illər boyu bacarıqsız sosialist dövlətlər tərəfindən səhv tanıdılan ideologiyadır. dünyada elə bir dövlət yoxdur və olmayıb ki, tam anlamı ilə kommunizmə keçə bilsin, ancaq hərislikləri və bacarıqsızları ucbatından sosializmin çəngəlində ilişib qalıblar. kommunizm əgər düzgün tətbiq edilsə, hər cəhətdən mükəmməl bir sistemdir. sanılanın əksinə kommunizm ideologiyası dinin düşməni deyil, əksinə hər növ dini düşüncənin azad ibadəti üçün şərait yaradır. bir dini görüşü bu və ya, digər səbəbə görə digərindən üstün saymır. sovet sosialist respublikasının ilk yarandığı vaxtlarında olduğu kimi, amma hər sistem kimi onun da sonda zibilini çıxartdılar. kommunizm marksizm kimi işçinin haqqını qoruyan, burjuaziya təbəqəsinin hökmranlığını əlindən alan bir sistemdir. pulun və şəxsi mülkiyyətin yox olduğu və bunun müqabilində də dövlət deyə bir anlayışa ehtiyacın olmadığı bir ütopiyanı təmsil edir. kommunizm sistemi kapitalizm kimi pulun üstünə qurulmadığı üçün zəifi qoruyan, pulu olanın borusunun ötmədiyi bir sistem olmalı idi. dolayısı ilə belə bir sistem yurisdiksiya anlayışının da üstündən xətt çəkəcək. burjuaziyanın kapitalizmi tək çıxış yolu kimi göstərməkdə ən əsas məqsədi, mövcud statuslarını qorumaqdır. ona görə də, alt siniflərə xəyal satmaqla məşğuldurlar. din, siyasət kimi mövzularla insanları bölüb, öz yerlərini möhkəmləndirirlər. kommunizmi illər boyu düşmən kimi göstərib, bacarıqsız, totalitar, sosialist dövlətlərin öz çıxarları üçün yeritdikləri siyasəti ideologiya adı ilə camaata sırıyırlar. [1]
Digər baxışlar
redpanzer
ictimai-iqtisadi quruluş, formasiya, istehsal üsulu. ibtidai dövrü (ibtidai kommunizm) çıxmaqla, heç vaxt mövcud olmamışdır. (keçmiş ssri və ona oxşar təşəkküllər kapitalizm və kommunizm arasındakı keçid dövründə olan, bürokratik olaraq sıradan çıxmış, fəhlə dövlətinə malik cəmiyyətlər idilər). həmçinin dialektikanın inkarı inkar qanununa və spiralvari inkişafa əsasən ibtidai kommunizmin tarixən daha yüksək tarixi zəmində təkrarlanması olacaq: tarix hər dəfə daha yüksək zəmində təkərrürləri ehtiva edir. tarix təkərrür edir
sinifsiz, dövlətsiz, istismarsız cəmiyyətdir. iki fazadan ibarətdir: aşağı faza və yuxarı faza. aradakı fərq ondan ibarətdir ki, aşağı fazadan fərqli olaraq yuxarı fazada insanlar tələbatlarına görə ümumi gəlirdən (və ya sərvətdən) götürürlər. bunun səbəbi insanların bərabər olmamasıdır! yəni kommunizm insanları bərabərləşdirmir, eyniləşdirmir, insanların bərabər olmadığını dərk edir və ona görə də tədbirlər görür. fazalararası fərqlərin səbəbi burjua dəyər fenomeninin (nə qədər verdinsə, o qədər götür), əqli və fiziki əmək arasındakı ziddiyyətin aradan qaldırılmasının tədricən baş verməsidir.
indi baxaq: əvvəlcə milli inqilablarla başlayan inqilabi proses; sonra onun dünya inqilabı kimi hər yerə yayılması, əsasən də inkişaf etmiş ölkələrə sirayət etməsi; beynəlxalq burjuaziya devrildikdən sonra dünya sosialist federasiyasının keçid dövrünün tələblərinə uyğun olaraq hərəkət etməsi və kommunizmə doğru addımlaması; sonra isə kommunizm və onun fazaları.
mümkündürmü? əlbəttə! varlı insanların yaşadıqları yaşayış komplekslərinə baxın, varlı insanların övladlarının qaldığı yataqxanalara baxın, başa düşəcəksiniz ki, mümkündür.
amma yol uzundur. hələ çox qan töküləcək. [2]
İstinadlar
- obi-wan çələbi. «kommunizm». Sözaltı sözlük, 08.07.2020. soz6.com
- redpanzer. «kommunizm». Sözaltı sözlük, 08.07.2020. soz6.com