Sumqayıt avtovağzalında qutab gəmirən həmin oğlan


439   8   0   0
Sumqayıt avtovağzalında qutab gəmirən həmin oğlan 2.nəsil yazar
reytinq xalı: 712
karma xalı:537
entry sayı:439
izləyənlər:6
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
Adi

the life of david gale Filmlə bağlı maraqlı gəlmək ehtimalı olan xırda nüansa toxunmaq istəyirəm. Amma qabaqcadan deyim içərisində müəyyən mənada cavanlar deməli spoiler var:

--spoiler--

David Gale'in edamından sonra, filmin sonlarına yaxın kovboy kepkalı qaqaş aynoyunu yığıb evi tərk edəndə divarda görünən " Turandot link " posteri təsadüfi deyil. Təsadüfi deyil deyəndə ki o baxımdan təsadüfi deyil ki, filmdə 1924-cü ilə aid olan "Turandot" adlı sözügedən italyan operasına bir neçə yerdə toxunulur: filmin soundtracklərindən biri Turandot operasındandır, filmin sonlarında həmin Dusty Wright adlı kovboy kepkalı qaqaşın italiyaya gedib opera izlədiyi səhnədəki opera elə Turandot operasının özüdür ki, var. link link


Turandot operası barədə bu məlumatı oxuyanda isə filmdəki "Turandot"larla hara vurğu edildiyini müəyyən mənada müəyyən etmək olar:
«25 aprel 1926-cı ildə, primyerada Lyunun dəfn mərasimindən sonra Toskanini dirijor çubuğunu endirərək, üzünü tamaşaçılara çevirərək: “Opera [Turandot - red.] burada bitir, çünki bu an mayestro vəfat etmişdir”.»


--spoiler--

Yekunda bir şeyi də qeyd edim: yəqin ki, çox adam hansısa kinoya baxandan sonra "buna oxşar kino" axtarır. Hə, bu kinoya oxşar kino axtarsaq, yəqin ki, film saytı alqoritmaları müxtəlif dəyərlərə görə müxtəlif adlar çıxaracaq, amma mən əminliklə də olmasa, yarı əmin bu adı çəkmək istəyirəm: "John Q" - hər iki filmin süjet xətti bir-birindən müəyyən mənada kəskin fərqlənsə də, toxunmağa çalışdıqları mövzu eynidir - "Qanunda boşluqlar" və bu kimi yazılı mətnlərin emosional şəkildə desək, insan taleyinə biganəliyi.
debut Elektron poçtuma baxanda Debüt qrupunun udarnikindən (bax: drummer) gələn e-maili niyə vaxtilə (2013) tam oxumadığımından baş açmıram. Bəlkə də rusca idi deyə diqqətlə baxmamışam. Məlum e-maildə 1989-cu ildə Debüt tərəfindən Sumqayıtda BTZ Klubda (hazırda Cəfər Cabbarlı adına mədəniyyət evi) rok opera ərsəyə gətirildiyi qeyd olunub. "Сталной Призрак" adlı sözügedən rok operaya daxil olan kompozisiyaların sayı 14-dən çoxdur. Çoxdur deyirəm, çünki 14-ünü saydım, məktub sahibi bundan da çox olduğunu da qeyd edib. Təəssüf ki, bu rok opera bugünə qədər gəlib çatmayıb. Hər halda "Azərbaycan rok tarixi" baxımından əhəmiyyəti var, ən azından bu gün qulaq asmaq maraqlı olardı.

Bu gün Debütdən bizə gəlib çatan azsaylı ifalardan biri budur: "Белый снег"
(youtube: )
. imenni bu ifanı qeyd etmək səbəbim musiqisinin və sözlərinin Teymur Poqosyan adlı şəxsə məxsus olmağıdır. Ona görə deyirəm də baş açmıram indiyənəcən niyə tam açıb diqqətlə oxumamışam bunu. Nəsə, gərək vaxt eləyim səliqəylə şəkilli zadlı hamısın paylaşım.
dragostea din tei Azərbaycanda "umayeya hi umayeya ha ha" adı ilə tanınır. Dünyada isə "Numa numa" adı ilə tanınıb. Yəni içi mən qarışıq, çox adamın "Umayeya" ( və yaxud "Humayeya") kimi eşitdiyi həmin söz əslində "Numa"dır.

