lazımsız məlumatlar

Əslində keçmişdə gəlinliklərin rəngi ağ olsun deyə bir qayda qanun yox idi.
Qədim Romada gəlinliklər sarı rəngdə olurdu və gəlinlər sarı rəngli duvaq taxırmışlar. Evli və subay qadınlar başlarına taxdıqları duvaqla bir-birindən seçilirmiş. Orta əsrlərdə gəlinliyin rəngi vacib deyildi. Vacib olan keyfiyyət və xüsusi görünüşlü olması idi. Rəng isə gəlin nə istəyrisə o olurdu.

gəlinliklərdə ağ rəngin adət halına gəlməsi xvı əsrdən başladı. Həmin illərdə kral ailəsində gümüşü rəngli gəlinlik geyinilirmiş. Amma Kraliça Viktoriya ağ gəlinlik geyinməkdə israr edərək yeni ənənə başladır.

Artıq xvıı əsrdə ingilis və fransız yazarlar ağ rəngin mənası ilə bağlı müxtəlif yazılar yazmağa başlayırlar. Onlar ağ rəngin məsumluğu, saflığı filan simvolizə etdiyini deyirdilər.

xvıı əsrin adətlərinə görə, bakirəlik evlilik üçün vazkeçilməz qəbul edilir və ağ gəlinliyin ailə quran qızın təmizliyini simvolizə etdiyinə inanılırdı. Bir sözlə, həmin dövrdə ağ gəlinlik evlənən qızların bakirəliyini cəmiyyətə elan etməsi üçün simvol olaraq qəbul edilmişdi.

bir çox adətlərdə gəlinliklə bağlı batil inanclar da mövcuddur. Məsələn; qızların öz gəlinliklərini tikməsi * camaat qənaət eləməyə çalışır , toydan əvvəl bəyin gəlini gəlinlikdə görməsi, gəlinin toydan əvvəl gəlinlik geyinməsi kimi hərəkətlərin qurulacaq ailə üçün uğursuzluq gətirəcəyinə inanılır.

rənglərin dili

Başqa bir sözlə, rənglərin psixologiyası

Rəng – müəyyən uzunluğa malik dalğalı işıq qıcıqlandırıcılarının göz bəbəyinə düşməsi nəticəsində yaranan sensor təəssüratıdır * işıq spektri adlanan təxminən 180-780 nanometr diapazonunda elektromaqnit şüalanması . Oradan isə bu impulslar neyron şəbəkələr vasitəsi ilə beyinə ötürülür və rəng kimi qavranmağa başlayır. Ətrafdakı obyektlərin rənglərinin qavranması həmişə subyektivdir, çünki o həmişə baxanın baş beynində canlanır və formalaşır. Fiziki mənada isə əşyaların rəngi yoxdur, biz sadəcə olaraq onları belə qavrayırıq.
Rənglər insanın əhval ruhiyyəsini müəyyənləşdir, onun fikir və əməllərinə təsir göstərir.
Gündəlik həyatda rənglər ilə təmasda olan və onun simvolik mənası ilə üzləşən insanlar təkcə rəssamlar, dizaynerlər, naqqaşlar və rəsm sənətinin digər təmsilçiləri deyil. Rənglərin emosional təsiri həmçinin dildə də əks olunur, məsələn hamıya bu frazalar məlumdur: «öküz qırmızı görən kimi», «ağ xələtli insanlar», «hirsindən rəngi qaralmaq» və başqaları.

