Gənclər təşkilatlarımızın qarşılıqlı fəaliyyətinə diqqət yetirməliyik

Müəyyən beynəlxalq mərkəzlərdən ölkələrimizin dövlət maraqlarının sarsıdılmasına yönəlmiş fəaliyyət prinsipləri dəyişməz olaraq qalır.

Modern.az xəbər verir ki, bu sözləri Prezident İlham Əliyev TDT-yə üzv ölkələrin təhlükəsizlik üzrə rəhbər şəxslərini qəbul edərkən söyləyib.

Onların əsas səylərini hələ formalaşmamış, formalaşması mərhələsində olan və manipulyasiya etməyin daha asan olduğu gənclər üçün yönəltdiklərini deyən dövlətimizin başçısı vurğulayıb: Məhz buna görə deyirəm, bilirəm ki, ölkələrimizin hər birində fəal gənclər siyasəti həyata keçirilir. Lakin hesab edirəm ki, TDT çərçivəsində yalnız gənc təşkilatlarımızın qarşılıqlı fəaliyyətinə daha çox diqqət yetirməliyik.