Alimlər dünyanın ən böyük saqqallı pinqvin populyasiyalarından birinin məhv olduğunu aşkar etdikdən sonra həyəcan təbili çalırlar.
Cənubi Amerika ilə Antarktida arasında yerləşən ucqar, yaşayış olmayan vulkanik ada Zavodovski adasında 2011-2025-ci illər arasında saqqallı pinqvinlərin sayı 63 faiz azalıb. Bu barədə oktyabrın 7-də "Current Biology" jurnalında dərc olunan yeni araşdırmada məlumat verilib.
Tədqiqatçılar yarım milyon çoxalma qabiliyyəti olan fərdin itirilməsi ilə nəticələnən bu azalmanı quşların qida təchizatını pozduğunu bildirdikləri iqlim dəyişikliyi ilə əlaqələndirirlər.
Araşdırmada iştirak etməyən Çili Antarktika İnstitutunun ekoloqu Lukas Krüger Qarsiya "National Geographic"dən Eyeri Skayler Nanna deyib: "Təsəvvür edin ki, bu müddət ərzində bir ölkənin bütün əhalisinin 60 faizini itirirsiniz. Bu, həqiqətən narahatedicidir. Bu tək koloniyanın qlobal saqqallı pinqvin populyasiyasının 30 faizini təşkil etməsi vəziyyəti daha da narahatedici edir".
Cənubi Sandviç adalarının bir hissəsi olan Zavodovski adası bir vaxtlar saqqallı və makaron pinqvinlərinin qarışığından ibarət planetin ən böyük pinqvin koloniyasına ev sahibliyi edirdi. Lakin 2011-ci ildən bəri saqqallı pinqvinlərin sayı kəskin şəkildə azaldığı üçün ada ümumi pinqvin populyasiyasının dörddə birindən çoxunu itirib. Alimlər bildirirlər ki, bu azalmalara görə ada artıq dünyanın ən böyük pinqvin koloniyası titulunu Antarktidanın Ross dənizindəki Keyp Adaredə yaşayan Adeli pinqvinlərinə verib.
Saqqallı pinqvinlərin sayı 1980-ci illərdən bəri Antarktika yarımadası və ətraf adalarda azalmaqdadır. Lakin illərdir ki, ən yaxın daimi insan məskənindən təxminən 1240 mil məsafədə yerləşən Zavodovski adasında yaşayan quşlar öz mövqelərini qoruyub saxlayırlar.
Xülasə — davamını mənbədə oxuyun.
