2026-cı ilin ilk 7 ayında Azərbaycandan neft bitumunun və neft koksunun ümumi ixracı artıb. Bu, Dövlət Gömrük Komitəsinin hesabatında əksini tapıb. Məlumata görə, hesabat dövründə ölkədən 59,9 milyon dollar dəyərində 151,1 min ton neft koksu ixrac edilib.
2025-ci ilin müvafiq dövrü ilə müqayisədə ixrac dəyər ifadəsində 25 milyon dollar və ya 71,6%, həcm ifadəsində isə 38,6 min ton və ya 34,3% artıb. Eyni zamanda, Azərbaycan bu ilin yanvar-iyul aylarında 2,88 milyon dollar dəyərində 9,768 ton neft bitumu ixrac edib. Ötən ilin müvafiq dövrü ilə müqayisədə neft bitumunun ixracının dəyəri 1,8 milyon dollar və ya 2,7 dəfə, həcmi isə 5,7 min ton və ya 2,4 dəfə artıb.
Dövlət Statistika Komitəsinin məlumatına görə, bu ilin yanvar-iyun aylarında Azərbaycanda 354,9 min ton neft koksu, neft bitumu və digər neft məhsullarının qalıqları istehsal olunub. 2025-ci ilin eyni dövrü ilə müqayisədə bu göstərici 44,6 min ton və ya 11,2% azalıb.Bu il iyulun 1-nə ölkənin ehtiyatında 61,2 min ton bu məhsul var.
Azərbaycanda neft hasilatının sabit saxlanmasına və uzunmüddətli perspektivdə artırılmasına yönəlmiş bir sıra iri layihələr həyata keçirilir. Xüsusilə, ölkənin əsas neft yataqlarının operatoru olan bp hasilatın səmərəliliyini artırmaq üçün yeni investisiya proqramları həyata keçirir. bp-nin Azərbaycan, Gürcüstan və Türkiyə üzrə regional prezidenti Qəri Consun sözlərinə görə, şirkət “Azəri-Çıraq-Günəşli” (AÇG) yataqlar blokunda fəaliyyətini genişləndirməkdə davam edir.
O qeyd edib ki, AÇG-də uzunmüddətli hasilat səviyyəsini saxlamaq üçün yeni quyular qazılır, mövcud infrastruktur modernləşdirilir, innovativ texnologiyalar tətbiq edilir. Yeni quyuların qazılması, platformaların etibarlı istismarının təmin edilməsi, texnoloji yeniliklərin tətbiqi bu strategiyanın əsas sütunlarını təşkil edir”, - deyən bp-nin nümayəndəsi, həmçinin şirkət perspektivli “Şəfəq-Asiman” strukturunda qiymətləndirmə işlərini davam etdirir, həmçinin “Qarabağ” yatağının işlənməsi layihəsini həyata keçirir.
Bundan əlavə, bp Xəzər dənizində yeni geoloji strukturların kəşfiyyatı və əlavə karbohidrogen ehtiyatlarının müəyyən edilməsi üzrə səylərini genişləndirir. bp vurğulayır ki, bu yeni layihələr təkcə mövcud yataqlarda hasilatın təbii azalmasını kompensasiya etməyə deyil, həm də uzunmüddətli perspektivdə Azərbaycanın enerji ixrac potensialını qorumağa yönəlib. Şirkətin investisiya proqramları ölkənin neft-qaz sektorunun davamlı inkişafının təmin edilməsi və enerji təhlükəsizliyinin gücləndirilməsi üçün mühüm əhəmiyyət kəsb edir. Mənbə: https://www.trend.az/business/energy/4215672.html © 2026 Trend İnformasiya Agentliyi.
Xülasə — davamını mənbədə oxuyun.
