin hesabı yox,
Elə bilmə ki, azdılar.
Yaşamağa qoymayanlar,
inan mənə, bilsəydilər,
Ölməyə də qoymazdılar...
indi bir-bir hamısına
Qarğış töküm, fəğan edim,
Acıqlanım mən gərək,
Bilmədiyim, dəymədiyim
Bir bədənin cəsədinə
qucaqlanım mən gərək...
Mən razıyam, andım haqqı,
Dünyanı mən düzəldim, bəs,
Kim saxlasın gedənləri?
Kaş deyəydin, heyhat, mənə
Öləmişdən sevməliydim ölənləri...
həyatın mənasızlığı bir gün indi baş verənlərdən də yaxşı şeylər baş verəcək və mən yenə də hiss etməyəcəm. həmişə səbəbin şüur olduğunu düşünürdüm, amma qərar verdim ki, şüur yox, yaddaşdır. yaddaşımız silinsə, nitqi, hissləri unutsaq, təbiətdə xoşbəxt ola bilərik.
mohsen yeganeh Vokalist, gitarist, birçoxşeyist olan fars sənətkar. Çox güclü olmasa da, qəşəng səsi var. Mahnıları və səsi qədər özü də qəşəng olduğu üçün kütləvi şəkildə əriyirik.
Xüsusilə behet ghol midam canlı ifa dinləyə bilərsiniz.
milli sırlar dünya-sını çəkək kampaniyası bu sifarişi verən: idman dərsində qızlarla voleybol oynayan qaqaş yüz faiz baş rollarda Allahşükürlə hacı şahin olacaq, hər epizodda görəcəyik onları. hacı şahində balaca məhəllədə, nə bilim az insanın getdiyi məsciddə ibrətamiz söhbətlər edən və fanat kütləsi əsasən gənc oğlanlar olan cavan dindar kişi obrazı var, hansı ki bu yaşına baxmayaraq çox bilir, hamı hörmət edir, üzündən də nur yağır (beşinci boyut salehin local versiyası da ola bilər). allahşükür isə dəfələrlə həccə getmiş, amma özlüyündə pis insan. arvad uşağını saymır, təzə, daha cavan arvad alıb (amma arvad yenə də buna hörmət edib ərimdi deyə sayır), bütün gün özünə pul xərcləyir, xeyriyyə ilə məşğul olmur, kimsə söz deyən kimi də deyir bəs zilyon dəfə həccə getmişəm, aşurada qan çıxartmışam, məhərrəmlikdə üzüm gülməyib. bir dəfə dilənçi uşaq yaxınlaşır buna, pul istəyir, deyir anam xəstədi zad, bu da uşağı təpiklə itələyir, bunu da saleh v.2 görür, gəlir mübahisə eləməyə, amma görəsiz, elə təmkinli, elə səbrli, adam az qalır yesin bunu. allahşükür də bir kəlmə sözünü kəsmədən buna qulaq asır, qaşlar düyünlənir, səhvini görən və pərt olan insan sifəti alır. sonra saleh bu uşağın əlindən tutub "batabat" kafesinə aparıb kabab zad yedirir. təzə paltar, ərzaq zad alıb evinə göndərir (təbii ki cibində pul ilə). səhəri gün eşidilir ki bəs hacını paralic vurub, arvad buna baxmır, bütün pulunu götürüb qaçıb, indi əvvəlki arvadı altına qab gətirir. saleh həmin uşaqla gəlir bunu yanına, dodaqlarını yüngülcə sıxıb başlarını çox az sallayaraq yerə baxırlar, bu dəm hacının sağ gözündən bir damla yaş qulağına doğru süzülür, orda da bitir epizod. amma ən soz sözsüz ki, bunun o uşağı təpikləməyi, əvvəlki arvadına pis davranmağı flash back ikə göstərilir.
ideyanın həyata keçirilməsi üçün tək ümidim zahir nurəliyevdir (tanımayanlar üçün: qızıl açar şirkətinin bilmirəm nə zadı, son aylar ibrətamiz videoları ilə gündəmə gəlir)
azad iqtisadi zona bu sifarişi verən: hechliyin_menasi
mallara/xidmətlərə güzəştli şərtlərlə vergi və ya rüsumların tətbiq edildiyi (bəzən heç tətbiq edilmədiyi) xüsusi ərazilər. free zone olaraq da bilinir. azərbaycanda ələtdə yaradılıb belə bir zona. bu baxımdan ən məşhur ölkə BƏƏ-dir.
işə yarayan internet saytları urbandictionary.com
bir sözün/ifadənin həm ədəbi, həm jarqonikada olan mənasını tapa biləcəyiniz sayt. cambridge kimi lüğətlərdə çıxmayan ifadələr də burada çıxır çox vaxt (xüsusilə tərkibində off/up kimi sözlərin olduğu ifadələr). jarqon ifadələri, söyüşləri isə deməyə ehtiyac yoxdur.
çirkin insan psixologiyası bu sifarişi verən: LoserBoy
pəəhhh. ürək dolusu yazıla biləcək mövzu.
əvvəla onu qeyd edim ki, ola bilsin hamıda eyni düşüncə hakim olmur. amma qəbul etmək və etməmək prosesləri hamıda baş verir. yəni çirkin olduğunuzu dərk edib bunu qəbul edirsiniz və bununla yaşamağa öyrəşirsiniz, amma həm də "niyə də ala?" sualını verirsiniz tez-tez.
insan çirkin olduğuna inanırsa (çirkindirsə yox, buna inanırsa) elə bilir hamı ona baxıb lağ edir. yanından kimsə keçəndə gülürsə, elə bilir ki, ona gülür. hamı onu işarə edib onun çirkinliyindən danışır (anxiety yolu görünür bu halda). və ya gözəl həmcins görəndə elə bilir ki, öz varlığı mənasızdır. heç kəsə girişməz. ona girişənləri də ciddiyə almaz. belə zərərsiz bir varlıqdır çirkin insan (guya).
yazarların ən pis pərt olduğu an Bir dəfə 4-5 nəfər tanışla yemək yeyirdik kafedə. Aralarında bir oğlanın bir qızdan (qızla mən yaxın sayılırdıq) xoşu gəlirdi. Oturandan ancaq bunla danışırdı. Arada nə danışıblar bilmirəm, qız gülə-gülə qayıtdı ki, onu gopçudan soruş. Mən də qanmadan bunlara qoşulub güldüm, oğlan birdən sual verdi mənə, mən də üzümdə şok ifadəsi ilə baxıram ki, bu mənə niyə belə şəxsi sual verir? Amma yandırmadım, başladım izah eləməyə. Bir neçə dəqiqə dayanmadan danışdım, qaqaş da sağ olsun, kəsmədi sözümü. Və mən susanda başa düşdüm ki, sual yanımdakı qıza ünvanlanıbmış, eyni tərəfdə oturmuşuq deyə elə bildim mənə deyir. Səhv başa düşməyimə yox, özüm barədə o boyda məlumatı bir qrup insana verməyimə yanıram. Adam heç olmasa soruşar ki “nəyinə lazımdır?”
1 2 3 4 5 6 7 8 9 10 11 12 13 14 15 16 17 18 19 20