reyn


79   0   0   0
reyn 4.nəsil yazar
reytinq xalı: 1673
karma xalı:401
entry sayı:79
izləyənlər:38
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
Sadəcə 1 şans varmış, sözlük.

haggard simfonik metal dedikdə ilk xatırlanılan qruplardan biri. Əfsanədirlər.
Dinləyərkən qəribə, xoş təəssüratlar yaradır insanda. Məsələn özünüzü hər hansı bir salnamənin tam mərkəzində, bütün hadisələrin ətrafında cərəyan etdiyi bir obraz kimi düşünə bilirsiniz. Bunun səbəbi haggard mahnılarında duyulan klassik musiqi, orta əsrlər havası və simfonik metalın qarışımıdır.

Qrupu asis nasseri olmadan təsəvvür etmək absurddur. haggardın qurucusu, əsas vokalisti və gitaristi odur və demək olar ki, bütün haggard mahnıları asis nasseri tərəfindən yazılıb bəstələnir. Tarixə və klassik musiqiyə olan marağını da bu parçalarla büruzə verir.

Qrup 1992-ci ilə kimi death metal, 1992-ci ildən başlayaraq isə simfonik metal oxuyur.

Haqlarında canlı yayımda playback iddiaları da çıxmışdı bir ara. 2017-ci ildə Türkiyəyə gəlmişdilər. Konserti canlı dinləmək şansı olan bir tanışımın dediyinə görə, canlı ifaları çox daha möhtəşəmdir.


Awaking the centuries qrupa daha çox məşhurluq qazandıran albomdur. Bu alboma kimi qrupun 21, bu albomdan sonra isə 16 üzvü fəaliyyət göstərir. Bu da albomla eyni adı daşıyan əjdaha  parça:
(youtube: )


Daha çox herr mannelig, per aspera ad astra, eppur si mouve kimi parçalarla  tanınsalar da;

Of e might divine:
(youtube: )


Upon fallen autumn leaves:
(youtube: )


in a pale moon´s shadow:
(youtube: )


Kimi underrated parçaları da var.
musiqi dinləyərkən yuxuya getmək Bəzən insana yuxudan oyandıqdan sonra əvəzolunmaz hislər yaşadan, doyunca gülümsədən, yenidən yatmaq istəyi yaradan hadisə. *

2015-ci ildən bəri Yalnızca shine on you crazy diamond dinləyərkən  başıma gəlir.
Bu zaman Normalda gördüyüm xoşagəlməz yuxulardan fərqli olaraq, sadəcə pink floydla əlaqədar yuxular görürəm; 1970-ci illərdə ən öndən konsertlərini izləyirəm, bərabər turnirə çıxırıq, canlı-canlı david gilmour soloları, hətta bir dəfə yeni ilin gəlişini qeyd etdiyimiz gün roger waters mənə ithafən wish you were here ifa edirdi. *

Sözümün canı, zaman və məkan ünsürlərini göz önündə saxlasaq, bu yuxular hər zaman iyrənc, qorxuducu və narahatedici olmur.
Xülasə, Musiqi dinləyərkən yuxuya getmək və həmin zaman gördüyümüz yuxular candır, can.
Eynilə bunun kimi:
(youtube: )
sergei rachmaninoff "Son romantik rus bəstəkar"  olaraq tanınan, sergei prokofiev, dmitri Shostakovich, mikael tariverdiev kimi 20-ci əsr  əfsanələrindən biri.
tatar əsilli, virtuoz rus bəstəkar, pianoçu, dirijor.

Ciddi siması, xarizmatik duruşu və xaraktercə həssaslığı ilə könülləri fəth etmişdir,  əlavə olaraq bunu da qeyd edim ki, klassik musiqi tarixində ən böyük əllərə sahib olan sənətkarlardan biri kimi də tanınır.


1873-cü ildə rusiyanın Novgorod  şəhəri yaxınlığında doğulub.   Kiçik yaşlarından musiqi ilə maraqlanıb və musiqi təhsili alıb. 1917-ci ildə rusiyada baş verən "oktyabr inqilabı"ndan sonra ailəsi ilə birlikdə Rusiyanı tərk etmiş və ömrünün sonuna kimi abş'da yaşamışdır.


