us open 2015

turnirə bu gün yekun vuruldu. son olaraq təklərdə kişilərin mübarizəsində qalib müəyyənləşdi. hər nə qədər çinçinnatidən sonra federer favorit göstərilsə də, yenə də nole sözünü dedi. 3:1 (6:4, 5:7, 6:4, 6:4) hesabı ilə qalib gələn novak cokoviç karyerası ərzində qazandığı böyük dəbilqə seriyalı titulların sayını 10-a çatdırdı.

bununla da serb raketka ustası kişilərdə ən çox böyük dəbilqə çempionluğu yaşamış tennisçilər arasında top-5-ə yerləşdi. o, bu göstəriciyə görə, federer (17), sampras, nadal (hər ikisi 14), emerson (12), borg və laverdən (hər ikisi 11) geri qalır.

cokoviç açıq eradan bəri bir il ərzində üç böyük dəbilqə turnirinin qalibi olan 5 tennisçidən biridi. federer 2004, 2006, 2007, nadal 2010, vilander 1988, konnors isə 1974-cü ildə oxşar uğura imza atıb. qeyd edim ki, nole 2011-ci ildə də təqvim ilini 3 bd çempionluğu ilə qapamışdı.

cokoviç mükafatlandırma mərasimində federer haqda: rojenin elədiyə hər şeyə heyranam. 34 yaşında olmasına baxmayaraq, möhtəşəm işlər görür. hər şeyi qazanmış oyunçudu.

federer haqqında nə yazım ki? bəlkə də bir gün cokoviç bd sayında onu keçəcək, bəlkə də rafa torpaq kortda ondan bir baş üstündü, bəlkələr çoxdu, amma dəqiq olan tək şey var: bu dünyaya ikinci bir federer gəlməyəcək. nadalın, xüsusən də novakın bu səviyyəyə çatmaq üçün nə əziyyətlər çəkdiyini başqa vaxt danışaram. var istedad, bir də var çox çalışmaq. bax, roje tennisçi kimi doğulub, digər ikisi isə sonradan tennisçi olub. bunu özləri də etiraf edib. ona görə də nə qədər gec deyil, federeri izləmək imkanını qaçırmayın. sonra demədi deməyin -*

bu da nole rəisin çempionluq sevinci, digər böyük dəbilqələrdə görüşmək ümidiylə...

şəkili

cimmi qlass

cimmi qlass karlayl yunayted əfsanəsidir. adət etmişik ki, əfsanə futbolçular müəyyən üstün özəlliklərə sahib olurlar, heç olmasa klublarının heyətində 200-300 oyuna çıxırlar və s. amma cimmi onlardan deyil; onun nə əldə tutulası bir istedadı olub, nə də karlayl yunaytedə illərini verib. cimmi icarə əsasında formasını geyindiyi karlaylın qapısını vur-tut cəmi 3 matçda qoruyub. normal olaraq sual yaranacaq: bəs necə əfsanə olub?

1998-99 mövsümündə karlayl konferensiyaya düşmək təhlükəsi ilə qarşı-qarşıya idi. bilənlər bilir, bilməyənlərin də nəzərinə: konferensiya ingiltərədə professional liqa hesab edilmir, yəni artıq komanda həvəskar liqaya düşə bilərdi. sonuncu tur öncəsi karlayl yunayted axrıncı sırada qərarlaşmışdı. bir üst pilləni skarboro tuturdu. aralarında 1 xal fərq var idi və reqlamentə görə, yalnız sonuncu pilləni tutan komanda divizionla vidalaşıb konferensiyaya düşəcəkdi. qısası, karlaylın taleyi öz əlində deyildi, skarboro öz oyununu udsa, hər şey bitəcəkdi. uzatmayım, skarboro piterboro ilə 1:1 bərabərə qalır. bu o anlama gəlirdi ki, karlayl qalib gəlsə, liqada qalacaqdı. skarboronun oyununun bitdiyi barədə xəbər yayılan zaman karlayl - plimut görüşündə də hesab 1:1 idi. artıq matç bitmək üzrəydi. hakim matçın əsas vaxtına 4 dəqiqə əlavə etmişdi. sonuncu dəqiqədə karlayl küncdən zərbə vurmaq haqqı qazanır. elə nə olursa, o an olur. künc zərbəsindən sonra top rəqibin cərimə meydançasına gələn qolkiper cimmi qlassın önünə düşür və o, qol vurur. karlayl 2:1 hesabı ilə qalib gələrək liqada qalır, skarboro isə konferensiyaya düşür. 8 il sonra - 2007-ci ildə skarboro həvəskar liqanın məlum maliyyə şərtləri səbəbindən fəaliyyətini dayandırır.