Qırmızı -istilik, od, qan, şəhvət, sevgi, yaxınlıq, güc, həyəcan və aqressiya kimi məfhumları simvollaşdırır. Qan təzyiqini və tənəffüsü sürətləndirə bilir. Qırmızı rəng insanlara vaxtı unutdurur: Buna görə barlar və kazinolar qırmızı rəngə ağırlıq verir.
Qırmızı qanın rəngidir və əsrlər boyu təhlükə və məhvin simvolu olmuşdur. Bu səbəbdən svetoforda “dayan” siqnalı kimi istifadə olunur. Qırmızı rəngə üstünlük verənlərin şəxsiyyət analizlərində bu insanların gücə, iqtidara düşkün olduğunu görürük. Gücünə güvənir. Bu insanlar aktiv, iddialı, təşəbbüskardırlar, qazanmağı və nail olmağı sevirlər. Həlledici və istiqamətləndiricidir.

Yaşıl - həyatı, gəncliyi, yenilənməyi, ümidi və canlılığı simvollaşdırır. Bəzi mədəniyyətlərdə orta yaşlı gəlinlər məhsuldarlığı simvollaşdırmaq üçün yaşıl geyinirlər. Yaşıl gözlər üçün ən rahat rəngdir və görmə qabiliyyətini yaxşılaşdırır. Sakitləşdiricidir və sinir sisteminə təbii təsir göstərir. insanları televizora çıxmazdan əvvəl yaşıl otaqlara salmaq onların həyəcanını sakitləşdirə bilər. Yaşılın rəng çalarları müxtəlif mesajlar verir.
Tünd yaşıl: Soyuqluğu, kişiliyi, mühafizəkarlığı və zənginliyi ifadə edir.
Zümrüd yaşıl: Ölümsüzlük.
Zeytun yaşılı: Sülh
Sarımtıl yaşıl: istehlakçıların ən son üstünlük verdiyi rəngdir.

Qara - iki anlamı bir rəngdir. Bir tərəfdən qaranlıq qüvvələr, cinayət və şər ilə hesab olunur, digər tərəfdən sədaqət, əzm, dözümlülük, tədbirlilik, müdriklik və etibarlılıq ilə əlaqələndirilir. Bir tərəfdən hökmranlıq və qüdrət, digər tərəfdən dərd, qəm və yas deməkdir. Qara bir çox insan üçün geyim rəngidir. Bəziləri güclü və ciddi görünmək üçün qara rəngdən istifadə edirlər. Digərləri daha zərif və estetik göründüyü üçün buna üstünlük verirlər.

Ağ - Saflığı, təmizliyi və məsumluğu simvollaşdırır. Bir çox mədəniyyətlərdə gəlinlər ağ geyinirlər. Həm də təmizliyi simvollaşdırır. Buna görə həkimlər, tibb bacıları və laborantlar steril olmaq üçün ağ paltar geyinirlər.

Qəhvəyi -Torpağın və ağacın rəngidir. Möhkəm və etibarlı hiss etdirir. Qəhvəyi təbii, rahat və açıq atmosfer yaradır. O, sabitlik, güc, yetkinlik və etibarlılıq mesajlarını verir. Mənim fikrimcə isə hüzur hissetdirir.


Sarı az miqdarda istifadə edildikdə parlaqlıq və istilik hissi verir. Günəşli bir gün kimi düşünün. günəş işığı kimidir, yaxşı hiss etmək etdirir amma həddindən artıq olduqda gözünə gün işığı düşürmüş kimi olursan -*

Çəhrayı -Sakitləşdirici təsiri də var. Araşdırmalar göstərir ki, çəhrayı insanı sakitləşdirir və ürəkləri yumşaldır. Həbsxanada qapı və pəncərə barmaqlıqlarının çəhrayı rəngə boyanması ilə məhbusların aqressiv davranışlarının itdiyi müşahidə edilib. Çəhrayı rəngli otaqda insan hirslənmək istəsə belə uğur qazana bilməz. Çəhrayı sakitləşdirici rol oynayır, enerji cəlb edir.

Mavi -Yalnızlığı, kədəri, depressiyanı, müdrikliyi, etibarı və sədaqəti simvollaşdırır. Mavi rəngdən, xüsusən də tünd mavi rəngdən nevroloji klinikalarda mütləq qaçınılmalıdır. Psixoloqlar pasiyentlə müsahibə zamanı mavi paltar geyinməməlidirlər.


