Gürcüstan Azərbaycanla Ermənistan arasında sülh prosesi davamlı sülhün və regional sabitliyin təmin edilməsi istiqamətində mühüm addım kimi qiymətləndirir
APA-nın yerli bürosu xəbər verir ki, bunu Gürcüstanın xarici işlər nazirinin müavini Laşa Darsaliya BMT Baş Assambleyası çərçivəsində Nyu-Yorkda ABŞ Dövlət Departamentinin təşəbbüsü ilə keçirilən Sülh yolu ilə rifah: Transxəzər ticarət marşrutuna və TRIPP təşəbbüsünə investisiyalar adlı yüksək səviyyəli tədbirdə çıxışında deyib.
O bildirib ki, bölgədə sülh və əlaqələrin gücləndirilməsi iqtisadi inkişaf və əməkdaşlıq üçün yeni imkanlar yaradır.
XİN rəsmisi, həmçinin Orta Dəhliz və TRIPP təşəbbüslərinin əhəmiyyətindən danışaraq qeyd edib ki, onların inkişafı regional əlaqələrin gücləndirilməsinə, ticarət və tranzit imkanlarının genişləndirilməsinə, eləcə də yeni sərmayələrin mərkəzinə edilməsinə töhfə verəcəkdir.
Laşa Darsaliya Gürcüstan tərəfindən Orta Dəhlizin inkişafı məqsədilə həyata keçirilən infrastruktur layihələrindən də söz açıb. Bu kontekstdə Gürcüstanın dəniz nəqliyyatı əlaqələrini daha da gücləndirəcək və Orta Dəhlizin imkanlarının inkişafına töhfə verəcək Anakliya dərin dəniz limanının əhəmiyyətini xüsusi vurğulayıb.
Nazir müavini əlavə edib ki, Gürcüstan ABŞ-la regional və beynəlxalq tərəfdaşlarla əməkdaşlıq vasitəsilə regional əlaqələrin gücləndirilməsinə və yeni iqtisadi imkanların yaradılmasına hazırdır.
Xülasə — davamını mənbədə oxuyun.
