IV Maarifçi tələbə-məzun proqramının iştirakçıları Məhkəmə-Hüquq Şurasının İcra başçısı Kərəm Mansurovla görüşüb.
Bu barədə APA-ya Elm və Təhsil Nazirliyindən məlumat verilib.
Görüşdə Elm və Təhsil Nazirliyinin İdarə rəhbərinin müavini Fərzəli Qədirov, nazirliyin məsul əməkdaşları, həmçinin proqramın əvvəlki illərində uğur qazanmış məzunları və IV Maarifçi proqramının iştirakçıları iştirak ediblər. Kərəm Mansurov Müasir məhkəmə sistemi və rəqəmsal gələcək mövzuları çıxış edib. Çıxış zamanı Məhkəmə-Hüquq Şurasının fəaliyyət istiqamətləri, məhkəmə hakimiyyətinin müstəqilliyinin təmin edilməsi, məhkəmə mədəniyyətinin formalaşdırılması, eləcə də rəqəmsal idarəetmə və süni intellektin ədalət mühakiməsində gələcək rol haqqında məlumat verilib.
Məhkəmə-Hüquq Şurasının İcra Hakimiyyəti başçısı vurğulayıb ki, müasir məhkəmə sisteminin inkişafı hüquqi bilik və peşəkarlıqla yanaşı, yüksək etik davranış standartlarının qorunması, ictimai etimadın təmin edilməsi və yeni texnologiyaların yaradılan imkanlardan səmərəli istifadə ilə sıx bağlıdır. Rəqəmsal gələcəyin təkcə texnoloji yenilikləri deyil, eyni zamanda yeni düşüncə tərzini, müasir idarəetmə mədəniyyətini və dəyişikliklərə açıq insan kapitalını ehtiva etdiyi qeyd olunub.
Görüşün sonunda iştirakçıların sualları cavablandırıldı, müxtəlif mövzularda fikir dəyişiklikləri aparıldı.
Xülasə — davamını mənbədə oxuyun.
