Özbəkistanın Daşkənd şəhərində Azərbaycan və Özbəkistan Müdafiə nazirlikləri arasında ideoloji iş və psixoloji xidmət sahələrində təcrübə mübadiləsinə yönəlmiş işçi görüşü keçirilib. Bu barədə Azərbaycan Müdafiə Nazirliyinin mətbuat xidməti məlumat yayıb. Görüşdə gənc nəsildə vətənpərvərlik hissinin aşılanması, milli-mənəvi dəyərlərin qorunub saxlanılması, hərbi xidmət və döyüş əməliyyatları zamanı psixoloji dözümlülüyün gücləndirilməsi məsələləri müzakirə olunub.
Təqdimatlarda qeyd olunan keyfiyyətlərin artırılmasında müxtəlif mədəni-kütləvi tədbirlərin təşkilinin vacibliyi də vurğulanıb. Tədbirdə iki xalq arasında dostluq və qarşılıqlı hörmətə əsaslanan münasibətlərin daha da inkişaf etdirilməsi, tarixi və folklor irsinin qorunub saxlanması məqsədi ilə birgə mədəni-kütləvi tədbirlərin, konsert proqramlarının, musiqi festivallarının təşkilinin vacibliyi vurğulanıb. Səfər çərçivəsində Azərbaycan nümayəndə heyəti Özbəkistan Müdafiə Nazirliyinin hərbi təhsil müəssisələrində olub, burada Həzi Aslanov adına Ordu İdeoloji-Mədəniyyət Mərkəzinin, Özbəkistanın mədəniyyət və incəsənət nümayəndələrinin iştirakı ilə konsert proqramı təqdim olunub.
Tədbirin sonunda tərəflər qarşılıqlı hədiyyələr verib, xatirə şəkli çəkdiriblər. Mənbə: https://www.trend.az/azerbaijan/society/4216960.html © 2026 Trend İnformasiya Agentliyi.
Xülasə — davamını mənbədə oxuyun.
