Son günlər Böyük Britaniyanın “The Independent” və “The Guardian” qəzetlərində, həmçinin BBC-nin rus xidməti tərəfindən Azərbaycan Respublikası ilə bağlı ictimai rəyi çaşdırmağa yönəlmiş həqiqətə uyğun olmayan məlumatlardan ibarət məqalələr dərc olunub. Bu barədə Azərbaycan Respublikası Kütləvi İnformasiya Vasitələrinin İnkişafı Agentliyinin bəyanatında deyilir. Azərbaycan Respublikasının Kütləvi İnformasiya Vasitələrinin İnkişafı Agentliyi bildirir ki, açıq-aşkar qərəzli yanaşma və subyektiv iddialara əsaslanan bu nəşrlər Azərbaycanın beynəlxalq imicinə xələl gətirməyə yönəlmiş məqsədyönlü informasiya kampaniyasının tərkib hissəsi kimi təəssürat yaradır.
Bu, sözügedən materialların siyasi motivli ola biləcəyinə və müəyyən lobbi qruplarının maraqlarından irəli gəldiyinə dair ciddi şübhələr yaradır ki, bu da çox təəssüf doğurur. Azərbaycanın suverenliyinə, daxili və xarici siyasətinə, beynəlxalq nüfuzuna kölgə salmaq məqsədi daşıyan bu kimi halların araşdırılması və buna uyğun olaraq zəruri addımların atılması istiqamətində müvafiq tədbirlər həyata keçiriləcək. Biz bir daha media qurumlarını – The Independent, The Guardian və BBC-ni bəyan etdikləri peşəkar prinsiplərinə sadiq qalmağa, Azərbaycanla bağlı qərəzli, qərəzli və qeyri-dəqiq materiallar dərc etməkdən çəkinməyə və jurnalist etikasına uyğun olaraq qərəzsiz informasiya işıqlandırmasını bərpa etməyə çağırırıq”, - bəyanatda deyilir.
Mənbə: https://www.trend.az/azerbaijan/politics/4219290.html © 2026 Trend İnformasiya Agentliyi.
Xülasə — davamını mənbədə oxuyun.