Entry zamanla təkmilləşdirilib bkz-larla zənginləşdiriləcək.

kəşf olunmalı dərmanlar

Bir neçə gündür ki, həkimə getmək üçün rayondan bizə gələn qohum bu gün xərçəng olduğunu öyrəndi. Sıradan bir soyuqlama ya da yediyi nəyinsə pis təsir etdiyini düşünərək gəlib, bu xəbərlə geri evinə qayıtdı. Ağlından belə keçməyən bu hala mı yansın, təmkinli durub bizə hiss etdirməməyə mi çalışsın özü də çaşıb qalmışdı. Yoldaşının gözünə oturan kədəri görəndə içim parça-parça oldu. Donuq üz ifadəsində dursa da özündən asılı olmadan gözyaşı tökürdü. Onlar da başa düşür ki artıq bundan sonra boşa çabalamaq vaxtıdır. Bir sözlə sonun başlanğıcına gəliblər. Genlərini aldığı adam da bu bəlaya düçar olaraq həyatını sonlandırdığı üçün boşa ümidlənmədi onlar da.
Bütün günü nə hiss edəcəyimi bilmədən gəzib, fikrim yayınsın deyə sözlüyə girdim, başlığı görüb "ürəyimi boşaldım" dedim.
Bu xərçəngin də bir dərmanı kəşf olunmalıdı artıq. Baş ağrısı diş ağrısı nə bilim qansızlıq fln min cür xəstəlikdən dərmanla sağalmaq mümkün olduğu kimi xərçəngdən də belə bir dərmanla yaxa qurtarmaq olardı kaş

iş yerində yatıb qalmaq

Bizdə hər nə qədər ayıb, qəbulolunmaz görünsə də yaponiyada bu adətdir. Adına "inemuri" deyirlər.

inemuri iş yerində, ictimai nəqliyyatda və digər ictimai yerlərdə gündüz yuxusudur.
Yapon ənənələrinə görə, inemuri cəmiyyət tərəfindən yaxşı qəbul edilir, çünki bir insan gündüz yuxulayırsa, deməli az yatır, çox işləyir.
Amma bu yatmağın bir neçə əsas qaydası var.
Avtobusda, işdə, iclasda yatdıqda elə pozada yatmalısınız ki, ətrafda baş verən hadisənin iştirakçısı olduğunuz bilinsin. Yəni, uzanıb yata bilməzsiniz. Oturaq vəziyyətdə, ayaq üstə bir yerə söykənərək və S.
Eyni zamanda, insanın sosial statusu da burda əsas rol oynayır. Məsəl üçün iş yerində bir işçi müdirin qarşısında yatarsa, bu qəbuledilməzdir, lakin müdir onun tabeçiliyində olan işçilərin qarşısında yatarsa, bu çox adi haldır.
sifarişi verən: Derek

günəşə allergiyanın olması

Günəşə qarşı allergiya ultrabənövşəyi şüalanma nəticəsində bədənin açıq nahiyələrində ağrılı və qaşıntılı qırmızı ləkələrin əmələ gəldiyi xəstəliklər qrupudur. Belə ki, ən tez-tez polimorf yüngül səpki adlanır, çünki bu, çox yaygındır: Qafqazlıların 10-20% -də, daha çox qadınlarda baş verir.