qlassın necə əfsanə olduğunu az-çox anladınız. amma onun həyatının bu oyundan sonrakı gedişatı daha da maraqlıdı. çox uzatmaq istəmirəm. ətraflı oxumaq istəyənlər youtube videosundan aşağıda olan linkdən istifadə edə bilər.

(youtube: )

idman filmləri

həyatda idman deyə bir şey olmasa, bəlkə də yaşamaqdan bir qram da ləzzət almazdım. bir də musiqi. mənim üçün reallıq budur.

məqsədim sözlüyü mümkün qədər idmanla bağlı məlumatlarla zənginləşdirməkdir. digər sahələrdə olduğu kimi, idmanda da azərbaycan dilində baza çox zəifdir. bu dəfə baxdığım idman filmlərindən ibarət siyahı hazırlamışam. aralarında based on a true story olan filmlər var. xüsusilə onları məsləhət görərdim.

qeyd: siyahıda idmanla maraqlananlar üçün bəzi lazımlı sənədli filmlər də var.

(baxma: rudy)
(bax: moneyball)
(baxma: két félidö a pokolban)
(baxma: chasing mavericks)
(baxma: we are marshall)
(baxma: miracle)
(baxma: hoosiers)
(baxma: the class of '92)
(bax: raging bull)
(bax: rocky)
(baxma: hoop dreams)
(baxma: when we were kings)
(baxma: the blind side)
(baxma: a courtship of rivals)
(bax: coach carter)
(bax: the hustler)
(bax: the damned united)
(baxma: senna)
(baxma: friday night lights)
(baxma: million dollar arm)
(baxma: fat city)
(baxma: le grand bleu)
(baxma: escape to victory)
(baxma: any given sunday)
(baxma: remember the titans)
(baxma: the natural)
(bax: messi)
(baxma: once brothers)
(baxma: unmatched)
(baxma: the two escobars)
(baxma: the 16th man)
(baxma: winning time: reggie miller vs. the new york knicks)
(baxma: muhammad and larry)
(baxma: the legend of jimmy the greek)
(baxma: bull durham)
(bax: maradona)
(bax: jerry maguire)
(baxma: southpaw)
(baxma: the comebacks)
(bax: million dollar baby)
(bax: rush)
(bax: the fighter)
(bax: the wrestler)
(bax: foxcatcher)
(baxma: invincible)
(baxma: glory road)
(baxma: love&basketball)
(baxma: he got game)
(bax: white men can't jump)
(baxma: tin cup)
(bax: cinderella man)
(baxma: muhammad ali: the greatest of all time)
(baxma: more than a game)
(baxma: soul surfer)
(baxma: dodgeball: a true underdog story)
(baxma: draft day)
(baxma: the world's fastest indian)
(baxma: green street)

2015 avropa basketbol çempionatı

bu gün 1/8 finala start veriləcək. 4 görüş bu günə, digər 4-ü isə sabaha planlaşdırılıb.

