Azərbaycan Respublikası Birləşmiş Millətlər Təşkilatının Beynəlxalq Vergi Əməkdaşlığı üzrə Çərçivə Konvensiyasının hazırlanması üzrə Hökumətlərarası Danışıqlar Komitəsinin beşinci plenar iclasında iştirak etmişdir. Bu barədə İqtisadiyyat Nazirliyi yanında Dövlət Vergi Xidmətindən məlumat verilib. Bu arada bildirilir ki, iclasda Azərbaycanı İqtisadi Əməkdaşlıq və İnkişaf Təşkilatının (OECD) ekspert qrupunun üzvü, İqtisadiyyat Nazirliyi yanında Dövlət Vergi Xidmətinin Beynəlxalq Vergitutma və Vergi Monitorinqi Baş İdarəsinin rəis müavini Ceyhun İsmayılov təmsil edib.
İclasda dövlətlər arasında vergi hüququnun ədalətli şəkildə bölüşdürülməsi, qeyri-qanuni maliyyə axınları və zərərli vergi təcrübələri ilə mübarizə, eləcə də inkişaf etməkdə olan ölkələrin institusional potensialının gücləndirilməsi ilə bağlı məsələlər müzakirə olunub. Danışıqlar zamanı həmçinin transsərhəd gəlirlərin, o cümlədən rəqəmsal xidmətlərdən əldə edilən gəlirlərin vergiyə cəlb edilməsi, habelə vergi mübahisələrinin qarşısının alınması və həlli üzrə protokolların ilkin layihələri nəzərdən keçirilib. Müzakirələr boyu Cayhun İsmayılov praktiki və tətbiq olunan qaydaların işlənib hazırlanmasının, ikiqat vergitutmanın aradan qaldırılmasının və inkişaf etməkdə olan ölkələrə səmərəli texniki dəstəyin göstərilməsinin vacibliyini vurğulayıb.
Mənbə: https://www.trend.az/business/4218559.html © 2026 Trend İnformasiya Agentliyi.
Xülasə — davamını mənbədə oxuyun.
