Milli Məclisin Aqrar siyasət komitəsinin sədri Tahir Rzayev Modern.az-a geniş müsahibə verib. Deputat qanunvericilikdən və fermerlərə subsidiyalardan danışıb, vergi, qiymət, qıtlıq və təhlükəsizliklə bağlı sualları cavablandırır. O, komitə daxilində münasibətlərə aydınlıq gətirib.
Tahir müəllim, uzun illərdir Milli Məclisdəsiniz. Hazırda insanların gündəlik həyatı üçün çox vacib olan aqrar sahə üzrə komitəyə rəhbərlik edirsiniz. Mövcud qanunvericilik kənd təsərrüfatının inkişafına kifayət edirmi?
Zaman keçir, dəyişikliklər qarşımıza yeni tələblər qoyur. Sözsüz ki, bu tələblər yeni qanunvericilik aktlarının hazırlanmasını, mövcud qanunların təkmilləşdirilməsini zəruri edir. Qanunlar müasirləşməlidir. Cənab Prezident də kənd təsərrüfatı ilə bağlı müşavirədə buna toxundu. Dövlət proqramlarında həmin vəzifələr əksini tapır.
Mən son illər ərzində kömək qəbul olunmuş aktları diqqətlə izləyirəm. Söhbət yüzlərlə qanundan, qanunlara əlavə və dəyişiklikdən, digər normativ sənədlərdən gedir. Ancaq çox şey olması demək deyil, iş bitib. Vaxtilə qəbul olunmuş qanun o dövrün tələblərinə cavab verilir, indi isə başqa münasibətlər yaranıb.
Məsələn, toxumçuluqla bağlı əvvəl də qanun var idi. Yeni layihəyə baxanda görürsən ki, beynəlxalq əlaqələrimiz genişlənib, qoşulduğumuz konvensiyalardan və proqramlardan yeni vəzifələr irəli gəlir. Bunlar qanunda əks olunmalıdır ki, nə dövlət orqanı, nə də sahibkar sual qarşısında qalmasın.
Bu sessiya komitənizdə müzakirə olunan Məhsul şəhadətnaməsi haqqında qanun layihəsi fermerə nə olacaq?
Xülasə — davamını mənbədə oxuyun.