12 sentyabr

15:00. latviya - sloveniya

17:30. yunanıstan - belçika

21:30. ispaniya - polşa

00:00. fransa - türkiyə

13 sentyabr

15:00. xorvatiya - çexiya

17:30. serbiya - finlandiya

21:30. israil - italiya

00:00. litva - gürcüstan

günün ən maraqla gözlənilən görüşü fransa ilə türkiyə arasında oynanılacaq. təbii, fransa açıq-aşkar favoritdi. əlində batum, de kolo, parker, diav, qober, fornie, jelabel varsa, başqa cür də ola bilməz. ancaq nə yalan deyim, bu turnirdə hələlik türkiyə məni yaxşı mənada təəccübləndirir. ergin atamanın məşqçi özəlliklərini həmişə yüksək qiymətləndirmişəm, məncə, adam bu dəfə də sözünü dedi. zone press-lə könlümü fəth ediblər bu turnirdə. semih erden ən yaxşı turnirini keçirir. cedi osmana isə ayrı bir başlıq açmaq lazımdı. adam sanki illərin təcrübəsi. könlüm bir süpriz olsun istərdi, amma ev sahibi məsələsini də əlavə etsək, fransızların şansı daha da artır. digər oyunlara gəlincə, məncə az-çox kimlərin mərhələ adlayacağı məlumdu. çempionluq namizədim isə serbiyadı. bir sürpriz olmasa, serblər asanlıqla finala çıxacaqlar. heç bir komandadan geri qalmırlar, hətta bir baş üstündürlər deyərdim, setka da onlara əl verir. digər tərəfdən isə finalçını böyük ehtimalla fransa - ispaniya matçı müəyyənləşdirəcək.

false 9

false 9 futbolda işlənən, tətbiq olunan taktiki terminlərdən biridir. false 9-un hərfi mənasını onsuz da az-çox ingiliscə bilən hər kəs başa düşür. bəs false 9-ların oyun planında mahiyyəti nədən ibarətdir? - bu suala cavab verəcəm.

luçano spallettinin romada işləyərkən tottini false 9 oynatmasından sonra müasir futbolda daha da çox vüsət almağa başladı false 9. amma əslinə qalanda, hələ illər öncə adolfo pedernara, di stefano, kroyff kimi oyunçular false 9 oynayıblar.

futbolda irəlidə tək oynayan hücumçunun əsas missiyası normalda müdafiəçilərin arxasına sızıb, əlinə düşən imkanları qola çevirməkdən ibarətdir. false 9-larda isə vəziyyət başqa cürdü. ola bilər ki, oyundan əvvəl sizə göstərilən taktiki sxemdə false 9 oynayan futbolçu hücumun önündə tək olaraq göstərilə bilər. amma bu sadəcə bir yanıltmacadı. oyunun gedişində false 9-lar mərkəz hücumçusundan çox tipik hücuma meyilli yarımmüdafiəçi kimi görünürlər. belə deyim, top komandasında olanda false 9 rəqibin cərimə meydançası və orta xətt arasında var-gəl edir. yəni, o ərazidə tez-tez yer dəyişmələr edir. bu da avtomatik olaraq rəqib müdafiəsinin ahəngini pozur. adamlar bilmir onu 1-ə 1 müdafiə etsinlər, yoxsa sadəcə zonaları qorusunlar. əgər 1-ə 1 markajla arxasına düşsə, stoperin qoruduğu zona boşalacaq, cinah müdafiəçiləri və yarımmüdafiəçilər həmin zonaya girib asanlıqla qol vəziyyəti yaradacaqlar. digər tərəfdən yerində qalsa, bu adam avtomatik olaraq komandanın hücumunun qurulmasında iştirak edəcək və orta xəttdə komanda rəqibinə nisbətdə +1 nəfər üstün oynayıb, adam artıqlığı ilə hücumunu formalaşdıracaq. ki, false 9 oynayan futbolçular normalda çox üstün özəlliklərə sahib olduqları üçün yeri gələndə bir ara pası ilə oyuna nöqtə də qoya bilirlər. digər tərəfdən, false 9-lar sayəsində komanda çox asanlıqla əks-hücuma çıxa bilir. bir sözlə, müasir futbolda çox lazımlı olan bir şeydi, false 9. təbii ki, oynaya bilənə, oynada bilənə. elə hey hər komandada görmək mümkün deyil. bunu tətbiq etmək üçün icraçı futbolçu ilə yanaşı, güclü cinah müdafiəçiləri və yarımmüdafiəçilərə ehtiyac var. çünki o ani boşluqları dəyərləndirmədikdən sonra sistemi tətbiq etsən nəyə yarar ki? false 9-a qarşı mübarizənin ən yaxşı üsullarından biri kimi dağıdıcı funksiyası olması ilə yanaşı, sürətli, paz özəllikləri və 1-ə 1-i güclü olan futbolçuların dayaqda oynadılmasını göstərə bilərəm. yəni, ən azı false 9 kimi üstün özəllikləri malik biri olmalıdı. belə bir oyunçunu da elə tap deyincə tapmaq olmur.

