İşdən çıxarılan direktor avadanlıqları söküb, evə apardı - İDDİA

Goranboyda 2 saylı tam orta məktəbin sanitar qovşağındakı avadanlıqlar sökülüb.

Modern.az xəbər verir ki, sosial şəbəkələrdə həmin ərazi məktəblərinin sabiq direktoru İlhamə Qasımovanın öz evinə apardığı iddia edilir.

Direktorun vəzifədən azad olunduğu üçün bu əməli törətdiyi bildirilir.

Məsələ ilə bağlı Gəncə-Daşkəsən Regional Təhsil İdarəsindən Lent.az-ın soruğusuna verilən cavaba görə, araşdırma nəticəsində müəyyən edilib ki, sözügedən ümumi təhsil müəssisələrində bəzi avadanlıqların zədələnməsi və ya yerində olmaması ilə bağlı məsələlər mövcuddur:

"Hazırda həmin əhalilərin təmiri edilərək istifadəyə yararlı vəziyyətə gətirilməsi və yeni tədrisin başlanğıcına qədər aradan qaldırılması nəzərdə tutulmuşdur".