(youtube: )


Sözügedən mahnı 2004-ci ilin ən xit yay mahnısı kimi qlobal məşhurluq qazanıb. Üstündən 14 il keçib, deyə bilərsiz, bu, hardan yadına düşdü? Bayaq internet tarixində fenomenlər haqqında oxuyanda qarşıma çıxan xülasədə "bir gecədə məşhurlaşan" Numa Numa Guy ləqəbli şəxsin məşhurlaşmasına səbəb olan "Moldavian pop group O-Zone"un Dragostea din tei adlı mahnısından söhbət gedirdi. Təbii ki, həmin cümlədəki moldovan sözü təəccübümə səbəb oldu. Ki Moldova hara dünya miqyaslı hara? Post-sovet, mdb, guam ölkəsi, yəni momentalnı özümüzlə müqayisə.

Ardınca Youtube-da həmin numa numa guyın videosu
(youtube: )
, qrupun klipinə baxanda məlum oldu söhbət "humayeya"dan gedir.

Vallah, mən indiyənə kimi elə bilirdim fransız mahnısıdır, sən demə moldovan mahnısıymış. Əslində mənim, bəlkə də çox adamın da bu mahnını fransız mahnısı kimi bilməyində qəribə heçnə yoxdur. Çün Moldovan dili (rumınca) də fransız dili kimi romanik dildir, hind-avropa mənşəlidir. Bura 2004-2005-ci il gəncinin "xarici mahnılar" ifadəsindəki "xarici"nin nə mənaya gəldiyini də əlavə edəndə ("inomarka maşın"dakı "inomarka" sözü), məsələ məlum olur. Belədə yenidən yuxarıda sözügedən post-sovet, mdb, guam ölkəsi söhbətinə gəlib çıxırıq.
üzük barmağı Çeçələ barmağın yanındakı fiziki cəhətdən digər barmaqlara nisbətən daha az hərəkətli olan, "üzük barmağı", "adsız barmaq" adlarıyla tanınan bu barmağın dövr-i qədimdə adı da var imiş: Çıçamuk.

Hal-hazırda bu söz işlənməsə də, Mahmud Kaşğarinin "Divanu Luğati-t-Türk" (1072-1074) əsərində sözügedən barmağın "çıçamuk" adlandığı və az bilinən söz olduğu qeyd olunur.

Həmin əsərdə çeçələ barmaq "çıçalak" şəklində qeyd olunur.
sumqayıt ləhcəsi Dünən, ya srağagün Sumqayıt Dövlət Universitetində oxuduğunu bildiyim əslən şamaxılı Bakı şəhər sakini olan şəxs söhbət əsnasında necə pərt olduğunu ifadə etmək üçün cümləsində belə bir hissə işlətdi: "Sumqayıtda deyirlər e "qaraldım" (bax: qaralmaq)".

Sonrakı dioloqumuz belə davam etdi:

- Sumqayıtda deyirlər??
- Hə, mən Sumqayıtda eşitmişəm, ancaq. Sumqayıtlı qrup yoldaşım deyirdi.
- Başqa yerdə eşitməmisən ki?? (həyəcan və şübhə qarışıq cavab tələb olunmayan ritorik sual)


indi bilmirəm, həmin adam bunu, ancaq Sumqayıtda eşidib, yoxsa başqa yerlərdə də istifadə olunur, burası hələki mənim üçün müəmmalıdır. Amma məsələ budur ki, bu ifadə işləndi: "Sumqayıtda deyirləre"

Bu kimi hallarla bundan əvvəl də rastlaşmışdım. Məsəlçün: aa yalannan ifadəsi. Hətta vəziyyət o həddə çatır ki, ayrı dildə danışdığımızı fikirləşəcəm.
qayınana yolu Ilk dəfə 2009-2010-cu ildə eşitmişdim bu ifadəni. Özü də sözügedən yola yaxın məsafədə yerləşən qəsəbələrdən birində.

Azərbaycan Respublikasının ilk prezidenti Ayaz Mütəllibov o vaxtı qayınanasının Pirşağıda yerləşən bağ evinə Sabunçu dairəsindən (bugünkü Sabunçu körpüsü) asfalt yol çəkdirib və beləcə həmin yolun yerli əhali arasındakı adı "Qayınana yolu" kimi qalıb.



(bax: öyrənildiyində təəccübləndirən məlumatlar)
1988-ci il sumqayıt hadisələri Sumqayıt hadisələri vaxtı oğlu əsgərlikdə olan Lida Aleksanyan adlı erməni valideyn danışdığı xatirələrində qeyd edir:

"Oğlum Almaniyada əsgərlikdə idi. Qətliamdan sonra yoldaşımla hərbi komissarlığa getdik. Yerevana köçəcəyimizi deyib, oğlumuza Sumqayıta qayıtmamasını demələrini xahiş etdik. Yox deyib, ermənilərin doğulduğu yerə qayıtmalı olduqlarını söylədilər.

