Sərfəli mobil operatoru “Nar” on ilə yaxındır ki, “Təlim məktəbi” layihəsini həyata keçirir, gənclərin peşə bacarıqlarının inkişaf etdirilməsi, əmək bazarına inteqrasiyası və işlə təmin olunmasına dəstək verir. Bu illər ərzində layihə moda dizaynı və dərzilik, manikür, aşpazlıq, xəmir istehsalı və motor mexanikası da daxil olmaqla bir sıra peşələri əhatə edib. Layihə vasitəsilə iştirakçılar müxtəlif peşələr üzrə bilik və praktiki bacarıqlara yiyələnir və bu bacarıqları real iş mühitində tətbiq etmək və karyeralarına başlamaq imkanı əldə edirlər.
Layihənin iştirakçısı Fatimə Hüsiyeva moda dizaynı və dərzilik üzrə təlimi başa vurmuş və əldə etdiyi bacarıqlar sayəsində Bakı Tekstil Fabrikində işə düzəlmişdir və bu gün də fəaliyyətini burada davam etdirir. “Nar” Fatimənin peşə təhsilindən məşğulluğa qədər olan yolunu əks etdirən qısa video müsahibə hazırlayıb. Fatimə müsahibədə peşə seçimindən, təlim zamanı əldə etdiyi bilik və bacarıqlardan, hazırkı iş təcrübəsindən danışır.
Videomüsahibəni link vasitəsilə əldə etmək olar. Qeyd edək ki, “Nar”ın “Karlara Dəstək” İctimai Birliyi ilə birgə həyata keçirdiyi layihə eşitmə məhdudiyyəti olan insanlara peşə təhsili verir, onların işlə bağlı bir sıra bacarıqlara yiyələnməsinə kömək edir. Eyni zamanda, layihə əlilliyi olan gənclərin əmək bazarına inteqrasiyasını dəstəkləyir və inklüziv iş mühitinin təşviqinin vacibliyinə diqqət çəkir.
Hazırda 2,2 milyon abunəçiyə xidmət göstərən “Nar” son 7 il ərzində Müştəri Loyallığı İndeksinə görə Azərbaycanın lider mobil operatorudur. Bu nailiyyət “Nar”ın ardıcıl olaraq həyata keçirdiyi müştəri mərkəzli strategiyası ilə dəstəklənir. Mobil operator istifadəçilərinə sərfəli qiymətlərlə etibarlı, yüksək keyfiyyətli rabitə xidmətləri, müxtəlif mobil internet paketləri, müasir eSIM texnologiyası təqdim edir.
Mənbə: https://www.trend.az/azerbaijan/society/4216359.html © 2026 Trend İnformasiya Agentliyi.
Xülasə — davamını mənbədə oxuyun.
