Fövqəladə Hallar Nazirliyi (FHN) qeyri-sabit hava şəraiti ilə əlaqədar əhaliyə müraciət edib. Modern.az sözügedən müraciət təqdim edir: "Milli Hidrometeorologiya Xidmətinin məlumatına görə, yaxın günlərdə ölkə ərazisində qeyri-sabit və yağıntılı hava şəraiti müşahidə olunacaq, yağıntıların bəzi yerlərdə intensiv xarakterli olacaq, bir sıra dağ çaylarından qısamüddətli sel keçəcəyi, güclü külək əsəcəyi və şimşək çaxacağı proqnozlaşdırılır. Qeyd olunanları nəzərə alaraq, Fövqəladə Hallar Nazirliyi müvafiq təhlükəsizlik qaydalarını bir daha xatırladır.
Belə ki, bəzi çaylarda mümkün olan və daşqından, habelə subasmadan qorunmaq üçün təhlükəli olan ərazilərdən uzaq durmaq, belə təhlükə ilə üzləşdikdə dərhal yaxınlıqdakı yüksəkliyə qalxmaq, xilasedicilərin çağırış və tövsiyələrinə sözsüz əməl etmək lazımdır.
Bundan əlavə, güclü külək zamanı yüngül inşaalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur. Belə ki, kiçik gəmi istifadəçilərinin belə hava şəraitində dənizə çıxmaq qadağan olduğunu nəzərə almalıyıq.
Həmçinin, ildirımla bağlı təhlükələrdən qorunmaq üçün ildirim çaxarkən elektrik cihazlarını şəbəkədən ayırmaq, telefonla (sabit şəbəkə, mobil telefon, taksofon və s.) danışmamaq, açıq havada olarkən elektrik xətti, ildirım ötürücüsü, navalça və antenaya yaxınlaşmamaq, hündür ağacların altında daldalanmaq, avtomobildə olduqda isə hərəkətləri günə qədər şüşələri qaldırıb ildirimin bitməsini gözləmək tövsiyə edilir".
Xülasə — davamını mənbədə oxuyun.
