2026-cı ilin sonuna Azərbaycanın dövlət büdcəsinin gəlirlərinin 39,36 milyard manata (23,15 milyard dollar) çatacağı gözlənilir ki, bu da təsdiq edilmiş proqnozdan 756 milyon manat (444,7 milyon dollar) və ya 2% çoxdur. Bu barədə Maliyyə Nazirliyinin hesabatında bildirilir. Hesabata görə, dövlət borcunun idarə edilməsinə dair Orta və Uzunmüddətli Strategiyada müəyyən edilmiş ümumi dövlət borcuna xidmət xərclərinin yuxarı həddinin – dövlət büdcəsi xərclərinin 10 faizindən çox olmamaq şərti ilə 2026-cı ilin birinci yarısı ərzində təmin edilməsi nəzərdə tutulur.
Bu barədə Maliyyə Nazirliyinin hesabatında deyilir. 2027-ci il yanvarın 1-nə Azərbaycanın xarici dövlət borcunun 4,8 milyard dollar, daxili dövlət borcunun isə 19,38 milyard manat (11,4 milyard dollar) olacağı və ümumi dövlət borcunun 27,6 milyard manata (16,2 milyard dollar) çatacağı gözlənilir. 2027-ci il yanvarın 1-nə xarici dövlət borcunun kreditorlara 59,5 faizinin 5 il, 34,9 faizinin 5-10 il, 5,6 faizinin isə 10 ildən artıq müddətə ödənilməsi nəzərdə tutulur.
Yeni xarici borclanmanın təqribən müvafiq istinad dərəcəsi və 0,5%-1,5% marja ilə cəlb edilməsi gözlənilir. 2027-ci il yanvarın 1-nə daxili maliyyə bazarlarına buraxılan dövlət istiqrazlarının daxili dövlət borcunun 55,3%-ni təşkil edəcəyi proqnozlaşdırılır. İlin sonunadək tədavüldə olan dövlət istiqrazlarının 51%-ni tədavül müddəti beş ilədək olan istiqrazların, 49%-ni isə beş il və daha çox müddətə olan istiqrazların təşkil edəcəyi gözlənilir”, - deyə hesabatda qeyd olunub.
Mənbə: https://www.trend.az/business/4215942.html © 2026 Trend İnformasiya Agentliyi.
Xülasə — davamını mənbədə oxuyun.
