Ötən həftə (10-14 avqust) Azeri Light CIF, Azeri Light FOB Ceyhan, Dated Brent və Urals markalı xam neftin orta qiymətləri artıb. Trend-in neft bazarındakı mənbədən əldə etdiyi məlumata əsasən hesablamalara görə, Azərbaycanın "Azəri-Çıraq-Günəşli" yatağından hasil edilən "Azeri Light CIF" markalı xam neftin 1 barelinin qiyməti ötən həftə (3-7 avqust) ilə müqayisədə 1,2 dollar və ya 1,28% artaraq 94,55 dollar təşkil edib. Məlumatlar göstərir ki, həftə ərzində (10-14 avqust) xam neftin bu növünün maksimal qiyməti bir barel üçün 95,57 dollar, minimum isə 92,55 dollar təşkil edib.
Türkiyənin Ceyhan limanında "AzeriLight" markalı xam neftin FOB bazisi üzrə orta qiyməti 91,62 dollar/barel təşkil edib ki, bu da ötən həftənin göstəricisindən (3-7 avqust) 1,31 dollar və ya 1,45% çoxdur. Həftə ərzində (10-14 avqust) maksimal qiymət 92,75 dollar/barel, minimum isə 89,36 dollar/barel təşkil edib. “Urals” markalı xam neftin qiyməti əvvəlki həftəyə (3-7 avqust) nisbətən 5,17 dollar və ya 8,76% artaraq 64,18 dollar/barelə bərabər olub.
Həftə ərzində (10-14 avqust) maksimal qiymət 65,04 dollar, minimum isə 63,48 dollar təşkil edib. Dated Brent markalı neftin orta qiyməti əvvəlki həftə (3-7 avqust) ilə müqayisədə 4,83 dollar və ya 5,49% artaraq 92,72 dollar təşkil edib. Həftə ərzində (10-14 avqust) maksimal qiymət 93,56 dollar/barel, minimum isə 91,92 dollar/barel təşkil edib.
Mənbə: https://www.trend.az/business/energy/4215285.html © 2026 Trend İnformasiya Agentliyi.
Xülasə — davamını mənbədə oxuyun.
