İran İslam İnqilabı Keşikçiləri Korpusu (SEPAH) müharibənin əvvəlindən bəri 200-dən çox “düşmən təyyarəsini” vurduğunu iddia edib. Bu barədə İran İnqilabı Keşikçiləri Korpusu komandirinin müavini general-mayor Mostafa İzadi açıqlama verib. İzadi münaqişəni “hibrid müharibə” kimi qiymətləndirib və deyib ki, İranın əleyhdarları həm daxili, həm də hərbi əməliyyatlar vasitəsilə ölkədə sabitliyi pozmağa çalışıblar.
O, həmçinin münaqişənin İranın siyasi sistemini zəiflətdiyi və ya ölkənin parçalanmasına səbəb ola biləcəyi ilə bağlı iddiaları rədd edib. Bundan əvvəl ABŞ və İran arasında gərginlik iyulun 8-də yenidən artıb. Həmin gün ABŞ qüvvələri Hörmüz boğazında ticarət gəmisinə edilən hücuma cavab olaraq İran ərazisinə bir neçə dəfə zərbələr endirib və bu, Vaşinqton və Tehran arasında imzalanan memorandumdan sonra ilk belə hərəkət olub.
ABŞ prezidenti Donald Tramp elə həmin gün İranla atəşkəs rejiminə xitam verildiyini açıqlayıb. Buna cavab olaraq Tehran Bəhreyn, İordaniya, Qətər, Küveyt, BƏƏ və Omanda yerləşən ABŞ obyektlərinə zərbələr endirməyə başlayıb. İran Hörmüz boğazının hazırda bağlı olduğunu bildirib.
Mənbə: https://www.trend.az/iran/4215734.html © 2026 Trend İnformasiya Agentliyi.
Xülasə — davamını mənbədə oxuyun.
