ubermensch


319   29   3   1
ubermensch 4.nəsil moderator
reytinq xalı: 1282
karma xalı:2927
entry sayı:319
izləyənlər:22
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
https://www.youtube.com/watch?v=Fu_Enr8JY5E

hər şeydən bir az bilib heç nəyi tam bilməmək təxminən 17 aydır sürətlə uzaqlaşdığım, ürpədici haldır. təcrid olunmanın başqa bir növüdür. tərsi olan - bir şeyi tam (tam mümkün deyil, qənaətbəxş deyək) bilib digər şeyləri az və ya heç bilməməkdir. bir növ trade off da demək olar, bir şeydən qurban verib, başqa bir şeyi qazanmaq halı yəni. o tam bilməli olduğun şeyi - bir çoxumuz üçün sənətimizdir bu - qazanmaq üçün digər fəaliyyətlərə ayırdığın zamanı, resursları, enerjini minimuma endirib bir sahəyə fokuslanmağı tələb edir. bu 3şey əslində çox şeyi ehtiva edir: hazırki və yaşıllaşmaq potensialı olan münasibətlərini, sosial həyatını, ailəni, eləməkdən zövq aldığın şeyləri - bir sözlə özünü kənara qoyub bir yerə fokuslanırsan. düzü, vaxt keçdikcə başqa yolunun olmadığını görməyə başlayırsan, rahat fokuslana bilmək üçün yük ola biləcək şeylərdən qurtulmalısan.
(youtube: )
18:44də nasada işləyən programçı bu haqda danışır.

məqsədin var, yaxşı mühəndis olmağı hədəfləmisən. eynilə whiplashdakı andrewun süjet irəlilədikcə rəngi tündləşən köynəyi kimi sənin də həyatın qaralmağa başlayır. bu yolda ağına-bozuna baxmadan hər şeyi qurban verməyi hazırsan, kilitlənirsən. (bax: grit) özünə və cəmiyyətə yadlaşdığını hər addımda hiss edirsən - (bax: alienation)- uşaqlar yolda nəsə danışıb, hırldayanda, sən k əməliyyatını necə daha effektiv edə biləcəyini düşünürsən. Düşünməkdən başqa yolun da yoxdur, çünki artıq onlarla danışacaq ortaq mövuların da qalmayıb, danışdıqları mənasız gəlir sənə.
(bax: tualetə owaspla girmək) -*

hər şeyi kənara qoyub dəyərləndirmə eləsək bunun yaxşı nəticələnməyəcəyini hiss edərik. hələ o vaxtlar, iqtisadçı adam smithin irəli sürdüyü ixtisaslaşmanı - hər kəsin ancaq bir vəzifəsi olub, onu icra etməsi halını - karl marx yadlaşma - alienation - ilə nəticələndiyinə görə tənqid eləmişdi. sözümün canı, başlığın tam tərs halı da pek matah bir şey deyil. yenə də fərdə, tercihe bağlıdır. ən böyük trade off da yaşamaq və öyrənmək arasında olur. əgər fərd öyrənməkdən həzz alırsa və bunu elə yaşamaq olaraq görürsə yuxarıda sadaladıqlarım onun üçün qeyri-adi olmayacaqdır.
codeigniter noobie frameworku. çox sevilməsinin səbəbi də asan olmasından qaynaqlanır. $this->load->model deyib modeli çağırdın, içində də database əlaqələrini yazdın bitdi. əti-canı budur yəni. xəbər saytı kimi yüngül şeylər yazmaq olar amma ciddi layihələr üçün uğursuz seçim hesab edirəm. Dokumentasiyasında MVC frameworku yazılıb, nah mvc-di, bütün bussiness logic controllerdə gedir, halbuki mvc strukturu business logic-in modeldə getməsini tələb edir.
burda yazılıb haqqında business-logic-in-mvc link

fat model skinny controller məntiqi ümumiyyətlə gözlənmir, heç öz dokumentasiyasında verilən nümunədə link belə bu qorunmur, ci-də modellər ancaq database münasibətləri üçün istifadə olunur. desən ki, controllerə yazmayıb modeldə yaz business logici, çatışmadığı yerlər olur. məsələn, custom validation methodu yazanda müraciət edə bilmək üçün mütləq controllerdə yerləşdirməlisən.

view-lar template sistemindən başqa heç bir iş görmür. burda link da yazıldığı kimi view template fileı deyil. yəni ki, burda da mvc prinsipi qorunmur.

codeigniter əslində pac (Presentation-abstraction-control) prinsipini həyata keçirir. yuxarıdakıları və bu linkdəki link məlumatları oxuduqdan sonra buna əmin olmaq olar.

