Avropa çempionatının Azərbaycanda, xüsusilə də Bakıda keçirilməsi ölkəmiz üçün böyük əhəmiyyət daşıyan və qürurverici hadisə olmaqla yanaşı, idmana və idmançılara göstərilən diqqət və qayğının bariz nümunəsidir. Bunu "Report"a açıqlamasında Azərbaycan voleybol millisinin sabiq kapitanı Alla Həsənova deyib. O, qitə çempionatının əhəmiyyətindən söz açıb: "Belə mötəbər yarışların Azərbaycanda keçirilməsi həm ölkəmizin beynəlxalq idman nüfuzunu artırır, həm də voleybolun inkişafına mühüm töhfə verir.
Avropanın güclü komandaları dünyanın idman paytaxtı olan Bakıda bir araya gələcək. Əlbəttə, bütün diqqətimiz doğma meydanda mübarizə aparacaq Azərbaycan milli komandasında olacaq". A.Həsənova Azərbaycan yığmasına uğurlar arzulayıb: "İnanıram ki, voleybolçularımız yüksək əzmkarlıq nümayiş etdirərək, layiqli mübarizə aparacaq və azarkeşlərimizi sevindirəcəklər.
Onlara uğurlar arzulayır, bütün azarkeşləri komandanı dəstəkləməyə çağırıram". Qeyd edək ki, 2026-cı il Avropa çempionatının C qrupunun oyunları avqustun 21-28-də Milli Gimnastika Arenasında təşkil olunacaq. Azərbaycan millisi qrup mərhələsində Portuqaliya, Niderland, Belçika, Rumıniya və İspaniya yığmaları ilə qarşılaşacaq.
Xülasə — davamını mənbədə oxuyun.
