Səhər saatlarından etibarən Dənizkənarı Milli Parkda Azərbaycan Avtomobil Federasiyasının (AAF) təşkilatçılığı ilə klassik avtomobillərin sərgisi keçirilir. Klassik avtomobillərin sərgisi və paradı bir sıra ölkələrdə olduğu kimi, Azərbaycanda da artıq ənənə halını alıb. Dənizkənarı Milli Parkda klassik avtomobillərin nümayişi ilə başlayan tədbirdə 1986-cı ilə qədər istehsal olunmuş 100-dən çox avtomobil sərgilənib.
Bunlar tədbir üçün qeydiyyatdan keçmiş klassik avtomobillərdən, həmçinin Heydər Əliyev Mərkəzindəki daimi sərgidən bəzi eksponatlardan ibarət nəqliyyat vasitələridir. Bakılılar tərəfindən hər zaman böyük maraqla qarşılanan sərgi qısa müddət ərzində klassik avtomobillərin paradı ilə davam edəcək. Paytaxtın əsas küçə və prospektlərindən keçən parad Sea Breeze ərazisində başa çatacaq.
Mənbə: https://www.trend.az/azerbaijan/society/4218937.html © 2026 Trend İnformasiya Agentliyi.
Xülasə — davamını mənbədə oxuyun.
