Azərbaycan Mərkəzi Bankı “Rəqəmsal transformasiyanın genişləndirilməsi və süni intellektin tətbiqi” mövzusunda növbəti dəyirmi masa təşkil edib. Bu barədə Azərbaycan Mərkəzi Bankının mətbuat xidməti məlumat yayıb. Belə ki, Mərkəzi Bank maliyyə sektorunda innovativ həllər və xidmətlərin təşviqinə yönəlmiş görüşləri davam etdirir. Sığorta sektorunun və kapital bazarlarında fəaliyyət göstərən təşkilatların nümayəndələrini bir araya gətirən “Rəqəmsal transformasiyanın genişləndirilməsi və süni intellektin tətbiqi” adlı dəyirmi masa bu sahədə mühüm müzakirə platformasına çevrilib.
Mərkəzi Bankın baş direktoru Sadiq Axundovun sədrliyi ilə keçirilən iclasda təşkilatlarının rəqəmsal transformasiyasına cavabdeh olan yüksək vəzifəli şəxslər iştirak ediblər. Sadiq Axundov ölkədə innovativ ekosistemin inkişafı istiqamətində həyata keçirilən təşəbbüslərin əhəmiyyətindən danışıb. O, cari ilin fevralında Azərbaycan Respublikasının Prezidenti İlham Əliyevin sədrliyi ilə keçirilən “Azərbaycanın yeni rəqəmsal arxitekturası” mövzusunda müşavirədə, o cümlədən Rəqəmsal İnkişaf üzrə Şuranın iyun ayında keçirilmiş və Birinci vitse-prezident Mehriban Əliyevanın sədrliyi ilə keçirilən birinci iclasında maliyyə sektoru üçün müəyyən edilmiş prioritetlərin həyata keçirilməsinin zəruriliyini vurğulayıb.
İclas sektorda süni intellektin tətbiqi, eləcə də rəqəmsallaşma prosesində sənaye iştirakçılarının üzləşdiyi əsas problemlər və potensial imkanların müzakirəsi ilə davam edib. Mənbə: https://www.trend.az/business/4218624.html © 2026 Trend İnformasiya Agentliyi.
Xülasə — davamını mənbədə oxuyun.