Günəş şüaları gün şüalarına allergiyası olan adamlarda aşağıdakı əlamətlərlə təzahür edir:
- dəridə qaşıntı
- qırmızı səpgilər
- gözlərdə yaşarma
- burun sulanması.
Bəzən günəş allergiyasına "günəş zəhərlənməsi", "polimorf işıq reaksiyası" da deyilir.
Bundan əlavə, günəşə qarşı allergiyaya aşağıdakılar daxildir:

Günəş ürtikeri -Bu, anafilaktik şoka qədər ümumi allergik reaksiyanın meydana gəldiyi və dərinin qırmızı, qaşıntılı blisterlərlə örtüldüyü nadir ağır xəstəlikdir.
Xroniki aktinik dermatit -Bu, günəşdən sonra bədəndə sıx quru qatlanmış sahələrin göründüyü bir vəziyyətdir.
Aktinik qaşınma və ya prurigo -Bu başqa bir nadir dəri xəstəliyidir. Bədənin tez-tez ultrabənövşəyi radiasiyaya məruz qalan hissələrində şişkinlik meydana gəlir və ondan sonra qaşınma.
Fototoksik və fotoallergik dermatit -Günəşə qarşı həssaslığı artıran maddələr qəbul etdikdən və ya onlarla təmasdan sonra yaranan səpgilər deyilir.

Bəzi hallarda simptomlar demək olar ki, dərhal, bəzilərində isə bir neçə saatdan sonra görünür.

Bitkilərdə işıqda fotosintez baş verdiyi kimi, ultrabənövşəyi şüaların təsiri altında dəridəki müxtəlif maddələr də dəyişə bilir. Bəzən yaranan birləşmələr insanlarda allergiyaya səbəb olur.

Bəziləri üçün bədən öz dəyişdirilmiş zülallarına reaksiya verir: immunitet sistemi onları tanımır və onlara yad insanlar kimi hücum edir. Və kimsə üçün reaksiya yalnız dərman qəbul etdikdən, kosmetika tətbiq etdikdən və ya dəridə bitki suyu aldıqdan sonra baş verir. Bu onunla əlaqədardır ki, bəzi kimyəvi maddələrin əks təsiri var - fotohəssaslıq, yəni insanın günəşə qarşı həssaslığını artırır.
Günəş allergiyasının zəif əlamətləri olduqda müalicəyə ehtiyac duyulmur.Günəş şüaları dəridə daha çox və dərin qızartılara səbəb olduqda isə steroid kremlərdən istifadə etmək lazım gəlir.
Günəşə qarşı allergiya olduğunu bilən şəxslər günorta vaxtı evdən çıxmadıqda və ya örtülü paltar geydikdə xəstəlik heç bir əlamətlə meydana çıxmır.
Xəstəlik dəridə olan görüntülərlə müşahidə edilir. Digər əlamətləri isə aşağıdakılardır:
- dəridə qızartı
- qaşıntı və ağrı
- üzərində çatlar olan yumrular
- qabıqvermə, çatlama və qanama
- şişkinlik.
Xəstəliyə yaxalanmamaq üçün günəş şüasının dərinizə təsir etdiyi zaman həkimə müraciət etmək lazımdır. Dəridə qalıcı və patoloji əlamətlər müşahidə olduqda dermatoloqa müraciət etmək lazımdır.
Xəstəliyin əmələ gəlməsinə müxtəlif dərmanların qəbulundan sonra dərinin daha həssas hala gəlməsi və gün şüalarına fərqli reaksiya verməsidir. Xəstəlik ən çox ağ dərili insanlarda rast gəlinir. Həssas dərisi olub, ətir, dezodorant və müxtəlif kimyəvi kremlərdən istifadə edib gün şüaları altında olan adamlar da risk altında olan adamlar siyahısındadır. Xəstəlik uzun müddət antibiotik qəbul edib, günəş şüaları altında gəzən adamlarda da meydana çıxır.
Risk altında olan şəxslərə günorta vaxtı qısaqol paltarda gəzmək, çimərlikdə dincəlmək olmaz. Əgər dəniz kənarında dincəlmək istsələr mütləq günəş kremlərindən istifadə etmək lazımdır.

