Azərbaycan Respublikasında fəaliyyət göstərən bəzi informasiya resursları ölkədə yaşayan müxtəlif icmalar adından fəaliyyət göstərərək, özlərini bu milli azlıqların maraqlarını təmsil edən media orqanı kimi göstərməyə çalışırlar, Azərbaycan Respublikasının Kütləvi İnformasiya Vasitələrinin İnkişafı Agentliyi (MEDİA) bildirir. Özünü Azərbaycan Yəhudi Media Mərkəzinin və yəhudi əsilli ictimai xadimlərin təşəbbüsü ilə yaradılmış informasiya portalı kimi təqdim edən “Ajmedia.news” saytı dərc etdiyi materiallarda media etikası tələblərinə uyğun gəlmir və Media Reyestrinin İnformasiya Sistemində qeydiyyatdan keçmir. Bundan başqa, “KİV haqqında” Azərbaycan Respublikası Qanununun tələblərinin pozulması ilə əlaqədar həmin resursla bağlı məhkəmə tərəfindən müvafiq qərardad çıxarılıb və onun fəaliyyəti qanunsuz hesab edilib.
Bir daha vurğulayırıq ki, hər hansı bir icma və ya sosial qrup adından çıxış edən və media fəaliyyəti ilə məşğul olan bütün media qurumları qanunun tələblərinə ciddi əməl etməli, öz hüquqi və peşəkar statusu, fəaliyyət sahəsi, təmsilçiliyinin xarakteri barədə ictimaiyyətə dəqiq, obyektiv və şəffaf məlumat verməlidir”, - deyə məlumatda qeyd olunub. 2026 Trend İnformasiya Agentliyi.
Xülasə — davamını mənbədə oxuyun.
