İsrailin tanınmış hərbi və siyasi xadimi, İsrail Müdafiə Qüvvələrinin (SAXAL) keçmiş Baş Qərargah rəisi və ölkənin aparıcı müxalif siyasətçilərindən biri Qadi Ayzenkot hazırkı Baş nazir Benyamin Netanyahuya əsas rəqib kimi üzr önə çıxıb. Modern.az xəbər verir ki, bu barədə Yaxın Şərqin nüfuzlu Əl-Məcəllə dərgisinin İsraildəki siyasi vəziyyətlə bağlı hazırladığı materialda bildirilir.
Nəşr yazır ki, Ayzenkot Netanyahu ilə mübarizə apararaq həm öz siyasi irsini, həm də gələcək siyasi mövcudluğunu qorumağa çalışır.
Əl-Məcəllə son buraxılışının üz qabığında Ayzenkot və Netanyahu arasında mümkün siyasi qarşıdurma, hakimiyyətin dəyişməsi perspektivlərinə və bunun uzun illər davam edən müharibələrdən sonra İsrail, Fələstin və bölgənin hansı nəticələr doğura biləcəyi yerə ayırıb.
Materialda Ayzenkotun İsrail siyasətində ümumilikdə hakimiyyətə gəlməsi ilə bağlı mövcud lənəti qıraraq Netanyahu dövrünə son qoyub-qoya bilməyəcəyi sual olunur.
Qadi Ayzenkot 20152019-cu illərdə İsrail Ordusunun 21-ci Baş Qərargah rəisi olaraq xidmət edib. Baş Qərargah rəisi olduğu dövrdə, Azərbaycan ilə İsrail arasında hərbi və regional təhlükəsizlik sahəsində əməkdaşlığın gücənməsinə xüsusi önəm verdi. Qadi Ayzenkot 7 oktyabr 2023-cü il hücumlarından sonra formalaşdırılan İsrailin fövqəladə milli birlik hökumətində portfelsiz nazir və müharibə kabinetinin üzvü kimi fəaliyyət göstərib. 2023-cü ilin dekabrında Qəzza zolağında gedən döyüşlər zamanı onun 25 yaşlı oğlu Qal Ayzenkot həlak olub. Bu hadisə Qadi Ayzenkotun İsrail cəmiyyətində nüfuzuna və siyasi ritorikasına ciddi təsir göstərdi. Baş nazir Benyamin Netanyahunun müharibə strategiyasının və strateji planının olmadığını 2024-cü il ərzində müharibə kabinetindən istifadə edərək açıq şəkildə müəyyənləşdirdi. Q.Ayzenkot hazırda özünün qurduğu mərkəz-sağ təmayüllü "Yəşər" siyasi partiyasının lideridir.
Qadi Ayzenkot 27 oktyabr 2026-cı ildə keçiriləcək parlament seçkilərində rəy sorğularında Netanyahunun Likud partiyasını qabaqlayaraq ölkənin növbəti baş naziri vəzifəsinin ən güclü namizədlərindən biri hesab olunur. İsrailin "Kanal 12" telekanalının bazar ertəsi axşam yayımladığı ictimai rəy sorğusu mümkün növbədənkənar seçkilər ərəfəsində ölkənin siyasi mənzərəsində ciddi dəyişikliklərin baş verdiyini göstərdi.
Xülasə — davamını mənbədə oxuyun.
