BBC-nin "Mediazona" nəşri və könüllülər qrupu ilə birgə apardığı hesablamalara görə, Ukraynaya genişmiqyaslı hücum zamanı 20 mindən çox səfərbər edilmiş rusiyalı həlak olub. Onların 76%-i, rəsmi olaraq hələ də başa çatdığı elan edilməyən "qismən səfərbərlik"dən sonrakı ilk iki ildə həlak olub.
20 066 nəfər — bunlar yalnız açıq mənbələr (məmurların açıqlamaları, qohumların paylaşımları, qəbiristanlıq və dövlət reyestrlərinin məlumatları) əsasında müharibədə ölümü və səfərbərliyə cəlb olunması təsdiqlənə bilən insanlardır. Real rəqəm daha yüksəkdir.
2022-ci ilin sentyabrında elan edilmiş "qismən səfərbərlik"in rəsmi planına görə 300 min nəfər çağırılmalı idi. Alman SWP analitik mərkəzinin eksperti Yanis Kluqenin, səfərbər edilənlərə aylıq ödənişlərə ayrılan büdcə xərclərini təhlil edərək verdiyi qiymətləndirməyə görə, 2022-ci ilin sonunda cəbhədə təxminən 290 min çağırılmış əsgər olub, 2025-ci ilə qədər isə ordudakı səfərbər edilmiş əsgərlərin sayı 168 minə qədər azala bilərdi.
Bu metod hər kəsin taleyini ayrı-ayrılıqda müəyyənləşdirməyə imkan vermir, lakin kateqoriyanın özünün nə qədər sürətlə əridiyini göstərir.
BBC insanların səfərbər edilənlər sırasından hansı yollarla və niyə "yoxa çıxdığını" araşdırmağa çalışıb.
Səfərbərlik elan ediləndən sonra Perm diyarının Rojdestvensk kəndindən 42 yaşlı Valeri Petuxov cəbhəyə getmək üçün özü hərbi komissarlığa müraciət edib. Hərbi xidmətlə tanış idi: 1990-cı illərin sonunda çağırışla iki il xidmət edib, sonra müqavilə imzalayıb, daha bir il Çeçenistanda olub. Ordudan sonra mühafizəçi, sonra fəhlə işləyib.
Xülasə — davamını mənbədə oxuyun.
