qordi düyünü - qordi kiçik asiyada frigiya dövlətinin əfsanəvi hökmdarı idi. rəvayətə görə, o, paytaxtı qordionda boyunduruğu mürəkkəb ilgəklərlə düyünlənmiş araba qoyubmuş. belə hesab olunurmuş ki, kim "qordi düyünü"nü aça bilsə, o, asiyanın hökmdarı olacaq. onu açmağa cəhd göstərən makedoniyalı isgəndər də ona qədər çalışanlar kimi istəyinə çata bilmir. bu zaman o, "qordi düyünü"nü qılıncı ilə doğrayır. dövrümüzdə işlədilən "qordi düyününü doğramaq" ifadəsi hər hansı qarışıq məsələni başa çatdırmaq mənasını bildirir .. [1]
Digər baxışlar
allenginsberg
əfsanəyə görə açanın asiyanın hakimi olacağına inanılan düyün.
özlərinə yeni bir kral axtarışında olan friqiyalılar şəhərə öz öküzü ilə girən ilk adamın krallıq taxtına layiq olduğuna inanırlar. bu adam yoxsul bir kəndli olan gordios olur. gordios kral elan edildikdən sonra öz arabasını friqiya tanrısı olan sabazios'un məbədinə bir düyün ilə bağlayır və bu düyünü açan ilk şəxsin asiyanın fatehi olacağını söyləyir.
tarix e.ə 334. ili göstərdikdə makedoniyalı isgəndər'in yolu gordion şəhərinə çıxır. o düyünü açmağa çalışsa da bunu bacarmır və ən sonda öz qılıncını çəkib düyünü ortadan ikiyə ayırır. əfsanədəki kimi həqiqətən də isgəndər asiya fatehi olma yolunda əmin adımlarla ilərləyərkən 33 yaşında xəstəlikdən ölür. dövrün bir çox insanı bunun məhz isgəndərin gordion düyününə göstərdiyi səbrsizliyin cəzası olduğuna inanır.
indi də "gordion düyününü açmaq" deyimi çətin bir işi zor yolu ilə həll etdikdə istifadə edilir. [2]
İstinadlar
- sensei93. «qordion düyünü». Sözaltı sözlük, 07.05.2017. soz6.com
- allenginsberg. «qordion düyünü». Sözaltı sözlük, 31.08.2022. soz6.com