Müalicənin əsasını xəstənin günəş şüaları ilə kontaktını aradan qaldırmaq təşkil etsə də, iltihab əleyhinə, kortikosretoid, antihistamin preparatlar və B qrupu vitaminləri tətbiq olunur.
Türkəçarə üsullar:
-Təzə sıxılmış alma şirəsi dərinin səpgili nahiyələrinə çəkilir.
-Ağ turpun şirəsi vazelinlə qarışdırılır və gündə 2 dəfə zədəli nahiyələrə çəkilir.



Günəşə məruz qalmaq bəhs etdiyim xəstəliklərlə bərabər dəri həssaslığını artıra və xəstəliyə səbəb ola bilər. Xroniki xəstəliklərin günəş allergiyası ilə əlaqəli olduğu sübut edilməyib. Ancaq günəşə davamlı məruz qalmaq dəri xərçəngi kimi bəzi xəstəliklərə qarşı həssaslıq yaradır.

Günəşə qarşı allergiya müxtəlif allergiyalarla müşayiət oluna bilər. Sadəcə olaraq həkimə müraciət etmək və dərinizin üzərində olan səpgilərin mənşəyini müəyyən edərək müalicə etmək lazımdır.


Ps: uzun zaman öncə bu mövzuda izlədiyim filmi məsləhət görərdim. Bu xəstəliyə görə həyatı "ev həbsində" keçən qızın əhvalatından danışır. Biraz dram biraz romantic, cute birşey

(youtube: )

yazarların xəyalındakı ev

Belə bir yerdə belə bir şey.
Arxa baxçasında balqabaq baxçası, həyətində böyük çinar ağacı. Ama həmişə payız teması canlanır gözümdə. Yerdə narıncı yarpaqlar balqabaqlarla uyumlu fln jsjfaj
Həyətdə 2li yelləncək.
Evin içi yerdən olanları üstünlük təşkil edəcək şəkildə mümkün qədər çox pəncərəli. Hə bir də, hər pəncərədə bundan olmalı

(youtube: )

yazarların ruh halı

Entry yağışın arxa fon üçün damla səsləri və xoş qoxu yaydığı 18 iyun axşamında yazılır.
Ruh halına gəldikdə, teomanın "bunlar güzel günlerimiz daha beter olcak her şey" dediyi yerdəyəm. Son illərdə yaşananlar sanki həyatın "hələ bu harasıdı gələn bölümü gözlə o daha betərdi" demə şəklidir.

Əslində hal hazırda o qədər də önəmi olmasa da keçən ilin bu günü xüsusi tarix idi. Və bu gün bir il keçir üstündən. Gələcək tarix üçün plan qurduğun birinin həmin gün gəldikdə həyatında olmaması halı iyrəncdir. Hər nə qədər unutduğunu düşünsən də bəzi anlarda sənin çox yaxşı yalançı olduğunu, hətta özünü belə inandıra bildiyini anlayırsan. Hansısa yaşanmışlıq düşür yadına, ürəyin sıxılmağa başlıyır. Qaça qaça keçmişə getmək istiyirsən. Nə bilim. Bir də yaşanmayacaq olması daha pisdi.
Dostoyevski deyirdi ki keçmişdə yaşananlar pis də olsa, yaxşı da olsa xatirəyə çevriləndə xoş hal alır. Gözəl xatırlanır. Bilmirəm bu adam bunu hansı kafa ilə deyib. Çünki ən adi bir xatirəni belə danışdıqda keçmiş azacıq da olsa yadına düşəndə bir için sızlamır deyil. Kaş o günlərə qayıda bilərdim deyirsən öz özünə.

