gənclərin işləyə bilməməsi

işəgötürənlərin absurd tələblərini qarşılaya bilməyən gəncin yaşadıqları.dil biliyi və ya hər hansı texniki biliyin tələb olunması anlaşılandır çünki öyrənmək namizədin özündən asılıdır, amma təcrübəm yoxdur deyə məni işə götürmürsənsə mən bu ... təcrübəsini hardan qazanacam? bir də yalnız qadın namizəd axtaranlar var ki, eyni işi əslində kişi də görə bilər. əksər elanlarda belə absurd tələblər var.çox məntiqli görünənlər də təhlükəli ola bilər. 18-li yaşlarda iş elanlarına baxanda bir elan tapmışdım.elanda saydığım absurd tələblərdən heç biri yox idi.sevinə-sevinə iş görüşünə getdim qaqaş bariqa çıxdı.təkliflərini gülərüzlə okeyləyib fürsət tapan kimi tüydüm ordan. nəysə,uzun sözün qısası bu döngüdən çıxıb legal bir iş tapmaq üçün təcrübə kriteriyasını qarşılamaq lazımdır.

həyatın ən gözəl illərini bərbad keçirmək

gəncsən, enerjin boldur, qarşında uzun bir yol var.səhər oyanırsan və indiyə qədər hiss etmədiyin ağrılar başlayır.fikir vermirsən.bir gün, iki gün, üç gün, dözə bilmirsən.
həkimdəsən.başını qaldıra bilmirsən.həkimdən çıxdın.
bravo.yüz min nəfərdən yalnız 8 nəfərdə görülən bir xəstəliyin var.üstəlik müalicəsi də yoxdur.
tavana baxaraq fikirləşirsən : niyə mən? niyə hər şeyin yaxşıya doğru getdiyi anda?
mən də hamı kimi idim axı.
günbatımına az qalıb.artıq tez-tez ziyarət etdiyin qəsəbə qəbirstanlığına gəlmisən yenə.təsadüfi bir istiqamətdə irəliləyib məzarların üstünü oxuyursan.3 yaş, 17 yaş, 61 yaş.hamısının arzuları var idi eynən sənin kimi.
artıq taleyinlə barışırsan.həyatının ən gözəl illərini bərbad bir şəkildə keçirərək arzularından imtina edib sadəcə hər şeyin tez bitməsini istəyirsən.

gələcəkdəki özünə məktub

zürafə olmaq asan deyil. yadındadırsa gündə 3 ağrıkəsici vururdun.perspektivli işin olsa da gələcəkdə maksimum yataq xəstəsi olacağını düşünürdün.artıq iflic olmusan yoxsa səyyah?bəlkə elə bir vəziyyətdəsən ki,ağlından bu profilə girib köhnə entrilərə baxmaq keçir amma barmağını belə tərpədə bilmirsən.bəlkə də istədiyin kimi kiçik bir evin,bir motosikletin var və hər ay fərqli bir ölkəyə səyahət edirsən.yanında da başqa bir zürafə.məncə yox!çünki sən başqa bir zürafəni də özün kimi bədbəxt etmək istəmirdin. hər gün onlarla bölüm izlədiyin cinayət işlərində tanış bir struktur var idi.cinayət edən insanların əksəriyyəti cəmiyyət tərəfindən dışlanmış hiss edirdi.onlar da özlərini bədbəxt hiss edib bunun hirsini kimdənsə çıxmağa çalışdılar.sən isə bugün özünün fərqinə vardın.əsla bu dünyanı daha pis hala gətirmə zürafə! sən bu savannanı təhvil aldığından daha yaxşı vəziyyətdə təslim etməlisən. arzuladığın şeylərin əksəriyyəti alınmırdı deyə "arzu" ifadəsini işlətməkdən belə çəkinirdin.buna görə də hər şeydən asanlıqla imtina edib xəyal qurmaqdan da qorxurdun.ümid edirəm artıq qorxmursan.

sözaltı günlük

sürünə sürünə yatağımdan çıxdım. gecə yazdığım mətnlər masanın üzərində açıq qalıb.görməsinlər deyə bağladım. nəsə etməliyəm yoxsa bu rutinin axırı yaxşı deyil. hazırlaşıb şəhərə çıxdım.hamı yenə diqqətlə mənə baxır.Fridays kuponunu bugün istifadə edib nəsə yeməliyəm.Dəniz Mall'un 5-ci mərtəbəsində imiş. Burger bitdi,friesı bitirmək olmur. yoruldum.evə qayıtmalıyam.mall'dan çıxdım.hamı yenə diqqətlə mənə baxır.spotify,offline playlist,imagine dragons.içərişəhər küçələrində labirintçilik oynayıram."tarqovaya" küçəsindən səhər yanmış binanın qoxusu hələ də gəlir.evə çatıram.hamı yenə diqqətlə mənə baxır.

