Yük qatarında tüstülənmə halı baş verib və qısa müddət ərzində operativ şəkildə aradan qaldırılıb. ADY-dən “APA-Economics”in sorğusuna cavab olaraq bildirilib ki, qatarlarda tüstülənmə hallarının baş verməsi mövsümi xarakter daşıyır. Hadisə nəticəsində qatarlarda olan yüklərə hər hansı ziyan dəyməyib”, - qeyd olunub.
APA-nın yerli bürosunun məlumatına görə, hadisə Azərbaycanda Gürcüstana gedən yük qatarının bir vaqonunda, Tovuz stansiyası ərazisində qeydə alınıb. İlkin məlumata görə, yanğın 42 vaqondan ibarət yük qatarının 36-ci vaqonunda 70 ton kükürd tozunda tüstülənmə səbəbilə baş verib. Dərhal hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin Tovuz Rayon Dövlət Yanğından Mühafizə Hissəsinin yanğınsöndürən maşınları və canlı qüvvəsi cəlb edilib.
Yanğın qısa müddətdə söndürülüb, yanğın baş vermiş və digər vaqonlar mühafizə olunub. Hadisə yerinə digər aidiyyəti qurumların əməkdaşları cəlb ediliblər. Faktla bağlı araşdırma aparılır.
Xülasə — davamını mənbədə oxuyun.
