Azərbaycan Beynəlxalq Bankının (ABB) İdarə Heyətinin sədri Abbas İbrahimov müsahibə verib.
- Avqustun 23-də Azərbaycan və Özbəkistan prezidentlərinin iştirakı ilə ABB Davr layihəsinə rəsmi başlanğıc verilib. İndi çoxları maraqlandıran əsas sual budur ki, ABB Davr Brendi altında fəaliyyət nə vaxt başlanacaq?
- Bəli, bu gün bizim üçün tarixi gün oldu. Azərbaycan Respublikasının Prezidenti cənab İlham Əliyevin və Özbəkistan Respublikasının Prezidenti cənab Şavkat Mirziyoyev ilə ABB Davr layihəsinə rəsmi start verilib. Azərbaycan Prezidenti bu hadisəni aparıcı Azərbaycan bankının Özbəkistan bazarına daxil olması qiymətləndirilib. Bu, bizim üçün həm böyük qürur, həm də böyük məsuliyyətdir.
Bu layihəyə göstərdikləri yüksək dəstəyə görə Azərbaycan və Özbəkistan prezidentlərinə təşəkkürümüzü bildiririk. Eyni zamanda, layihənin bu mərhələyə çatdığı çatmasında bizə dəstək olmuş hər iki ölkənin Mərkəzi Banklarına, eləcə də dövlət qurumlarına Azərbaycan Respublikasının İqtisadiyyat Nazirliyinə, Özbəkistan Respublikasının İnvestisiyaları, Sənaye və Ticarət Nazirliyinə, Rəqabətin İnkişafı və İstehlakçı Hüquqlarının Müdafiəsi Komitəsinə təşəkkür edirik.
Layihənin rəsmi başlanğıcından əvvəl tələb edilən bütün rəsmi icazələr alınıb və səhmlərin alqı-satqı müqaviləsi artıq imzalanıb. Növbəti mərhələdə qanunvericiliyə və müqavilədə nəzərdə tutulmuş prosedurlara uyğun olaraq səhmlərin hüquqi köçürmələri və səhmdarlar reyestrində müvafiq dəyişikliklərin edilməsi nəzərdə tutulmuşdur. Bu proses tamamlanıb ABB Davr Bankın əsas səhmdarı olacaq. Bu prosesin qarşıdakı 7-10 gün ərzində yekunlaşmasını gözləyirik.
ABB Davr Brendi altında fəaliyyət və bankın adının dəyişməsi ilə bağlı rəsmi prosedurları dərhal sonra başlanacaq. Düşünürəm ki, təxminən oktyabrda artıq ABB Davr brendini görəcəyik.
Xülasə — davamını mənbədə oxuyun.
