Azərbaycan Prezidenti İlham Əliyevin Özbəkistana dövlət səfərini iki ölkə arasında münasibətlərin inkişafında tarixi mərhələ kimi qiymətləndirmək olar. Təhlilçi Azər Qarayev Trend-ə bildirib ki, səfərin nəticələri göstərir ki, Bakı və Daşkənd arasında əlaqələr artıq ikitərəfli əməkdaşlıqla məhdudlaşmır və daha geniş regional və geosiyasi əhəmiyyət kəsb edir. Onun sözlərinə görə, son illər Azərbaycan ilə Özbəkistan arasında münasibətlərin dinamikası, dövlət başçıları səviyyəsində intensiv siyasi dialoq, əməkdaşlığın yeni istiqamətlərdə genişlənməsi Prezident İlham Əliyevin son səfərinin tarixi əhəmiyyətini şərtləndirən əsas amillərdəndir.
Lakin biz indi bu tarixi yaxınlığın konkret siyasi, iqtisadi və geostrateji əməkdaşlığa çevrildiyini görürük. Prezident İlham Əliyevin Özbəkistana səfəri də bu prosesdə yeni mərhələnin başlanğıcı kimi qiymətləndirilməlidir. Səfər zamanı qəbul edilən qərarlar və imzalanan sənədlər münasibətlərin uzunmüddətli perspektivlərini müəyyənləşdirir”, - deyə politoloq bildirib.
Əbədi dostluq müqaviləsi münasibətlərin siyasi-hüquqi əsasını möhkəmləndirir Qarayev qeyd edib ki, avqustun 23-də imzalanmış “Əbədi dostluq haqqında müqavilə” Azərbaycan ilə Özbəkistan arasında formalaşmış xüsusi münasibətlərin siyasi-hüquqi əsaslarını daha da möhkəmləndirir. Onun fikrincə, sənədin əhəmiyyəti iki ölkə arasında mövcud olan dostluq münasibətlərinin rəsmiləşdirilməsi ilə məhdudlaşmır. Müqavilə qarşılıqlı etimad, strateji tərəfdaşlıq və müttəfiqlik münasibətlərinin uzunmüddətli xarakterini nümayiş etdirir.
Söhbət situasiya maraqlarından deyil, uzunmüddətli siyasi etimaddan gedir. Azərbaycan və Özbəkistan artıq bir-birinə regional məsələlərdə etibarlı tərəfdaş kimi baxırlar. Bu da öz növbəsində əlaqələrin institusional əsaslarının daha da möhkəmlənməsinə imkanlar yaradır”, - deyə o vurğulayıb.
Politoloq bildirib ki, iki ölkə arasında siyasi dialoqun dərinləşməsi həm də iqtisadi, nəqliyyat, enerji, sənaye, turizm, təhsil, mədəni-humanitar sahələrdə əməkdaşlığın genişləndirilməsi üçün əlverişli şərait yaradır. Bakı-Daşkənd əlaqələri türk dünyasının geosiyasi çəkisini artırır Qarayev hesab edir ki, Azərbaycan-Özbəkistan münasibətlərinin möhkəmlənməsi ikitərəfli çərçivədən kənara çıxır və türk dünyasında inteqrasiya proseslərinə əlavə təkan verir. Bu iki ölkə arasında strateji yaxınlaşma Xəzərin hər iki sahilində türk dünyası daxilində daha güclü siyasi koordinasiyaya töhfə verir.
Bakı-Daşkənd oxunun gücləndirilməsi Türk Dövlətləri Təşkilatı çərçivəsində əməkdaşlığın inkişafı, Mərkəzi Asiya ilə Cənubi Qafqaz arasında əlaqələrin genişləndirilməsi, ümumi iqtisadi məkanın formalaşdırılması üçün vacibdir”, - deyə politoloq bildirib. Onun sözlərinə görə, Azərbaycan və Özbəkistan arasında artan əməkdaşlıq türk dünyasının beynəlxalq münasibətlər sistemində daha koordinasiyalı və nüfuzlu geosiyasi aktora çevrilməsinə də töhfə verir. İqtisadiyyat münasibətlərin yeni keyfiyyətini nümayiş etdirir Politoloq iqtisadi əməkdaşlığın Azərbaycan-Özbəkistan münasibətlərində baş verən keyfiyyət dəyişikliklərinin ən mühüm göstəricilərindən biri olduğunu vurğulayıb.
Xülasə — davamını mənbədə oxuyun.
