ad gününün tarixi

Yəqin ki, hər birimiz bir dəfə də olsun ad günümüzü qeyd etmişik.
Bəs ad günün qeyd etmək ənənəsi haradan gəlir?
Araşdırmalara görə dünya tarixində ilk “ad günü ayinləri” Qədim Misirdə keçirilmişdir.
Rəsmi olaraq isə ilk dəfə ad gününü qeyd edən şəxs Kleopatradır.

Əslinə qalarsa ad günlərinin qeyd edilməsi mədəniyyətlərdən asılı olaraq fərqlilik göstərmişdir.
Osmanlıda padşahların taxta çıxma günləri, şahzadələrin toyları və sünnət kimi yığıncaqlar “ad günü” adı altında qeyd olunmuşdur.
Qədim Romada görkəmli şəxsiyyətlərlə bağlı olan günləri ad günü kimi qeyd edirdilər.
Qədim Yunanıstanda isə bu prosesə tortlar da əlavə olunmuşdur. Belə ki, yunanlılar ay tanrısı Artemisin şərəfinə tez-tez şirniyyatlar bişirərmişlər.

Bişirdikləri bu şirniyyatların üzərinə şam da düzürdülər. Şamın alovu ayı, şamdan çıxan tüstü isə Artemisin əbədi ruhunu təmsil edirdi.

gay bombası

ilk öncə qeyd etməliyəm ki, bu entry’də yazdıqlarım fərziyyədən ibarətdir.
Deyilənlərə görə, 1994-cü ildə amerika müdafiə nazirliyi düşmənləri öldürməyən, amma onları zəiflədən və təsirsiz hala salan silah kəşf etmək axtarışında idilər.
Uzun axtarışlardan sonra bu “silahın” cinsi istək oluduğu nəticəsinə gəlindi.
Belə ki, hazırlanan silah içində kimyəvi maddələrlə zəngin duman olacaqdı və bu duman ətrafa yayıldığı zaman düşmən əsgərlərinin bir-birinə qarşı cinsi istəyini artıracaq və onları zərərsizləşdirəcəkdi.

Bütün bunlara görə, silaha gay bombası adı verildi.
Bəzi mənbələrə görə bu silah düşmən əsgərləri üzərində istifadə edilmişdir.

Hadisənin ən gülməli tərəfi isə bu proyektə ig nobel “mükafatının” verilməsidir.
Qeyd etmək lazımdır ki, bu “mükafat” ən lazımsız və ən mənasız araşdırmalara verilir.

makiavellizm

Nikkolo Makiavellinin 1531-ci ildə çap olunan "hökmdar" əsərindən sonra yaranan termin.
Qeyd etməliyəm ki, makiavelli siyasətdə realizm anlayışını yaradan şəxsdir, buna görə də bir çoxu onu siyasətin zirvəsi adlandırır.
Makiavellizm termini hiyləgər, tülkü xarakterli insanları ifadə etmək üçün istifadə olunur, hətta bəzən təhqir mənasında da istifadə oluna bilər.
Belə ki, makiavelli "hökmdar" əsərində belə bir məqama toxunur: "siyasətçi öz məqsədinə çatmaq üçün hər yoldan istifadə edə bilər, hətta lazım gəldikdə o öz vicdan və şərəfini kənara atmalıdır".
Yəni makiavelli qeyd edir ki, siyasi aləmə daxil olmusansa, çirklənmək məcburiyyətindəsən.
uzun sözün qısası, makiavelli üçün bu gün qatığa ağ deyib, sabahı qatıq qaradır demək, adi haldır.

from dusk till dawn

1996-cı ildə çəkilmiş ssenaristi quentin tarantino, rejissoru isə robert rodriguez olan film.
Bu yazımda isə filmdəki qəribə olmaqla yanaşı, bunu ancaq tarantino edərdi deyəcəyimiz bir səhnədən danışmaq istərdim.
Belə ki, tarantino da bu filmdə rol almışdır.
Səhnələrin birində salma hayeklə tarantino arasında qəribə bir kadr canlandırılır. Tarantino hayekin ayaqlarını yalayaraq, onun ayaqlarından içki içir.


Özün yazdığın ssenariyə bu səhnəni daxil etmək yəqin ki, xarizmanın ən pik həddidir.

papa və pişiklər

(baxma: Pişik qətliamı)
1227-1241-ci illərdə papa olmuş IX qriqori tarixə “pişik qətliamı” ilə keçməyi bacarmışdır.

