Azərbaycan Respublikasının Ali Məhkəməsində Qırğız Respublikası Ali Məhkəməsinin sədr müavini Nurlan Alişeroviç Musayevin rəhbərlik etdiyi nümayəndə heyəti ilə görüş keçirilib. Azərbaycan Ali Məhkəməsinin sədri İnam Kərimov nümayəndə heyətini salamlayaraq qeyd edib ki, Azərbaycan ilə Qırğızıstan arasında dostluq və qardaşlığa əsaslanan ikitərəfli münasibətlər davamlı şəkildə inkişaf edir. O, türk dövlətlərinin ali məhkəmələri arasında əməkdaşlığın və təcrübə mübadiləsinin vacibliyini xüsusilə vurğulayıb.
Görüşdə ölkəmizdə məhkəmə-hüquq sisteminin təkmilləşdirilməsi istiqamətində aparılan islahatlar və rəqəmsallaşma sahəsində görülən işlər barədə qonaqlara ətraflı məlumat verilib. Qeyd olunub ki, məhkəmələrin ixtisaslaşması, müasir informasiya texnologiyalarının geniş tətbiqi və qanunvericilik bazasının daim təkmilləşdirilməsi ədalət mühakiməsinin həyata keçirilməsində səmərəliliyin artırılmasına xidmət edir. “Elektron məhkəmə” informasiya sisteminin inkişafı, süni intellektin və digər innovativ rəqəmsal həllərin tətbiqi ilə yanaşı, məhkəmə xidmətlərinin daha sürətli, səmərəli və əlçatan olması istiqamətində mühüm addım kimi qeyd olunub.
Səmimi qəbula görə minnətdarlığını bildirən nümayəndə heyətinin rəhbəri Nurlan Alişeroviç Musayev bildirib ki, səfərin əsas məqsədi Azərbaycanda “Elektron məhkəmə” İnformasiya Sisteminin fəaliyyəti ilə tanış olmaq və bu sahədə ölkəmizin təcrübəsini öyrənməkdir. O, iki ölkə arasında məhkəmə hüququ sahəsində əməkdaşlığın daha da inkişaf etdirilməsinin vacibliyini vurğulayaraq, Azərbaycanın məhkəmə-hüquq sistemində aparılan islahatları və əldə olunan nailiyyətləri yüksək qiymətləndirib. Görüşdə, həmçinin qarşılıqlı maraq doğuran bir sıra məsələlər ətrafında fikir mübadiləsi aparılıb.
İndi sizə xəbərlərlə xidmət etmək üçün buradayıq. Çox xərc çəkmir, amma diqqətinizə dəyər. Açıq, müstəqil, keyfiyyətli jurnalistikanı dəstəkləməyi seçin və aylıq abunə olun.
Onlayn qəzetimizə abunə olmaqla siz bütün xəbərlərə, təhlillərə və daha çox şeylərə tam rəqəmsal giriş əldə edə bilərsiniz. AzerNEWS-i Twitter @AzerNewsAz və ya Facebook @AzerNewsNewspaper sosial şəbəkələrində də izləyə bilərsiniz
Xülasə — davamını mənbədə oxuyun.
