Azərbaycanın daha bir cüdoçusu Monteneqronun paytaxtı Podqoritsa şəhərində keçirilən U-21 Avropa çempionatında qızıl medal qazanıb.
Modern.az xəbər verir ki, 90 kiloqram çəki dərəcəsində çıxış edən Süleyman Şükürov Almaniyalı Konstantin Distelə ikinci dəfə qalib gələrək karyerasında çempionu olub.
Davud Namazlı (100 kq) və Ramazan Əhmədov (+100 kq) isə yarışı bürünc mükafatı başa vurublar.
Bununla da Azərbaycan Avropa çempionatına ümumilikdə 5 medal qazandı. Daha əvvəl Ayxan Mirzəzadə (60 kiloqram) və Məhəmməd Musayev (66 kiloqram) Avropa çempionu olublar.
Qeyd edək ki, Avropa çempionatında 44 ölkədən 400 nəfər (222 oğlan, 178 qız) iştirak edib. Azərbaycan 10 çəki dərəcəsində 14 cüdoçu (9 oğlan, 5 qız) ilə təmsil olunub.
Xülasə — davamını mənbədə oxuyun.