örnək kimi lionel messinin adını çəkəcəm. pep qvardiola zamanında ondan tez-tez false 9 kimi istifadə edirdi. o dönəmlər yadınızda olar yəqin ki, barsanın hər gələnə 5-6 vurduğu günləri nəzərdə tuturam. qısası, false 9 düzgün tətbiq edildiyi təqdirdə çox gözəl nəticələr verir. son olaraq yazdıqlarımı praktiki olaraq başa düşməyiniz üçün 2009-cu ilin mayında oynanılan real - barselona (2-6) matçında messinin necə false 9 oynadığını göstərən video ilə sizi baş-başa buraxıram.

(youtube: )

hindistan-pakistan kriket rəqabəti

dünyanın ən böyük idman rəqabətlərindən biridir. bəlkə də ən böyüyüdür. kriket, cənubi asiyada, başda hindistan və pakistan olmaqla, müvafiq olaraq hinduizm və islamdan sonra ikinci din kimi bir şeydir. adamlar üçün o dərəcə önəmlidir bu idman növü.

rəqabətin yaranması tarixi/siyasi məsələlərlə birbaşa əlaqədardı. 1947-ci ildə ingilislər cənubi asiyanı tərk edəndə özlərindən geriyə kəşmiri miras qoydular. elə o gündən hindistan və pakistan bölgə uğrunda mübarizəyə başladı. əslində, britaniya əsarətinin ardından kəşmir xalqı seçim haqlarından özləri kimi müsəlmanların çoxluq təşkil etdiyi pakistanın lehinə istifadə etmişdi. yəni, bu bölgə pakistana tabe olmalı idi. ancaq hind əsilli kəşmir şahzadəsi mihrace hari sinq insanların istəyinin əksinə hərəkət edərək bölgənin hindistana aid olduğunu təsdiqləyən sənədi imzalamaqla illər boyu davam edəcək mübahisənin təməlini atdı. məhz elə bu imzadan sonra hindistan ordusu bölgəyə daxil olaraq səmərəli torpaqları zəbt etdi. hazırda srinaqar, cammu və kəşmir hindlərin nəzarəti altındadır. quraqlıqdan əziyyət çəkən 30 %-lik hissə - azad kəşmir və gilgit-baltistan ərazisi isə pakistanın tabeçiliyindədir. bmt-nin normalarına əsasən, kəşmir əhalisinin öz müqəddəratını təyin etmək haqqı var self determination. kəşmirlilər referendum keçirilməsini istəsələr də, hindistan hökuməti bunun əleyhinə çıxır. çünki böyük əksəriyyəti müsəlmanlardan ibarət olan əhalinin növbəti dəfə pakistanı seçəcəyi məlum məsələdir. qısaca qeyd edim ki, bölgənin şərqində yerləşən və təxminən 10 faizlik ərazini əhatə edən aksayçin isə pakistanın müttəfiqi çinin nəzarətindədir.

hindistan və pakistan kəşmir uğrunda indiyə kimi 4 dəfə (1947, 1965, 1971, 1999) müharibə ediblər. ancaq milyonlarla insan itkisinə baxmayaraq, məsələ həllini tapmayıb. belə bir ərazini ağlı olan heç bir dövlət itirmək istəməzdi. sadəcə google-da kəşmir yazıb şəkillər bölməsinə daxil olun, dediyimi anlayacaqsınız. boş-boşuna bölgəyə yer üzünün cənnəti demirlər.