Haqqında the harvest of sorrow adlı sənədli film vardır:
(youtube: )


Keçək əsas mətləbə.

Şahəsəri  olaraq tanınan no.2 concertosu:
(youtube: )


David helfgottun həyatından bəhs edən 1996-cı ildə yayımlanan shine filminin soundtrack'lərindən biri neçəsi də  müəllimə  aidddir:
(youtube: )

(youtube: )




Dinləyəndə insanın içində qığılcımlar yaradan ən gözəl rachmaninoff  bəstələrindən biri olan paqanini mövzusunda rapsodiya:
(youtube: )




Həmçinin, müəllim bir sıra operalar, sonatalar, simfoniyalar da müəllifidir.
aleksandr puşkinin "The Gypsies" poeması əsasında 19 yaşında olarkən  17 günə bəstələdiyi Aleko operası:
(youtube: )



Bu da Yağışlı, küləkli, soyuq havalarda dinlənilməsi  başqa bir zövq verən  və  Antonina Nezhdanovaya həsr olunmuş bir digər möhtəşəm əsəri:
(youtube: )



Və dinlədikcə insanın içərisində dərin boşluq yaradan əsərlərindən bir neçəsi daha:
(youtube: )

(youtube: )

(youtube: )

(youtube: )




Sözümün canı, Dinləyin, dinlətdirin.
herr mannelig isveç balladası.

Günlərin bir günü orta əsrlərdə dişi bir dağ trollu gənc, yaraşıqlı cəngavər olan mannelig'ə aşiq olur. Və bir sabah günəş doğmadan, quşlar oxumağa başlamazdan əvvəl  dişi dağ trollu "herr* mannelig" deyə həmin cəngavərə xitab edir:
Herr Mannelig, herr Mannelig trolofven i mig
För det jag bjuder så gerna
I kunnen väl svara endast ja eller nej
Om i viljen eller ej
*
Evlilik təklifindən sonra isə, dişi troll mannelig'ə  onunla evlənərsə, cəngavərə on iki dəyirman,  qızıl üzükdən qılınc  və ipək bir köynək  bəxş edəcəyini söyləyir.  Çünki mannelig trollun təklifini qəbul edərsə, troll sonsuza qədər insana çevriləcək. Mannelig isə trollu dinlədikdən sonra təklifini xristian olmadığı üçün rədd edir. Dişi dağ trollu ağlayaraq öz mağarasına qaçır, aylarla fəryad edərək ağlayır, quşlar, ağaclar yanına gəlir, onunla bərabər ağlayır, onu sakitləşdirməyə çalışırlar, lakin  troll sonsuza qədər ağlamağa davam edir..

Ballada'nın isveçcə və ən məşhur olan garmarna versiyası:
(youtube: )


Bu da  haggardın ifasında bir başqa gözəl olan italyanca  versiyası:
(youtube: )


Bundan əlavə:
Belarusca olan litvintroll versiyası da var:
(youtube: )


Yenidən isveçcə olan in extremo versiyası:
(youtube: )


Və Rusca olan chur versiyası:
(youtube: )


Və sairə deyə uzana bilir bu list. Bir çox qrup tərəfindən coverlanan bir parçadır çünki.

Sözümün canı, möhtəşəmdir bu parça.
piano Musiqinin olmazsa olmaz'ı, ən əjdaha çalğı alətlərindən biri.

ilki Bartolomeo Cristofori tərəfindən italiyada ixtira edilib. Olduqca sadə dizaynı olan bu pianoların dempferi və pedalları olmayıb.


https://imgur.com/a/vclWr3H
Ən bahalı növü də  şəkildə gördüyümüz crystal piano'dur.  Dəyəri 3,2 milyon dollardır.
Adını şəffaflığına görə deyil, əsl kristaldan hazırlandığı üçün qazanıb. kanada piano şirkəti olan heintzman tərəfindən hazırlanıb və 2008-ci ildə pekin olimpia oyunlarında ilk və son dəfə bu pianodan istifadə olunub:
(youtube: )


Daha sonra da anonim bir müştəri tərəfindən  yuxarıda qeyd etdiyim kimi 3,2 milyon dollara alınıb.


