(gbax: alien) seriyasına daxil olan ilk serial. serialın ssenaristi və rejissoru (gbax: fargo) və (gbax: legion) seriallarının da ssenaristi olan noah hawley-di. rollarda da Sydney Chandler və Alex Lawther kimi aktyorlar var.
serial prometheus filmindən 27 il sonra, ilk alien filmindən isə 2 il əvvəl keçir. weyland-yutani şirkətinə məxsus olan və içində kainatın müxtəlif yerlərindən toplamış təhlükəli canlıları daşıyan kosmik gəmi yerə qəza enişi edir. gəmi dünyada hakim olan digər bir meqa-şirkət, prodigy-yə məxsus şəhərə düşür və içindəki canlılar sərbəst qalır.
fx kanalı tərəfindən çəkilən serial hələlik 1 sezon və 8 bölümdən ibarətdi. hər həftə bir bölüm yayımlanır. ilk 3 bölümünü izləmiş olaraq deyim ki, çox ağır templə gedir. başqa serialların 1 bölümdə göstərəcəyi şeyi burda 3 bölümdə baş verir. alien filmlərində hadisələrin həmişə kosmosda ya da başqa planetlərdə baş verdiyini nəzərə alsaq, yer kürəsini, burda hakim olan meqa-şirkətləri və onlar arasındakı siyasi rəqabəti göstərməsi maraqlıdı.
həmçinin serial ilk bölümdən ekrana fəlsəfə atmağa başlayır. insan zəkasının robota yüklənməsi, bu robotların duyğuları və ya ruhu olub-olmaması, ölümsüzlük axtarışı kimi mövzulara toxunur. [1]