Avqustun 31-də Azərbaycan Respublikasının Baş naziri Əli Əsədov Oljas Bektenova yenidən Qazaxıstan Respublikasının Baş naziri təyin olunması münasibətilə təbrik məktubu göndərib. Bu barədə Nazirlər Kabinetinin mətbuat xidmətindən məlumat verilib. Məlumata görə, məktubda qeyd olunub ki, Azərbaycan-Qazaxıstan münasibətlərinin hazırkı yüksək səviyyəsi ortaq tarix, mənəvi və mədəni dəyərlərlə sıx bağlı olan iki ölkənin qardaş xalqlarının iradəsini əks etdirir.
Bundan əlavə, məktubda vurğulanıb ki, qarşılıqlı etimad və dəstəyə əsaslanan siyasi dialoq, o cümlədən ticarət, iqtisadiyyat, investisiya, nəqliyyat, enerji, humanitar məsələlər və digər sahələrdə əməkdaşlığın ardıcıl genişlənməsi Azərbaycan-Qazaxıstan tərəfdaşlığının strateji xarakterini əyani şəkildə nümayiş etdirir. Azərbaycan və Qazaxıstan dövlət başçılarının rəhbərliyi altında iki ölkə arasında strateji tərəfdaşlığın bundan sonra da möhkəmlənəcəyinə, qarşılıqlı faydalı əməkdaşlığın dərinləşəcəyinə əminlik ifadə olunub. Mənbə: https://www.trend.az/azerbaijan/politics/4219142.html © 2026 Trend İnformasiya Agentliyi.
Xülasə — davamını mənbədə oxuyun.