Bundan əlavə  galaxy piano, steinway grand, The Casablanca Piano kimi bahalı növləri də var:
https://moneyinc.com/10-expensive-pianos-world


Pianonun materialları hidroskopik olduğundan nəmi  asanlıqla özünə çəkir.  Bu səbəbə, Temperaturun dəyişməsi pianoda əks olunan səsin keyfiyyətinə təsir  edə bilir. Onu  rütubət təhlükəsindən qorumaq üçün pianoya yer seçərkən diqqətli olmaq lazımdır.  Ümumiyyətlə,  pianonu qapı və pəncərə kənarlarında yerləşdirmək düzgün deyil.
Sözümün canı, bütün bunlar pianonun səs tembrinin dəyişməsinə gətirib çıxara bilər.

Ayrıca olaraq bunu da qeyd edim ki, bəzi "modern" həmyerlilərimizin " evi yaraşıqdan salır" deyə   ya bir küncə atıb, üstünə parça örtdüyü, ya da tamamilə toz-torpaq içində saxladığı musiqi alətidir piano. hətta Üzərinə  yapışqanlı şəkillər yapışdıranlar belə var.
Gerçəkçi olaq ki, piano Qiymətindən dolayı əldə edilməsi qəliz bir instrumentaldır. Dəfələrlə belə insanların var olduğunu gördükdən sonra Qavramaqda çətinlik çəkirəm ki, ən böyük xəyalı bir pianoya sahib olmaq olan insanlar varkən, piano nə səbəbə belə insanların evində olur. Anyway.

Dinləyin bu gözəlliyi:

(youtube: )

(youtube: )

(youtube: )

(youtube: )

(youtube: )


(youtube: )

Meditasiya. *


ətraflı məlumat üçün göz ata bilərsiniz:
https://www.uselessdaily.com/world/piano-trivia-34-amazing-facts-and-trivia-about-this-magical-instrument/amp/
dmitri shostakovich Rusiyalı Bəstəkar, pianoçu.

20-ci əsrin ən görkəmli musiqiçilərindən biri olsa da, kommunist diktaturasının məhdudiyyətləri altında həyatını yaşayıb. Və müəllim bu çətinliklərə baxmayaraq,  möcüzələr yaradıb, Xoşbəxtliyə xoşbəxtlik, yalnızlığa yalnızlıq qatıb möhtəşəm əsərləri ilə.

(youtube: )
  
eyes wide shut filmindən bir çox insanın qulağına aşinadır bu parçası.
insanın  sanki Dopamin hormonu artır dinləyəndə. Waltz.2'ni dinləyərkən qanad açıb uçmağı diləyirsən, gözlərini yumub, dirijorluq edirsən.  *



(youtube: )

ikinci Dünya Müharibəsi zamanı SSRi-yə hücum edən Alman Orduları'na qarşı xalqın mübarizəsini mövzu alan 7. Symphony ( leningrad)  döyüşün ən şiddətli günlərində dinlənilib, böyük bir coşğuyla qarşılanmış bir parçadır. Simfoniya 1 saat 24  dəqiqə davam edir. o qədər axıcı və möhtəşəmdir ki, bu dəqiqələr hardan gəlir, hara gedir məlum deyil.


(youtube: )

Əsərləri içərisində bariz melanxoliya nümunəsidir sanki bu əsər. Fərqli duyğuları xarakterizə edir özündə. Yalnızlığın dibinə vuranda da "betər ol" deyir *

Daha nələr-nələr:
(youtube: )

(youtube: )

(youtube: )

(youtube: )



Və bəlkə də, sadəcə bu:
(youtube: )



Editləmək lazımdır.
hüseyn cavid Azərbaycan ədəbiyyatında mənzum faciənin banisi, romantik cərəyanın öncüllərindən biri olan dramaturq.

1882-ci ildə, Oktyabr ayında doğulmuşdur. Yalnız özü deyil, iki uşağı da bu ayda doğulduğu üçün ədəbiyyatşünaslar tərəfindən çox vaxt oktyabr ayına "cavidlər ayı"deyilir.