Beləcə, qətliamdan sonra 10 ay gözlədik. Noyabrda oğlum əsgərlikdən qayıtdı və ertəsi gün Ermənistana gəldik."
sumgzeit Dünənə qədər elə bilirdim fəaliyyətlərinə xitam veriblər, dünən (de-yure bugün) gecə Youtube'da eşələnəndə "Beyond Depressed..." adlı yeni mahnıları ilə qarşılaşdım, sonra da bir-iki kruq facebook səhifələrinə nəzər saldım. Məlum oldu ki, qrup nə az, nə çox düz bir ildən sonra yenidən fəaliyyətlərini davam etdirməyə başlayıblar, hətta yeni loqo link da istifadəyə veriblər.

Çox uzun fasilə verməsinlər, yaxşısız, uşaqlar.
antonov an-2 Dünən ilk dəfə Ağstafa səmasında canlı müşahidə etdiyim təyyarə. Deyilənə görə türkiyəli iş adamları əkin sahələrinin dərmanlaması üçün istifadə edirlər. Səsi vertolyot səsinə oxşayır, baxanda görürsən ki, təyyarədir. Adətən 200 metrədək ən aşağı hündürlükdə 150-170 km/saat az sürətlə uçuş yerinə yetirirlər.
sumqayıtda şəhər əfsanələri Sumqayıtda bulvarın yaradılması söhbətləri neçə ilin söhbətidir (ən az 5 ilin), hətta Ilham Əliyev Sumqayıta səfəri zamanı bulvarla bağlı Az TV təbirincə desək, tapşırıqlar vermişdi. Elə bu tapşırıqlardan sonra şəhər sakinləri arasında Sumqayıtın Fransanın Nitsa şəhərinə oxşayacağı ilə bağlı söhbətlər gəzməyə başlamışdı, amma ortada əməli bir iş yox idi və üstəlik də üstündən neçə il keçmişdi, yaddan çıxmaq üzrə idi. Bu yaxınlarda Yuxunun məşhur "Gördüm burda, gör nələr yaşıl bağlar, dərələr - Xəzərin sahilində" misralarında nəzərdə tutulan Xəzərin Sumqayıt sahillərində əməli işlərin ilkin elementləri hiss olunmağa başlanılıb və beləcə ortaya belə bir "Şəhər əfsanəsi" çıxıb:

Bu yaxınlarda köhnə icra başçısı Eldar Əzizovu əvəzləyərək Sumqayıt şəhər Icra Başçısı vəzifəsinə gətirilən Zakir Fərəcov prezidentin (bax: Ilham Əliyev) qəbulunda Sumqayıtı bulvarı məsələsini qabardıb, prezident də deyib ki, özün bilirsən də vəziyyət nə yerdədir, yetim - kassada pul yoxdur. Zakir də qayıdıb deyib ki, əsas niyyətdir, niyyəti gözəl olanın əməli də gözəl olarmış: 2 (şərti rəqəm - red.) ildən sonra açılışda gözləyirik, qayçı yaddan çıxmasın.
antonov an-225 Bugünlərdə (14 noyabr 2015) Bakı Beynəlxalq Hava Limanında qonaq olan dünyanın ən böyük təyyarəsi hesab olunan 6 motorlu yük təyyarəsi. Aviasiya aləmində Mriya (ukraynca "Arzu" deməkdir) ləqəbi ilə tanınır.

Sovetlərin sonlarına yaxın Buran kosmik gəmisini daşımaq üçün hazırlansa da, iş elə gətirib ki, təyinatı üzrə çox istifadə olunmayıb və Sovetlərin dağılması ilə bir müddət təkliyinə buraxılıb. Bu "bir müddət" ərzində Ukraynlar təyyarənin paslanmasına razı olmayıb fikirləşiblər ki, vaxtilə buna kalan xərc tökülüb, boş-boşuna dayanınca elə yük təyyarəsi kimi istifadə edilsə, qaz vurub qazan doldurarlar və beləcə təyyarənin pasın təmizləyib klent gözləməyə başlayıblar. Demək olar ki də uğurlu alınıb, çünki öz sahələrində, öz çəkilərində rəqibləri yoxdur. Deyilənə görə Bakıya Böyük Britaniyadan 190 tonluq neft-qaz qurğusu gətiriblər. Yəni əsasən bu tip sifarişləri yerinə yetirirlər.

32 təkəri olan təyyarə polnu bakla 15 min 400 km məsafə qət edə bilər.
maxe Bu gün N saylı hərbi hissələrin birində iki əsgərin yarı zarafat, yarı ciddi belə bir dialoquna şahid oldum:

- Eşitdim maxe qalassan?
- Maxe nədi, ala. Arvadın axırıncı yolu qəhbəlikdi, kişininki maxelik.
1 2 3 4 5 6 7 8 9 10 11 12 13 14 15 16 17 18 19 20