rusiya dağılacaq

təxmini keçən il ərəfələrində məşhur olan bir şəxsin (şərti adı : z.p.) açdığı başlıq.Z.P.-nin proqnozlarına görə yaxın zamanda (iddialar keçən ilə aiddir) sabiq Birləşmiş Ştatlar prezidenti Joe Biden və cari Türkiyə Respublikası prezidenti Rəcəb Tayib Ərdoğan digər ölkə prezidentləri ilə tərəfdaşlıq edərək Rusiya Federasiyasının prezidenti Vladimir Putinin bacısına şiddət göstərəcəklər.Proqnozda mümkün fəaliyyət hallarında Rusiya Federasiyasında yaşayan azərbaycanlıların da mənliyinin təhlükədə olduğu bildirilir.Belə bir halda onlara kömək edə bilməyəcəyini bildirən Z.P. Rusiya Federasiyasında yaşayan azərbaycanlılara ölkəyə qayıtmalarını məsləhət görüb.

sözlük yazarlarının arzuları

düşündüm.telefonu söndürüb kənara qoydum və çoxlu düşündüm.gördüm ki, heç bir arzum yoxdur.bu qədər də boş adam imişəm. bir vaxtlar uşaq ikən hərbçi olmaq istəyirdim,başqa ixtisas oxudum,liseyi bitirdim,unidə tamam fərqli ixtisas oxudum,amma nəticədə nə hərbçi oldum nə də digər qazandığım ixtisasları icra etdim.bəlkə arzu iş demək deyil? Azərbaycanın bölgələrini gəzməyə başladım.səyahət çox maraqlı idi.bir gün Şuşadan qayıdanda gecə e60 magistralında avtobusun pəncərəsinə başımı qoyub zülmətə gözümü dikdim.bütün Azərbaycanı gəzsəm nə olacaq? dünyanı gəzəcəm.dünyanı gəzsəm nə olacaq? heç vaxt dünyanın hər bir qarışını tam gəzə bilmərəm.onda səyahətin nə mənası var heç bitməyəcəksə? soyuducuya qoyduğum su butulkalarını çıxarıb 5litrlik plastik qablara doldurdum.butulkaların başlığını kəsib 7-8 ədəd su qabı düzəltdim.əvvəlcə təin etdiyim marşrut üzrə irəliləməyə başladım.istidən avtomobillərin altında yatmış heyvanların yanına qoydum qabları.kənarda durub su içməklərinə baxdım.qablar bitdi,su bitdi,heyvanlarsa bitmədi.bu qədər əziyyətin nə mənası var hər bir heyvana çata bilməyəcəmsə? dolabımı açıb solğun paltarlarımı geyindim.bir saat sonra bağlanacaq kitab mağazasına getdim.son 7 manatımı rəfdə gördüyüm bir kitaba verdim.oxudum,bitdi,növbətini aldım,oxudum, bitdi.masam artıq dolu idi.həqiqəti isə hələ də bilmirdim.oxumağın nə mənası var əsla həqiqəti öyrənə bilməyəcəmsə? bəlkə də,buna görə hər şeydən imtina edə bilirəm.çünki insan dünyaya bağlanar arzularının sonu gəlməyəcəksə.

yalnızlıq

balanslı şəkildə olduqda insanı bərpa edən şey. insanın sosial varlıq olması artıq sübut olunmuş bir şeydir.mən də yalnızlığı sevirəm amma tək yaşadığın evdən hər səhər çıxıb tək çalışdığın iş yerinə ən azı bir həftə getdikdən sonra (və insanlardan maksimum dərəcədə izolyasiya olunduqdan sonra) bunun psixologiyana mənfi təsir etdiyini açıq aydın görürsən. bəzən insanlara baxıb bunlar necə də tək qalmaqdan qorxur deyirdim ,amma indi görürəm ki, ən azından 3-5 nəfər yaxının olmalıdır.deyəsən mən də artıq tək qalmaqdan qorxuram. hər iki həyatı yoxlayıb ehtiyac duyduğun insan sayını müəyyən edib həyatına davam et.denge hayat kurtarır

sözaltı günlük

tərəzinin birinci gözündə valideynlərimin sayəsində mənə əlçatan olan şeylər (təməl ehtiyaclar) ikinci gözündə mənə əlçatmaz olan şeylər var. atam sayəsində başımın üzərində bir dam var,qardaşım sayəsində soyuducu həmişə dolu olur,anamın sayəsində paltarlarım ütülənir yemək bişirilir mənə qulluq edilir. atam mənim dərmanlarımın pulun verir amma xəstə olmağımın səbəbi valideynərimin geni deyilmi?anam mənə qulluq edir amma vaxtilə mənə boş səbəblərdən psixoloji və fiziki şiddət göstərməyibmi?analıq təkcə qulluq etməkləmi olur? onlar yəqin ki öz aldıqları tərbiyə ilə məni böyütməyə çalışıblar.bu halda bəlkə mən nankor övlad oluram?içimdə onlara qarşı kin olmasa da hər problemin kökündə onların olması məni yorur. əslində boş yerə onları qınayıram.onlar gördükləri tərbiyəni verdilər,görmədikləri sevgini maddi olaraq verməyə çalışdılar.mən onların şəraitində olsaydım bəlkə də daha pis valideyn olardım. yenə də çətindir.nə qədər anlasam da onları artıq tək qalmaq istəyirəm.boş şey üstündə övladını döyüb bir saat sonra başını sığallayan ana övladında bağlanma problemi yaradır.7 yaşında məruz qalınan şey 35 yaşında belə insanı geri çəkilməyə vadar edir. tək yaşayacam,nankor övlad olmayacam,nəslin bu zəif halqasını davam etdirməyəcəm.