ingilislərin digər mirası isə kriket idi. britaniyalılar əsarəti olan ölkələrdə milli idman növləri hesab olunan kriketi təbliğ etməyə çalışırdılar. nəticədə təbliğat da özünü doğrultmuşdu. təsadüfi deyil ki, bu idman növü elə ingilislərin sabiq müstəmləkələrində oynanılır. hindistan və pakistan arasındakı kəşmir problemi təkcə sərhədə deyil, həm də kriket meydançasına təsir edirdi. kriket yığmasının oyunçularının əsgərlərdən fərqi qalmamışdı. sərhəddə ölən və yaralananlar olur, insanlar isə onların qisasının təkcə ordu vasitəsilə deyil, həm də kriketçilər tərəfindən alınacağına inanır, kriket millisini ordudan fərqli görmürdülər. rəqabətin formalaşmasında azarkeş amilinin də rolu danılmazdı.

hindistan millisinin sabiq kapitanı sunil qavaskar: 1980-ci ildə bəə-nin şardja şəhərində pakistanla qarşılaşırdıq. orada yaşayan immiqrantlar – avtobus sürücüsündən tutmuş qəzet satıcısına, mehmanxana işçisindən çanta daşıyan uşağa kimi, hamı bizi görəndə aşağı-yuxarı eyni cümləni işlədirdi: turnirin qalibi olub-olmamağınız barədə o qədər də düşünmürük, ancaq pakistanı mütləq məğlub etməlisiniz.

1986-cı ildə şardjada keçirilən austral-asia kubokunun finalında hindistan və pakistan kriketçiləri qarşılaşırdı. pakistanın çempion olmaq üçün son topda 4 rana ehtiyacı var idi. ağ-yaşılların vurucusu javed miandad hindistanın ən sürətli atıcılarından olan çetan şarmanla üz-üzə idi. hind fanatlar artıq çempionluğu bayram etməyə başlamışdılar. ancaq miandad çətin olanı bacarmış və topu birbaşa meydandan kənara vuraraq komandasına 6 xal qazandırmışdı. nəticədə pakistan Austral-asia kubokunun qalibi olmuşdu. hind fanatlar məğlubiyyətin səbəbkarı qismində çetan şarmanı görürdülər. maraqlısı budur ki, şarman həmin oyundan sonra azarkeşlərin qorxusundan iki ay evindən çölə bir addım belə atmamışdı.

hər iki yığmanın oyunçuları məğlubiyyətdən sonra gizlənmək üçün yer axtarırdılar. xüsusilə də 80-ci illərdə kriketçilərin həyati təhlükəsi daha çox idi. bu səbəbdən də o dövrdə hindistan və pakistanlı oyunçular bilərəkdən ardıcıl 11 test matçında heç-heçə etmişdilər.

90-cı illərdə vəziyyət daha da gərginləşdi. artıq oyunçuların evlərinin daş-qalaq edilməsi, şəkillərinin və müqəvvalarının yandırılması adi hal almışdı. 1996-cı ildə keçirilən dünya çempionatından sonra pakistanın atıcısı vasim əkrəm sui-qəsd təhlükəsi ilə üz-üzə qalmışdı. əkrəmin dç-96-da əzələ dartılmasını bəhanə edərək hindistanla görüşdə oynamaması azarkeşləri özündən çıxarmışdı. onlar atıcının yüksək təzyiq altında qalmamaq üçün bilərəkdən bu addıma əl atdığını düşünürdülər.

azarkeşlərlə bağlı əhvalatlar o qədərdi ki... 1997-ci ildə sözügedən iki komanda bu səfər kanadada üz-üzə gəlirdi. oyunun gedişində tribunadakı hind azarkeş pakistan millisinin vurucusu inzamam-ul-haq vuruş xəttinə yaxınlaşan zaman onun fiziki görkəmini lağa qoyub özündən çıxarmaq üçün meqafonla kartof qışqırırdı. buna dözməyən ul-haq polislər gələnə kimi həmin fanatı kriket çubuğu ilə əzişdirmişdi.

elə həmin il pakistan karaçidə hindistanı qəbul edirdi. bu səfər isə pakistanlı fanatlar diqqət mərkəzində idi. onlar hindistanlı kriketçilərə daş və digər sərt əşyalar atırdılar. özündən çıxan kriketin allahı ləqəbli saçin tendulkar hindistan yığmasını meydandan çıxarmışdı. polislə azarkeşlər arasında yaşanan gərginlik zamanı isə 30-a yaxın yerli azarkeş yaralanmışdı.