çatışmazlıqlarını istifadə etdikdə daha çox görmək olur. məsələn, ən vacib şeylərdən biri olan decoupling gözlənmir. var sayaq ki, bir method yazırsan ki, başqa yerlərdə istifadə edəsən ona dependecy inject edə bilmirsən.
burdan link uzun oxumaq olar haqqında.

edit:
mdn-dən alıntı: view ...and receive the data to display from the model. yəni view elə dummy template fileı deyil, özü modelə müraciət edib lazımi datanı ala bilir. link link
misophonia müxtəlif səslərə dözümsüz olmaq halı, psixolojik xəstəlik də deyirlər. təkcə yemək-içməklə bağlı səslərə deyil, stulun gıcırdamasına, telefondan gələn təkrarlanan səslərə və.s görə də narahat olmaq var içərisində. bu rahatsızlığa sahib insanlar ümumi yemək yeyilən yerlərdən, restoranlardan, kafelərdən və.s maksimum qaçmağa çalışırlar. çünki həssas olduqları səsləri eşitdikdə səsin qaynağını susdurmaq üçün əlindən gələni etməkdə tərəddüd eləmirlər. və bunu qeyri-iradi edirlər.

(bax: çayı dodağını uzadıb hörtüldədib içən insan)
çayı dodağını uzadıb hörtüldədib içən insan başına vura-vura gic edilməsi gərəkən insandır. otaqda tam səssizlikdir, bircə prosessorun fanının uğultusu bu səssizliyi pozmağa çalışır, kreslonu qabağa çəkib hazırlaşırsan ki, işini görəsən, bu anda gijdıllağın biri başlayır stəkandan çayı hörtüldədib içməyə. monitordan başını yana çıxarıb üzünə baxırsan ki, bəlkə görüb başa düşər, amma yox, xiyar taxıb qulağına qulaqcığı, inək göldən su içən kimi çay içir. səslənib deyirsən ki, ay filankəs bu şoğəribin götünü azca qaldır, * çay avtomatik ağzına gələcək, cavab alırsan ki, çox qaynardı. bunun da çarəsi var və xoşbəxtlikdən o qədər də qəliz bir şey deyil. 2 dəqiqə gözləyirsən, soyuyur. yanındakıları xəstə eləməməkdən əlavə ağzın da yanmamış olur bu halda. buna bənzər hissləri yemək yeyəndə də yaşamaq olar, qaşığı azca qaldırmağın əvəzinə, şorbanı hörtüldədən tiplər də az deyil. xülasə, tez bir zamanda bu vərdişindən əl çəkməli insandır, süfrə etiketini qoydum bir kənara, əsəbi birinin əlindən qurtulmaya da bilər.
dürmək içərisində yağ, * pendir olan bükülmüş lavaş. qarlı havada bütün günü çöldə sürüşməkdən evə getməyən, dolaysıyla yemək yeməyən uşağın ən sevdiyi yemək *.
(bax: uşaqlığı xatırladan şeylər )
haillucifer oxuyarkən xeyli gülümsədən, üslubunu sevdiyim, 5.nəsillərin içərisindən çıxan düz-əməlli yazarlardan biri. izləməyə də almışam. severek izliyoruz -*
nasa belə bir c++ kodlama standartı olan kosmik idarə. doc link good practicelər üçün oxumaq olar.
(bax: psr)
naber umut sarıkayanın uykusuzdan ayrıldıqdan sonra çıxartığı mizah və ədəbiyyat dərgisidir. köhnə buraxılışlarını tapmaq bir qədər çətindir, bir müddət əvvəl kitapyurdu.com baxanda bəzilərini görmüşdüm, dollar fərqi səbəbilə ucuza almaq olar.
mysql eyni zamanda php-nin mysql'ə qoşulmaq üçün təklif etdiyi apidır - idi. 2013-cü ildə php 5.5 versiyası çıxanda rəsmi olaraq deprecated statusunu almışdı, 2015-ci ildə çıxan php 7.0 versiyasında isə ümumiyyətlə yığışdırılmışdı.
gün etibarilə sözlük sistemindən də tamamilə çıxarılmışdır, bu bizə 2 şey qazandırdı: security və php 7-nin performansından istifadə edə bilmək şansı.

