Trend -in xüsusi müxbiri xəbər verir ki, Türk Dövlətləri Təşkilatının baş katibinin müavini Nuru Quliyev bildirib ki, Qurultay seçkiləri ictimai iştirakçılığın gücləndirilməsi, vətəndaşların inamının artırılması və ölkənin təmsilçi institutlarının inkişafı üçün imkan yaradır. Bu barədə Astanada keçirilən brifinqdə Nuru Quliyev məlumat verib. O qeyd edib ki, missiyaya OTS Katibliyinin rəsmiləri, eləcə də üzv dövlətlərin Azərbaycan, Qırğızıstan, Türkiyə və Özbəkistanın mərkəzi seçki komissiyaları və dövlət qurumlarının nümayəndələri daxildir.
Missiya öz fəaliyyətini Qazaxıstanın milli qanunvericiliyinə, habelə seçkilərin və referendumların təşkili və keçirilməsini tənzimləyən hamılıqla tanınmış beynəlxalq hüquq normalarına uyğun olaraq həyata keçirmişdir. Missiya bu ilk seçki prosesini ictimai iştirakçılığın, vətəndaşların etimadının gücləndirilməsi və ölkənin nümayəndəlik institutlarının inkişafı üçün bir fürsət kimi dəyərləndirir”, - deyən Quliyev qeyd edib ki, missiya konstitusiya islahatlarından sonra nisbətən qısa müddət ərzində yeni seçki sisteminin tətbiqinə yönəlmiş seçki orqanlarının və digər maraqlı tərəflərin səylərini alqışlayır.
Bundan başqa, Quliyev əlavə edib ki, OTS missiyası bu ilk seçki prosesini ictimai iştirakçılığın, vətəndaşların etimadının gücləndirilməsi və ölkənin nümayəndəlik institutlarının inkişafı üçün fürsət kimi dəyərləndirir. Missiya baş çəkdiyi seçki məntəqələrinin fəaliyyətinə inzibati və ya hüquq-mühafizə orqanlarının müdaxiləsinə dair heç bir sübut aşkar etməyib. Həmçinin qeyd olunub ki, vətəndaşların öz iradəsini ifadə etmək azadlığının təmin edilməsi üçün zəruri inzibati tədbirlər görülüb”.
Mənbə: https://www.trend.az/casia/kazakhstan/4217573.html © 2026 Trend İnformasiya Agentliyi.
Xülasə — davamını mənbədə oxuyun.