Niyə bura yazdım bir fikrim yoxdu. Əslində nə hiss etdiyimi də dəqiq bilmirəm. Kədərli deyiləm ama xoşbəxt də sayılmaram. Sıxıntılar var, stress var bolca, biraz həsrət, biraz yorğunluq, biraz "keçər bunlar" ümidi, biraz çarəsizlik. Amma bunlar üçün yas da tutmuram. Yay gəlir və bu payızın da yaxınlaşdığını xəbər edir. Yağışın yağması istər istəməz xoş hiss etdirdi. Düşünəndə bütün xoş yadda qalan anlar payız aylarında olub. Bəzilərində yağışın rolu böyükdür. Bu gün yağması isə məni boğmağa başladı. Bir bu çatmırdı deyiləcək hal idi. Düzü öz fikirlərim belə bir birinə zidd haldadı. Bir dediyim digərinə uymur. Heç nə əvvəlki kimi hiss etdirmiyəcək. Hər nəysə bura yazmanın da xeyri olmadı. Böyük ehtimal 2 ya 3 dəfə gördükdən donra bunu da siləcəm iyrənc olduğunu düşünüb. Nə isə

səhər kofesi vs səhər alması

Əvvəlcə səhər içilən kofenin səbəbinə baxaq görək orqanizmdə nə edir ki enerji doluruq

Yatdığımız zaman bədən istiliyimiz və qan təzyiqimiz aşağı düşür. Normala qayıtmaq üçün vaxt lazımdır, ona görə də ilk oyandığımız zaman bir müddət halsız hiss edirik. Bir fincan qəhvə bədən istilik təmin edir və sizi tez bir zamanda tam oyanış vəziyyətinə gətirən kimyəvi birləşmələrə malikdir. Tipik bir fincan qəhvədə olan 100 milliqram kofein ürək döyüntünüzü artırır. Qan dövranı sürətlənir. Nəfəs alış-verişimiz artır. O həm də sinir sistemimizə siqnal göndərir və biz daha ayıq oluruq. Beləliklə yetərli enerjiyə sahib oluruq və "yuxumuz dağılır".
Gün ərzində altı stəkan və ya daha az qəhvə içsəniz, diabet inkişaf riskiniz azalır və ürək-damar xəstəlikləri şansınız azalır. Harvardın tədqiqatlarına görə, qəhvə içsəniz, qaraciyər xərçəngi riskiniz yarıya enər. Müntəzəm olaraq qəhvə içirsinizsə, hipertoniya riskiniz yoxdur. araşdırmalar göstərib ki, qəhvə içənlərin ürək xəstəliyi, 2-ci tip diabet və Parkinson xəstəliyinə tutulma ehtimalı içməyənlərə nisbətən daha azdır.
Amma kofeinin belə yaxşı iş görməsi qəhvənin hava kimi su kimi tükətilməsinə dəlalət gətirmir. Həddindən çox tükətildikdə diş sağlamlığınız üçün təhlükə yaradır.

Əgər günün əvvəlində idman edirsinizsə, bir alma bir saatlıq məşq üçün kifayət qədər enerji verir. Almaları pəhrizinizə müntəzəm olaraq daxil etsəniz, tənəffüsünüz yaxşılaşar.
Qəhvə demək olar ki, heç bir kalori enerjisi vermir. Əgər ac oyansanız və yalnız qəhvə içsəniz, qan şəkərinin aşağı düşməsinə səbəb ola bilər. Bir alma sürətli bir başlanğıc üçün kifayət qədər karbohidrat enerjisi təmin edir. 223 qram ağırlığında böyük alma 116 kalori ehtiva edir. Bir almada olan 10 qram şəkərin təxminən yarısı tez təsir edən saxaroza və qlükozadan ibarətdir. Digər yarısı, fruktoza, həzm etmək üçün daha çox vaxt aparır, buna görə də bir alma şirinləşdirilmiş qəhvədən daha uzun müddət ərzində sabit enerji təmin edir. Almadakı həzm olunan lif enerji təchizatını uzadır və mədənizdə toxluq hissi yaradır.

Həm qəhvə, həm də almanın tərkibində həqiqi uzunmüddətli sağlamlıq faydaları təklif edən antioksidan birləşmələr var. Kofein qəbul edərkən özünüzü daha əsəbi və narahat hiss edirsinizsə, səhərlər bir alma yeməyə üstünlük verə bilərsiniz.