Azərbaycan Respublikası Dövlət Neft Fondu (ARDNF) bir sıra aparıcı suveren və institusional investorlarla birgə Çin-ASEAN Birgə İnvestisiya Şurasını (CAJIC) təsis edib.
APA-Economics xəbər verir ki, bu barədə ARDNF-dən bildirilir.
Şuranın yaradılması Çinin Syamen şəhərində keçirilən 26-cı Çin Beynəlxalq İnvestisiya və Ticarət Sərgisi çərçivəsində elan olunub.
CAJIC-in təsisçilərinin sırasında ARDNF ilə yanaşı, Çin İnvestisiya Korporasiyası (CIC), Tailand Hökumətinin Pensiya Fondu, Malayziyanın Khazanah Nasional Berhad suveren sərvət fondu, Kumpulan Wang Persaraan (Diperbadankan) pensiya fondu və İndoneziya İnvestisiya Qurumu (INA) yer alır.
CIC-in təşəbbüsü ilə yaradılan Şura suveren sərvət fondları və Çin və Cənub-Şərqi Asiya uzunmüddətli investisiya əməkdaşlığının genişləndirilməsini nəzərdə tutmuşdur.
Şuranın fəaliyyəti institusional əlaqələrin inkişafı, bilik və təcrübə mübadiləsi, həmçinin qarşılıqlı maraq doğuran sahələrdə investisiya təşəbbüslərinin həyata keçirilməsi ilə bağlı olacaq.
Xülasə — davamını mənbədə oxuyun.