Belə ki, pişiklər avropaya misirdən gətirilmişdi. Siçanlar və digər gəmiricilərlə mübarizədə səmərəli olan pişiklər qısa müddət ərzində avropa əhalisi tərəfindən sevilməyə başlanmışdı.
Papa IX qriqori taxta oturduqdan sonra isə, pişiklər kütləvi şəkildə öldürüldü. Səbəbi isə papanın pişikləri şeytan adlandırması və özlərində şeytanlığı daşıdıqlarını iddia etməsi idi.
Bu illər ərzində milyonlarla pişik öldürülsə də, papa pişiklərin nəslini kəsə bilmədi.

Avropada pişiklərin sayının xeyli azalması siçanların yaydığı xəstəliklər zamanı öz mənfi təsirini göstərdi.

süni intellekt

Süni intellekt tərəfindən yaradılan evsiz və kasıb siyasətçilərin fotoları :

faydalı saytlar

Bu gün təhsil, iş və gündəlik həyatımızda yararlı olacaq bəzi sayt məsləhətləri vermək istərdim :
1. slidesgo - bu saytda on minlərlə hazır professional slayd şablonları mövcuddur və siz demək olar ki, istədiyiniz mövzu barədə şablon tapa bilərsiniz.

2. Vocabulary - sayt vasitəsilə siz ingilis dilinizi inkişaf etdirə, yeni sözləri, onların cümlə daxilində istifadə qaydalarını və frazaları öyrənə bilərsiniz.
Həmçinin dil biliklərinizi inkişaf etdirmək üçün sayt daxilində lüğət oyunu da oynaya bilərsiniz.

3. Kinoo.club - bu saytda siz ingiliscə, rusca, türkcə və azərbaycan dilində olan filmlər izləyə bilərsiniz.

4. Manybooks - sayt köməyi ilə ingilis dilində olan minlərlə kitabı pulsuz şəkildə oxuya bilərsiniz. Həmçinin kateqoriyalar üzrə öz dil səviyyənizə uyğun kitablar əldə etmək mümkündür.

5. Azleks - saytın köməyi ilə fars, ərəb, rus dilində olan sözlərin azərbaycan dilində qarşılığını və onların məqalələr, kitablar, şeirlər üzrə istifadəsini tapa bilərsiniz.

visbaden kazinosu

Dostoyevskinin borclu olduğu kazino
Almaniyada - visbadendə yerləşən bu kazinonun çox xüsusi bir tərəfi var.
Belə ki, dünyaca məşhur yazıçı fyodor dostoyevskinin bu kazinoya 240 min avro borcu var. dostoyevskinin ən sevimli məşğuliyyətlərindən biri də qumar oynamaq idi, amma görünür dostoyevski bu oyunda elə də uğurlu deyilmiş.

Hətta, bəzi iddialara görə dostoyevski 26 günə yazdığı “qumarbaz” əsərini belə öz qumar borclarını ödəmək üçün yazmışdır.
Kazinoya yüzlərlə rus gələrək öz vətəndaşının borcunu bağlamaq istəsə də, kazino bununla razılaşmamışdı. Səbəbi isə dostoyevskinin bura borclu olması və buna görə dəkazinonun xeyli müştəri toplaması idi.
Bəzi iddialara görə isə milyarder roman abramoviç öz həmyerlisinin borcunu ödəməyə nail olmuşdur.

qadına şiddət

qadına şiddətin tarixi
Çox aciz bir hərəkət olan qadına şiddətin tarixi 3000 əvvələ qədər gedib çıxır. Belə ki, qədim insanların skeletləri üzərində araşdırmalar aparılarkən bir çox qadın skeletinin baş nahiyəsində qırıqlar aşkar edilmişdir. Araşdırmacıların fikrincə bu qırıqlar daş və ya hər hansı bir küt alətlə zərbə endirildikdən sonra yaranmışdır.

Qadına şiddəti cinayət sayan ilk qanun isə 1883-cü ildə Marylandda qəbul edilmişdir.

mrbeast

1998-ci ildə anadan olmuş amerikalı youtuber.
138 milyon abunəyə sahibdir, videolarının izlənmə sayı isə 24 milyarda yaxındır.
Bəs o öldüyü zaman kanalı kimə qalacaq?
Mrbeast verdiyi bir müsahibə zamanı qeyd edib ki, o öldüyü zaman carl, chandler və chris ( bu şəxslər onun videolarında iştirak edən dostlarıdır) məzar üzərinə gələrək bir video çəkəcəklər və məzar daşından əlini ən son çəkən kanalın sahibi olacaq.