"Azərbaycan Hava Yolları" QSC (AZAL) Qazaxıstanın Aktöbə şəhərini marşrut şəbəkəsinə əlavə edərək bu istiqamət üzrə ilk uçuşunu həyata keçirib.
Bu barədə "Report"a səhmdar cəmiyyətindən bildirilib.
Məlumata əsasən, yeni marşrutun açılması ilə aviaşirkətin Qazaxıstanda uçuş həyata keçirdiyi şəhərlərin sayı 6-ya çatıb.
BakıAktöbəBakı istiqamətində müntəzəm reyslər həftədə üç dəfə bazar ertəsi, çərşənbə və günlər yerinə yetirilir. Birbaşa uçuşlar iki ölkə arasında işgüzar əlaqələr və turizm mübadiləsinin inkişafına, həmçinin qarşılıqlı səfərlərin daha rahat təşkili imkanı yaradır.
Qazaxıstanın qərbində yerləşən Əktöbə ölkənin mühüm sənaye və iqtisadi mərkəzlərindən biridir. Zəngin tarixi-mədəni irsi ilə seçilmiş region, eyni zamanda özünəməxsus təbiət abidələri ilə də diqqət çəkir. Aktöbə vilayətində məşhur Aktolağay tabaşir dağları, Barxın qumları, Qarğalı su anbarı, eləcə də çoxsaylı tarixi və müqəddəs məkanlar yerləşir. Bu istiqamət həm işgüzar səfərlər edən həm də Qazaxıstanın qərb bölgəsinin mədəniyyəti, tarixi və təbiəti ilə yaxından tanış olmaq istəyən sərnişinlər üçün əlverişli seçimdir.
Cari ildə Şımkent və Atıraunun ardınca Aktöbəyə uçuşların başlanması milli aviadaşıyıcının Mərkəzi Asiyada marşrut şəbəkəsinin genişləndirilməsi istiqamətində atılan növbəti addımdır. Yeni reyslər, həmçinin Qazaxıstan səyahət edən sərnişinlərə Bakı üzərindən aviaşirkətin digər beynəlxalq istiqamətlərinə çıxış imkanı təqdim edir.
Xülasə — davamını mənbədə oxuyun.