bitmədi... cəmi iki il sonra pakistan iden qardensdə hindistanın qonağı idi. bu dəfə hakimin tendulkara ran aut verməsi azarkeşlərin qəzəbinə səbəb oldu. kriketin məkkəsində yer-yerindən oynayırdı. yalnız polislərin sərt müdaxiləsi nəticəsində 65 min insan stadiondan çıxarılmış və oyun 3 saat sonra, qaldığı yerdən davam etmişdi. bu, kriket tarixində indiyə kimi baş vermiş ilk belə hadisədir.

kriket onlar üçün oyunçuya hindistanın fatehi ləqəbini qoyacaq qədər müqəddəsdir. ciddiyəm, pakistanlı kriketçilər 1987-ci ildə hindistandakı test seriyasından lahora qələbə ilə qayıdanda imperatorlar kimi qarşılanmışdılar. o gündən sonra kapitan imran xanın ikinci adı hindistanın fatehidir.

bitmək-tükənmək bilməyən nifrətə baxmayaraq, azarkeşlərin digər komandaya hörmətlə yanaşdığı anlar da olub. misal üçün, hindistanın baş naziri atal bihari vajpayeenin pakistana tarixi səfərindən sonra 1999-cu ildə pakistan kriketçiləri 12 il sonra ilk dəfə hindistana test seriyası üçün yollanmışdılar. nə qədər qəribə olsa da, pakistan millisinin üzvləri çennaidə böyük sevgi ilə qarşılanmışdılar.

həmin tarixi matçda saçin tendulkar century eləmişdi. buna baxmayaraq, hindistan pakistana uduzmuşdu. çennaidə təxminən 30 min azarkeş pakistan kriketçilərini ayaq üstdə alqışlamışdı. oxşar vəziyyət 5 il sonra pakistanda təkrarlanmışdı. əzəli rəqibə qarşı bu qeyri-adi sevgiyə insanların doğma ölkələrində bir də dünyanın ən böyük idman rəqabətini görməyəcəklərini düşünmələri səbəb olmuşdu.

2008-ci ildə mumbaidə baş verən terror aktından sonra hindistan test seriyalarında pakistanı qəbul etməkdən imtina etdi. 2009-cu ildən bəri isə pakistanda beynəlxalq kriket matçı oynanılmır. hətta dç-2011-in ev sahibliyi haqqı belə onların əlindən alındı. buna səbəb məhz həmin il lahorda şri-lanka kriket millisinin üzvlərinin vurulması idi. artıq uzun müddətdir ki, hindistan və pakistan arasında 2 tərəfli seriyalar oynanılmır. komandalar yalnız dünya çempionatlarında qarşılaşırlar.

hindistan – pakistan oyunlarının statistikası:

test oyunları – pakistan (12 qələbə), hindistan (9 qələbə), 38 heç-heçə

test seriyaları – pakistan (5 qələbə), hindistan (4 qələbə), 7 heç-heçə

odi one day international oyunlar – pakistan (72 qələbə), hindistan (51 qələbə), 4 heç-heçə

t20i twenty 20 international oyunlar – hindistan (4 qələbə), pakistan (1 qələbə), 1 heç-heçə.

komandalar sonuncu dəfə 2015-ci ildə keçirilən dünya çempionatının qrup mərhələsində üz-üzə gəliblər. həmin görüşdən 76 ranla hindistan qalib ayrılıb.

daha bir maraqlı faktı qeyd edim ki, 2011-ci ildə dünya çempionatının yarımfinal mərhələsi çərçivəsində oynanılan hindistan – pakistan matçını 1,5 milyard insan televiziya vasitəsilə izləmişdi. Bu, idman müsabiqələri üçün rekord hesab olunur.

