Avqustun 26-da Azərbaycan Respublikasının Birinci vitse-prezidenti və Heydər Əliyev Fondunun prezidenti Mehriban Əliyeva qızları Leyla Əliyeva və Arzu Əliyeva ilə birlikdə Elmi-Tədqiqat Pediatriya İnstitutunda olublar. Səhiyyə naziri Teymur Musayev Birinci vitse-prezident Mehriban Əliyevaya institutun fəaliyyəti barədə məlumat verib. Elmi Tədqiqat Pediatriya İnstitutu bir əsrdən artıqdır ki, uşaqların sağlamlığının qorunmasında mühüm və nəcib işə xidmət edir.
Hazırda elmi-metodiki mərkəz kimi fəaliyyət göstərən tibb müəssisəsi 1925-ci ildə 200 çarpayılıq uşaq xəstəxanasının bazasında yaradılmış, 1927-ci ildə Ana və Uşağı Müdafiə İnstitutuna çevrilmişdir. İnstitut uşaq xəstəliklərinin müalicəsi və profilaktikası ilə yanaşı, pediatriya üzrə peşəkar tibb kadrlarının hazırlanmasını təmin edir, elmi tədqiqatlar aparır, tibb təhsilinin təkmilləşdirilməsinə öz töhfəsini verir. İnstitutda ümumi tutumu 255 çarpayı olan klinik şöbələr, həmçinin elmi və çoxsaylı paraklinik bölmələr fəaliyyət göstərir.
Onun 60 çarpayılıq neonatal reanimasiya və reanimasiya şöbəsi respublikanın mərkəzi müəssisəsi kimi xidmət edir. Səfər zamanı Birinci vitse-prezident və qızları institutda yaradılan şəraitlə tanış olublar. İnstitutun gələcək fəaliyyətini dəstəkləmək üçün tibbi avadanlıqlar, o cümlədən mexaniki ventilyasiya cihazları da təqdim olunub.
Mənbə: https://www.trend.az/azerbaijan/politics/4218168.html © 2026 Trend İnformasiya Agentliyi.
Xülasə — davamını mənbədə oxuyun.