Əslən naxçıvanlı olan cavid bir müddət təbrizdə yaşamış, sonra təhsilini davam etdirmək üçün türkiyəyə getmiş və istanbul universitetində təhsil almışdır.
Əsərlərində bir çox türk sözlərindən istifadə etməsinin də səbəbi budur məhz. Cavid oxucularının ən böyük problemi və gileyi bu türk ifadələrinin bolluğu olsa belə, əsərlərinə xüsusi bir aura qatdığını da inkar etmək ədalətli deyil, zənnimcə.


Yaradıcılığa lirik növlə, yəni şeir* yazmaqla başlayıb, bir müddət epik növdə* yazdıqdan sonra, daha çox dramatik növdə qələmini sınayıb. Sınamaq da nə sınamaq, sözlük.. Yaradıb konkret.
Dramatik növdə bir-birinin ardınca yazdığı əsərlərlə Azərbaycan romantik ədəbiyyatında Mənzum faciənin banisi sayılır.
Sözlük, bunu da qeyd etmək istəyirəm ki, hüseyn cavid mənzum dramın banisi deyil. Mənzum dramın banisi Cəlil məmmədquluzadədir. *.
ilk yazdığı dram əsəri ana pyesidir.
Ondan sonra maral, şeyx sənan, şeyda, iblis, uçurum, afət, peyğəmbər*, topal Teymur, knyaz, səyavuş, xəyyam, iblisin intiqamı pyeslərini yazmışdır.
iblisin intiqamı pyesindən savayı Hər pyesin ayrıca süjet xətti, mövzusu olub, həmçinin hər pyesdə xüsusi toxunulan bir məsələ olub.  Məsələn, uçurum pyesində süni avropalaşmanın təsirlərindən, iblis pyesində nəfsin səbəb olduğu  fəlakətlərdən, xəyyam pyesində sənətkar və cəmiyyət arasındakı ziddiyyətlərdən bəhs edib.


Sovet höküməti qurulandan sonra hüseyn cavid pedaqoji fəaliyyətlə məşğul olmuş,  bakıda  "Hüseyn cavid axşamı" təşkil olunmuş, 1920-ci illərin ortalarında müalicə olunmaq üçün almaniyaya göndərilmiş, onun üçün fərdi təqaüd müəyyən olunmuşdur. 
Ayrıca Yeganə avtobioqrafik məzmun daşıyan azər poemasını da almaniyada müalicə olunarkən yazmış, poemanın əsas surəti olan azərin timsalında öz prototipini yaratmışdır.

Repressiya illərində həbs olunmuş, 8 il həbsə məhkum edilmişdir. 1938-1940-cı illərdə Maqadan şəhərində həbsdə olmuş, 1941-ci ildə də sibirdə yerləşən şevçenko qəsəbəsində həbsdə olduğu zaman vəfat etmişdir.

Ölümündən 15 il sonra cavid'ə bəraət verilmiş, 80-ci illərdə cənazəsi sibirdən azərbaycana gətirilmişdir.

Cavid'in 1995-ci ildə Bakıda, 1996-cı ildə Naxçıvanda ev-muzeyi yaradılmışdır. Bakıdakı ev-muzeyinin binası da hacı zeynalabdin tağıyevin tikdirdiyi qız məktəbinin binasıdır, səhv etmirəmsə.



Entry'ni də yaradıcılığının kulminasiyası olan iblis  pyesindəki iblis obrazının monoloqu  ilə sonlandıraq:
"Sellər kimi axmaqda qızıl qan,
Canlar yaxar, evlər yıxar insan..."
livoniya müharibəsi Bu sifarişi verən: adsız dəyirmandaki xoruz


dünya tarixində heç vaxt unuda bilmədiyim müharibələrdən biri. abituriyent olduğum zamanlar hazırlıq müəllimimin nömrəsi ilə yaddaşıma həkk olunmuşdu bu müharibə. *

livoniya müharibəsi 1558-1583-cü illəri əhatə edən və rusiyanın öz məqsədinə nail ola bilmədiyi müharibədir.

