Trend-in KİV-ə istinadən verdiyi məlumata görə, bunu Azərbaycanda vençur fondları üçün yeni investisiya alətləri yaradılır. Trend-in məlumatına görə, bunu İnnovasiya və Rəqəmsal İnkişaf Agentliyinin (İİDA) Korporativ Hüquq şöbəsinin müdiri Türkan Hacıyeva "Rəqəmsal bacarıqlar" tədris sessiyası çərçivəsində təşkil olunan "Azərbaycanda rəqəmsal və innovasiya ekosisteminin inkişafı: yeni qanunvericilik imkanları" mövzusunda çıxışı zamanı deyib. Onun sözlərinə görə, Azərbaycanda startaplara investisiya yatırmaq üçün SAFE (Simple Agreement for Future Equity) kimi yeni maliyyə alətləri və konvertasiya edilə bilən qiymətli kağızlar üçün hüquqi baza formalaşdırılıb. "Peşəkar investorlardan vəsait cəlb edildikdən sonra bu vəsait SAFE və konvertasiya olunan qiymətli kağızlar vasitəsilə startaplara yatırıla bilər", - Hacıyeva qeyd edib.
Onun sözlərinə görə, SAFE mexanizmi xüsusilə ilkin mərhələdə olan və səhmləri və ya payları hələ formalaşmamış startaplara investisiyaları asanlaşdırır. "SAFE gələcəkdə əldə ediləcək mülkiyyət hüquqları ilə bağlı bağlanan sövdələşmədir. Startapın bu gün investora verə biləcəyi səhmlər və ya paylar olmaya bilər.
Belə olan halda investor qoyduğu vəsaitin müqabilində öz hüquqlarını necə təmin edə bilər? Bu məqsədlə Mülki Məcəlləyə edilən dəyişikliklər çərçivəsində SAFE müqavilələrinin hüquqi bazası formalaşdırılıb”, - deyə rəsmi qeyd edib. H.Hacıyeva vurğulayıb ki, bu mexanizm gələcəkdə investorla startap arasında müəyyən şərtlərin yarandığı halda investora müvafiq hüquqların verilməsini nəzərdə tutur.
"Gələcəkdə müəyyən konversiya hadisəsi baş verdikdə, məsələn, startap müəyyən inkişaf mərhələsinə çatdıqda və ya məhsulun kommersiyalaşdırılması təmin edildikdə, investorun gələcəkdə əldə edəcəyi səhmlər və digər əmlak hüquqları müqavilə əsasında əvvəlcədən təmin edilir. Bu, startapın uğurlu olacağı və inkişaf edəcəyi təqdirdə investorun hüquq və mənafelərinin qorunmasına hüquqi əsas yaradır". Şöbə müdiri qeyd edib ki, əvvəlki qanunvericilikdə bu cür münasibətlərin tənzimlənməsi üçün kifayət qədər aydın mexanizmlər yox idi.
"Bu qanunvericilik dəyişikliklərinin əsas məqsədi investoru aydınlaşdırmaqdır. İnvestor bilməlidir ki, qoyduğu vəsaitin müqabilində hansı hüquqlara malikdir və bu hüquqların hansı səviyyədə və hansı hüquqi mexanizmlərlə qorunduğunu" deyə Hacıyeva vurğulayıb. Onun sözlərinə görə, yeni yanaşma çərçivəsində korporativ müqavilə, investorlarla səhmdarlar arasında münasibətləri tənzimləyən xüsusi əməliyyatlar, emissiya hüquqları ilə bağlı bir sıra yeni hüquqi institutlar da formalaşıb.
"Biz xüsusi iqtisadi zonalar yaratmaq əvəzinə, bu sahə üçün zəruri olan hüquqi institutları birbaşa mülki qanunvericiliyə inteqrasiya etmişik. Bu çərçivədə korporativ müqavilə, investorlar və səhmdarlar arasında münasibətləri, emissiya hüquqlarını tənzimləyən xüsusi sazişlər və digər mexanizmlər formalaşdırılıb", - o əlavə edib. Hacıyeva vençur fondlarının iki fərqli rejimdə fəaliyyət göstərə biləcəyini də vurğulayıb.
Xülasə — davamını mənbədə oxuyun.