kriket hər iki millət üçün heç vaxt bitməyəcək ortaq ehtirasdır. bununla belə, kəşmirin kimə məxsus olduğunu kriket meydanında müəyyənləşdirmək mümkün deyil. ancaq nə hindistanlılar, nə də pakistanlılar bunu başa düşmək istəmirlər. onlar başa düşənə kimi isə hindistan – pakistan kriket rəqabəti təkcə mən yox, milyonlarla idmansevər üçün dünyanın ən böyük idman rəqabəti olaraq qalacaq.

qeyd: bəzi işlətdiyim kriket terminləri barədə daha sonra sözlüyə kriket və qaydaları haqqında yerləşdirəcəyim başlıqda ətraflı məlumat verməyə çalışacağam.

mәnbә

us open 2015

bir az öncə qadınlarda ikinci finalçı müəyyənləşdi. serena uilyams roberta vinçi ilə qarşılaşırdı. normal olaraq heç kim vinçiyə şans tanımırdı. amma nələr oldu nələr. ilk setdə uduzan italyan tennisçi sonrakı iki setdə 6:4 hesabı ilə qalib gələrək finala yüksəldi. beləliklə, serena uilyams təqvim grand slamını tamamlaya bilmədi. aranızda oyunu izləyənlər varsa, sözümə haqq verər, matç tennis tarixinin top-10-una girəcək qədər əfsanəvi keçdi. idmana baxa-baxa orqazm olmaq olarmı? olarmış. 3-cü setin 7-ci qeymində elə bir ralli oldu ki, kayfdan özümü hiss etmirdim. hələ rallidən sonra vinçinin reaksiyasını demirəm. möcüzələr çalışınca reallaşarmış - bunu da robertanın ifasında görmüş olduq.

1997-ci ildə iva majoli rolan qarrosda martina hingisi məğlub edərək, təqvim grand slamını tamamlamasına mane olmuşdu. bu dəfə də rahatlayan tərəf şteffi qraf oldu. digər maraqlı detalı da qeyd edim: italiya us open tarixində heç vaxt finala qadın tennisçi çıxara bilməmişdi. amma bu dəfə qadınların mübarizəsində hər iki finalçı - flavia pennetta və roberta vinçi - italiyanı təmsil edir.

us open 2015

bu gün start götürəcək olan mövsümün sonuncu böyük dəbilqə seriyalı tennis turniri. 135-ci dəfə keçirilir. oyunlara həmişəki kimi, usta billie jean king national tennis center ev sahibliyi edəcək. mərkəzin içərisində artur eş və lui armstronq kortları da daxil olmaqla, ümumilikdə 22 kort yerləşir.

turnirin ümumi mükafat fondu 42,253,400 dollar təşkil edir. təklərin yarışında qalib olan tennisçilər 3,300,000 dollar qazanacaqlar. cütlərdə və miksdə qalib olanlar komanda başına müvafiq olaraq 570,000 və 150,000 dollar əldə edəcəklər. bununla yanaşı, emirates airlinein əlavə bonusları da var. bu bonuslar us open seriya turnirlərində - western&southern open, rogers cup, connecticut open və s. - uğurlu nəticə göstərən tennisçilər üçün aktiv olacaq. qısası, qadınlarda karolina plişkova, serena uilyams, simona halep, kişilərdə isə endi marrey, novak cokoviç və con izner əlavə mükafatı qazana bilər.

qadınlarda serena uilyams, kişilərdə isə novak cokoviç əsas favoritlərdir. bu arada qeyd edim ki, mariya şarapova turnirə hazır olmadığını əsas gətirərək, us opendə iştirak etməmək qərarına gəlib. onu daria kasatkina əvəzləyəcək.

turnir serena uilyams üçün daha böyük əhəmiyyət kəsb edir. o, bu il keçirilən digər 3 böyük dəbilqə turnirinin qalibi olub. us openi də qazanarsa, şteffi qrafdan (1988) sonra bunu bacaran ilk tennisçi olacaq. həmçinin serena qalib olacağı təqdirdə bd titullarının sayını da qrafla bərabərləşdirəcək. 21 böyük dəbilqə zəfəri yaşayan uilyams qrafdan 1 titul geri qalır.

us openə sentyabrın 13-də yekun vurulacaq.