müharibənin başlanmasına səbəb rusiyanın işğalçılıq planları olmuşdu. rusiya yeni ərazilər ələ keçirmək və daha da qüvvətlənmək üçüb baltikyanı ərazilərə yiyələnmək istəyirdi, həmin ərazilərin ələ keçirilməsində böyük maneə livoniya ordeni idi. nəticədə 1558-ci ildə rusiya ilə livoniya ordeni arasında müharibə başlayır və elə müharibənin başlanğıcında livoniya ordeninin varlığına son qoyulur.

livoniya ordeninin ərazisini bölüşdürmək üçün rusiya, litva, polşaisveç arasında müharibə başlayır.
bir sıra məğlubiyyətlərdən və reç pospolitanın yaranmasından sonra rusiyanın vəziyyəti daha da ağırlaşır və bundan qaynaqlanaraq 1582-ci ildə rusiya reç pospolita, 1583-cü ildə isveçlə müqavilə imzalamağa məcbur olur. nəticədə rusiyanın ələ keçirmək istədiyi ərazi isveçə verilir, livoniya müharibəsireç pospolitanın qələbəsi ilə başa çatır.
lunatizm william shakespeare deyir ki, onun gözləri açıqdır, amma duyğuları bağlıdır..
lunatizm də onun dediyi sözü xatırladır insana, sözlük.

lunatizm Yuxu halında olarkən gəzmək problemidir*
Elmi terminologiyada qarşılığı somnambulizmdir.


Lunatizmə  daha çox 6-12 yaşlı uşaqlar arasında rast gəlinir, irsi faktorlarla bağlı olmadığı müddətcə isə böyüdükcə  bu problem ortadan qalxır.
Ümumilikdə isə, yalnızca uşaqlar arasında rast gəlinən bir xəstəlik deyil lunatizm. Gənclər, yetişkinlər, qocalar-bir sözlə, hər yaşda insan bir lunatik ola bilər.

Həkimlərin proqnozlarına əsasən lunatizm epilepsiya xəstələrində Və psixoloji problemləri olan, daha çox stress keçirən insanlarda  özünü göstərir. Bundan əlavə, ürək xəstəliyi olan insanlarda da side effect olaraq özünü büruzə verir.

Yuxuda gəzən zaman insan beyninin bir qismi yuxu halında, digər bir qismi isə  oyaq halda olduğundan, lunatiklər oyandıqdan sonra  yuxuda gəzən zaman etdikləri şeyləri xatırlamırlar. Misal olaraq:  bir lunatik gecə vaxtı anidən oyanıb yerindəcə otura bilər, qapını açıb küçəyə çıxa bilər, yemək yeyə bilər, maşın sürə bilər, hətta cinsi əlaqəyə belə girə bilər. Nəticədə isə, yuxudan oyandıqdan sonra bunların heç birini xatırlamayacaqdır. Yuxuda gəzmə prosesi isə minimum 1, maximum isə 30 dəqiqə kimi qəbul olunur.
Bunu da bildirim ki, lunatiklər yuxuda gəzən zaman şüursuz hərəkət etdikləri üçün cinayət törətsələr belə,  törətdikləri cinayətə görə müqəssir sayılmırlar.



Sözlük, bu entry'ni yazmağıma vəsilə olan,  bu gün mənə yenidən xatırladılan lunatizmlə bağlı yaddaşımda böyük bir iz buraxmış xatirəmi  də danışıb sonlandırım entry'ni:

Bir ara gecə vaxtı evimizdə boşqablar sınırdı.  Gecə vaxtı heç kim oyaq olmurdu deyə, ümumiyyətlə, mətbəxlə yataq otağı arasında xeyli məsafə olduğuna görə də oyananda otaqda heç kəs gözə dəymirdi. Bütün qapı və pəncərələr bağlı olduğundan, evdə boşqabın sınmağı xaricində bir problem olmadığından oğru olma ehtimalına elə də önəm vermirdik, düzünü desəm. Təbii ki, pişik ünsürünü də düşünmüşdük, lakin pişiyin üstündəki şübhələr də qısa zamanda  yox olmuşdu, çünki pişik şkafı açıb, boşqabları sındıra bilməzdi. Nəysə, sözümün canı, bu proses hardasa 3-4 dəfə təkrarlandı, gecənin müxtəlif saatlarında evdə 2-3 boşqab sınırdı. Axır nəticəyə gəlindi ki, gecə kimsə oyaq qalsın və bütün gecə nə baş verdiyini görsün.