(bax: sözlüyümüzün günü-gündən çiçəklənməsi) -*
sözlük qaydaları 1. entry başlığı açıqlamaq məqsədi güdməlidir, yəni yazılan entry bu nə deməkdir? sualına cavab verməlidir. pink floyd başlığına ən sevdiyim qrup yazıb entryni sonlandırmaq formata ziddir. sözlük eyni zamanda subyektiv fikirlər ehtiva etdiyindən nəyini bəyəndiyini bildirməyə məcbursan. nədi bu musiqi qrupunu sevmə səbəbin, film başlığına yazdığın mükəmməl film-i mükəmməl edən nədir? ilk entryni yazan xüsusilə diqqətli olmalıdır, başlığın tam açıqlamasını verməlidir, məsələn, pink floyd başlığına ən sevdiyim qrupdur yazıb bunu açıqlasa yenə formatı pozmuş olur. mütləq tərif verməlidir ki, filan ildə qurulub, filan hadisələr baş verib, filan şeylərə imza atıb və.s

2. entry başlığı tək başına izah etməyi bacarmalıdır, yəni başqa entrylərdən asılılığı olmamalıdır, onlara cavab xarakteri daşımamalıdır. #entry_id yazıb onu izah eləmək olmaz[1], yaxud beş yuxarıdakı entry deyib ona cavab vermək yenə olmaz.


3. entryləri təkrar yazmaq olmaz. əgər daha əvvəl yazılıbsa təkrar yazmaq sözlüyü zibilliyə çevirəcəkdir. nümunə göstərim, ekşidə əvvəllər icazə vermirdilər təkrar yazmağa, bir neçə ildi ki, bu qayda qalxıb, zibilliyə dönüb artıq. (başqa səbəblər də var, bu da onlardan biridir)

4. zibil profil yaratmaq olmaz, yəni hər başlığa uydu-uymadı azərbaycanda yaşamaq baxını verən, entrylərinin 60%i günü ifadə edən tək kəlmə başlığı dolduran profilin yiyəsi sözlüklə twitteri səhv salmışdır, ştatdan kənarlaşdırma ilə nəticələnəcəkdir.
nümunə: link link

5. əgər entry tək cümlədən ibarətdirsə onu bax şəklində yazmaq lazımdır. bax-lardan da diqqətli istifadə etmək vacibdir, bax potensial olaraq başlığa çevrilə biləcək formatda olmalıdır.

6. yazılan entry 3.şəxsləri təhqir etməməli, şərəf və ləyaqətini alçaltmamalıdır. yazan yazar xəbərdarlıq alacaq və ya uçurulacaqdır, entry də silinəcəkdir.

[1] nickaltılar istisnadır.
fazıl say bir tv programında eyni parçanı az əvvəl ifa edən yapon pianistin sözün həqiqi mənasında ağzını ayırıb (1:06) baxdığı türk pianist. axırda utanaraq gülümsəməsi ilə könlümü fəth etmişdir.
sözügedən video:
(youtube: )

1:30da yapon pianistin heyranlığı gözlərindən oxunur.
necə unudum səni Sözləri Zivər Ağayeva, musiqisi Oktay Rəcəbova məxsus bu mahnı Flora Kərimova, teymur əmrah, elşən dadaşov kimi artistlər tərəfindən ifa edilmişdir. winampda mahnı oxutduğumuz vaxtları xatırladır mənə. mahnılar qovluğunda olan əlli neçə mahnıdan atamın ən çox xoşladığı bu idi.

Könlümün sirdaşısan,
Necə unudum səni?
Gözlərimin yaşısan,
Necə unudum səni?
Ürəyimdə qorundun,
Saçlarımda dən oldun,
Alnımın qırşısan,
Necə unudum səni?
Çəmən yaşıl, göy dəniz.
Ömrə vaxtsız-və`dəsiz
Gətirmisən qışı sən,
Necə unudum səni?
Ürəyimdə qorundun,
Saçlarımda dən oldun,
Alnımın qırşısan,
Necə unudum səni?
Arzuya-kama çatdıq,
Biz bir dünya yaratdıq,
Torpağı mən, daşı sən,
Necə unudum səni?
Ürəyimdə qorundun
Saçlarımda dən oldun
Alnımın qırşısan,
Necə unudum səni?

(youtube: )
doğramac qatıq, su, xiyar, zövqə görə sarımsaq və müxtəlif növ göyərtilərin qarışdırılmasından ortaya çıxan mükəmməl yeməyimsi -* yayda xüsusilə əvəzedilməzdir.
1 2 3 4 5 6 7 8 9 10 11 12 13 14 15 16 17 18 19 20