dennis bergkamp

dennis berqkampın atası vim feyenoord azarkeşi olub. o, ayaksa nifrət edərmiş. nifrəti oğluna da aşılayıbmış. ata vimin kumiri mançester yunayted əfsanəsi denis lou idi. bu səbəbdən də oğluna dennis adını qoymuşdu. imkan düşdükcə oğlu ilə birlikdə ingiltərə çempionatının oyunlarını izləmək üçün adanın yolunu tutarmış. zamanla qlenn hoddlun oyununa heyran olan dennis sevimli futbolçusuna görə tottenhemi dəstəkləyərmiş. normal spurs azarkeşi kimi, onun da arsenaldan xoşu gəlmirdi. ancaq futbol adama etmərəm dediyini etdirər, sevmədiyini sevdirərmiş. 12 yaşında ayaksın məktəbinə qoşulan dennis amsterdam klubunda məşhurlaşmış, inter karyerasının ardından isə 11 il arsenal forması geymişdir. berqkampın 2006-cı ildə oynanılan vida matçında uşaqlıqda sevmədiyi iki klub - arsenalla ayaks qarşılaşıb.

2015 uefa avropa liqası püşkatma

bu gün bakı vaxtı ilə saat 16:00-da monakoda keçiriləcək. püşkatma nəticəsində qarabağ və qəbələnin rəqibləri müəyyənləşəcək. hər iki təmsilçimiz 4-cü səbətdə yer alıb.

1-ci səbət: şalke, borussiya d, bazel, napoli, tottenhem, ayaks, vilyarreal, rubin, atletik, sportinq, marsel, dnepr

2-ci səbət: braqa, fiorentina, latsio, anderlext, liverpul, az alkmaar, viktoriya pl, brügge, paok, seltik, beşiktaş, apoel

3-cü səbət: monako, sparta p, fənərbağça, legiya, bordo, lokomotiv, lex, sent etyen, ausburq, rapid, krasnodar

4-cü səbət: partizan, asteras, belenenses, rusenburq, qarabağ, molde, dinamo m, qroningen, sion, mityulland, skenderbeu, qəbələ

48 komanda hərəsində 4-ü olmaqla 12 qrupa bölünəcək.

roman qriqorçuk

qəbələnin uğurunda böyük pay sahibi olan və şəxsən işini ölkəyə gəldiyi gündən bəri bəyəndiyim ukraynalı məşqçi. 2014-cü ilin dekabrında qırmızı-qaralara baş məşqçi təyin olunub. onun rəhbərliyi altında 30 rəsmi matça çıxan qəbələ 16 dəfə qalib gəlib, 6 dəfə məğlub olub, 8 görüşdə isə heç-heçə qeydə alınıb. bir maraqlı faktı da qeyd edim ki, qəbələ azərbaycan premyer liqasında sonuncu dəfə fevralın 15-də neftçiyə uduzub. o gündən bəri komanda apl-də məğlubiyyət üzü görməyib. daha öncə dinaburq, ventspils, metallurq zaporojye, çernomoreç komandalarını çalışdırıb. futbolçu kimi isə daha çox prikarpatyedəki oyunu ilə xatırlanır.

böyükağa hacıyev

haqqında maraqlı hekayələr var. hamısı da based on a true storydi. deməli, bir dəfə çempionat oyunlarından birində neftçi birinci hissədən sonra hesabda geridə imiş. fasilə zamanı paltardəyişmə otağında futbolçular oyunlarının alınmadığını bildirərək böyükağa hacıyevdən hansısa bir taktiki gedişə əl atmasını istəyiblər. böyükağa məllim də qayıdıb ki necə sıçmısız, elə də təmizliyin.

neftçi uefa avropa liqasında interlə qarşılaşmaq üçün milana yollanıb. oyunöncəsi mətbuat konfransında səhv etmirəmsə la gazzetta dello sportda bir jurnalist soruşub ki böyükağa hacıyevdən bəs yəqin ki, interlə görüşdə oyunu müdafiədən qurmağı planlaşdırırsız, elədirmmi? məllimin cavabına diqqət: ə, deyəsən sən böyükağanı yaxşı tanımırsane.