Beləliklə, bir gecə qardaşım oyaq qalır və səbirsizliklə nə baş verəcəyini gözləyir. Gözləyir.. Gözləyir..  Təxminən gecə 4-5 radələrində mənim yuxudan oyandığımı və mətbəxə tərəf getdiyimi görür. Neçə dəfə çağırsa da, cavab ala bilmir. Sakitcə məni izləyir, arxamca gəldikdən sonra görür ki, şkafı açıb 2 boşqabı atdım yerə.  Məni çağırır və mən yenə ona cavab vermirəm. Boşqabı yerə atdıqdan sonra da heç nə olmamış kimi gözübağlı şəkildə otağıma gedib, yenidən yatıram.

lunatizmlə belə tragedik bir tanışlığım olmuşdu yəni, sözlük. Hələ evdə yaranan situasiyanı demirəm sənə. *

Bir şeyi bildirməyi unutmuşam ki, lunatiklər yuxuda hərəkət etdikləri zaman onları səsləsəniz, ya səsinizi eşitməyəcəklər, ya da anlamsız və əlaqəsiz cavablarla qarşılaşacaqsınız.


Unutmadan bunu da bildirim ki, hələ ki, tibbdə lunatizmin Xüsusi bir  müalicəsi  yoxdur.

Burada daha geniş şəkildə izah edilir:
https://www.psychologytoday.com/us/conditions/sleepwalking


Entry'ni də pink floydun brain damage parçası ilə sonlandıraq*:
(youtube: )


Deyir, the lunatic is on the grass.. *
leonardo da vinci "gözəl keçən bir günün xoşbəxt bir yuxu gətirdiyi kimi, gözəl keçən bir ömür də xoşbəxt bir ölüm gətirir" ifadəsinin sahibi, renessans dövrünün ən məşhur nümayəndələrindən biri. Rəssam, musiqiçi, riyaziyyatçı, astronom, memar, yazıçı - bir sözlə, "universal insan"  ünvanına sonuna qədər layiq olan şəxs.

Leonardo'da frijit sindromu, asperger sindromu olduğu düşünülüb tarix boyunca.
anatomiya sahəsi ilə məşğul olarkən edam olunmuş insanların bədənini parçalara ayırıb, bütün günü həmin bədənlər üzərində çalışırmış. Ölümünə yaxın anatomiyaya aid çəkdiyi bütün rəsmləri bir kitab altında birləşdirmək istəyib, lakin bu istəyi gerçəkləşmədən 1519-cu ildə vəfat edib. Müəllim Öləndən sonra bir çox rəsm əsəri itkin düşüb. Həmin əsərlərin bir qismini yalnızca 1600-cü illərdən başlayaraq  tapmaq mümkün olmuşdur.

Şəkillərin bir qismi: https://www.art.com/gallery/id--a32178-b12262/leonardo-da-vinci-anatomy-poster

Daha ətraflı məlumat üçün:
https://www.history.com/topics/leonardo-da-vinci

Son olaraq:
Sözlük, müəllim eyni anda bir əli ilə rəsm çəkib, digəri ilə yazı yaza bilirmiş.* *
tantal əzabı Həsrəti çəkilən bir şeyin əldə edilə bilməməsindən duyulan ağır əzaba verilən ad.

Bəzən yazıçılar, şairlər öz əsərlərində sözlərin təsir gücünü artırmaq, fikri daha dolğun çatdırmaq üçün istifadə edirlər bu ifadədən. martin eden əsərində də rastlaşa bilərsiniz, hətta.

işlənmə tarixi isə, yunan mifologiyasında zeusun oğlu olan tantal ilə əlaqədardır.
Bir gün tantala cəza olaraq onu meyvələr ilə, su ilə bol bir məkana həbs edirlər və həmin meyvələrdən yemək, sudan içmək ona qadağan olunur. Nə qədər aclıq, susuzluq çəksə də, heç cürə həmin meyvələri yeyə bilmir, suyu içə bilmir. Və ömrünün sonuna qədər bu belə davam edir, sonsuz əzab çəkir.
Həmçinin "tantalize"* * sözünün mənşəyi də bu miflə qaynaqlıdır.
çay 1500-dən artıq növü olan və ilk dəfə çində kəşf olunan içki növü.


