İsraildə səfərdə olan azərbaycanlı jurnalistlər ölkənin şimalında yerləşən, UNESCO-nun Ümumdünya İrs Siyahısına daxil edilən Akko şəhərinə səfər ediblər.
APA-nın İsrailə ezm edilmiş müxbiri xəbər verir ki, səfər çərçivəsində jurnalistlər Akko şəhərində fəaliyyət göstərən Dağ Yəhudiləri İrsinin Koordinasiya Mərkəzində İsrail-Azərbaycan icmasının nümayəndələri ilə görüşüblər.
Görüşdə iştirak edən Akko şəhərinin meri Ohad Seqev Azərbaycanla İsrail arasında əlaqələrin inkişafından məmnunluğunu ifadə edib.
Görüş zamanı şəhər meri Azərbaycanın Milli Qəhrəmanı Albert Aqarunovun Akko şəhərində yaşayan qardaşı Rantik Aqarunova haqqında xatirəsinin əbədiləşdirilməsi haqqında sertifikatı təqdim edib.
Sertifikatda Albert Aqarunovun xatirəsinin cəsarət, xalqlar arasında qardaşlıq, tolerantlıq və qarşılıqlı hörmətin simvolu olaraq yaşadığı vurğulanır.
Akko şəhərində Azərbaycan əsilli Dağ Yəhudiləri icmasının rəhbəri Şirin Mixael Albert Aqarunovun xatirəsini etmək üçün Akkoda və Bakıda tədbirlərin planlaşdırıldığını bildirib.
Xülasə — davamını mənbədə oxuyun.