Dünyada iki adla - "tee"* ya da "chai" kimi tanınır. Bunun da səbəbi belə imiş:
Deməli, çinin quru sahəsində yaşayan əhali çaya "chai", dəniz olan sahəsində yaşayan əhali isə çaya "tee" deyirmiş. Bu səbəbdən də çin ilə ipək yolu vasitəsilə ticarət əlaqələri saxlayan ölkələrdə çay "chai", çin ilə   dəniz yolu vasitəsilə ticarət əlaqələri saxlayan ölkələrdə isə çay "tee" adlandırılıb. Beləliklə, şərqdə, mesopotomiyada "chai", ingiltərə, Hollandiya və s. avropa ölkələrində isə "tee" sözündən istifadə olunur.

Qaynaq:
https://qz.com/1176962/map-how-the-word-tea-spread-over-land-and-sea-to-conquer-the-world


Son olaraq:
james matthew barrie demişkən, indi bir macəra yaşamaq istəyirsiniz, yoxsa birinci çay içək? *
oqtay ağayev
(youtube: )

(youtube: )

(youtube: )

(youtube: )

(youtube: )

(youtube: )

Və sairə Kimi əjdaha mahnıları ifa edən və vaxtilə qədri bilinməyən azərbaycanlı əjdahaüstü*  müğənni. Səsindəki o xoş ahəng eyni zamanda həm hüzün, həm sevinc, həm Nostalgiya yaşadır insana. Son günlərdə rəngsiz həyatıma rəngarəng mahnıları ilə rəng qatır və ağlıma sadəcə bu fikri gətirir:
"Yaradıb  ee müəllim!"

Müəllim oxuyub... oxuyub, azərbaycan musiqisinə böyük töhfələr verib və qarşılığında nə mi olub?
sözün əsl mənasında ortada qalıb.
Qapıçılıq edib vaxtilə səhnədə solisti olduğu teatrın qapısında.

indi damla, pərviz bülbülə və s. Adını bilmədiyim onlarla müğənniciklərə* edilən hörmətlər ona edilsəydi mənəvi anlamda daha dəyərli hiss edərdi, ən azından daha xoşbəxt ayrılardı aramızdan.

Cəfər cabbarlı və indi adlarını xatırlamadığım bir çox əfsanə şəxsiyyət kimi o da ürək xəstəliyindən vəfat edib.


Son olaraq:
bu mahnı da tez-tez enrty'lərimi əjdahalayıb, məni düşüncələrə qərq edən sözlük oxuyucusuna gəlsin:
(youtube: )
*

Edit: Gəldi yenə *
pain of salvation hәr albomları bir-birindәn fәrqlәnәn isveçli progressive metal qrupu.
1991-ci ildәn p.o.s adını daşıyırlar. tәzәlikcә әvvәlki kimi mahnılar oxumadıqlarını düşünən bir çox dinləyicilərinə sözlərini yediriblər son albomlarında.

O deyil də mahnıların gözəlliyinə bax:
(youtube: )

(youtube: )

(youtube: )
ssg Bayaq
(youtube: )

mahnını dinləyərkən *   xatırladığım 1-ci nəsil əjdaha yazar.
*
illərdir hər sözlüyə girəndə "bu dəfə yazmış olsun.." arzusu ilə girirəm. Lakin No papa, müəllim nəinki yazır, hətta əvvəl yazdıqlarını da silir.
Entrylərini ilk oxuduğum gündən bəri həyatda necə biri olduğunu təsəvvür etməyə çalışmışam və yəqin ki, bundan sonrakı ömrümdə də bu proses təkrarlanacaq. Nəhayətində Hər dəfə bu prosesin sonunda uğursuzluğa düçar olmuşam, çünki müəllim "Anonim sözlük yazarı" ifadəsinin tam qarşılığıdır, şəksiz.
tahirsonun da dediyi kimi, bəlkə də, bu mistikasını saxlasa yaxşıdır.
1 2 3 4 5 6 7 8 9 10 11 12 13 14 15 16 17 18 19 20